د اسراییل د بهرنیو چارو وزارت استازې: طالبان او حماس د ایران نیابتي ډلې دي

پر اسراییل د حماس د اکټوبر د اوومې نېټې له برید وروسته چې ۱ زرو ۱۴۷ کسان پکې وژل شوي او ۲۴۰ نور یرغمل شوي وو، پر غزه د اسراییل له هوايي او ځمکنیو عملیاتو له پیل د سلو ورځو په تېرېدو سره تر اوسه د فلسطین د روغتیايي چارواکو په وینا؛ ۲۳ زره ۹۶۸ فلسطینیان وژل شوي او ۶۰ زره ۵۸۲ نور ټپیان شوي دی.

په همدې حال کې په لویدیځه غاړه او ختیځ بیت المقدس کې هم ۳۸۷ فلسطینیان وژل شوي دي.

د اسراییل پوځ ویلي، چې د حماس سره د جګړې له پیل راهیسې تر اوسه ۵۲۲ عسکر وژل شوي او ۲ زره ۱۹۳ نور ټپيان شوي‌ دي.

د اسراییل لومړي وزیر بنیامین نتنیاهو ویلي، چې هېڅوک به د دوی د عملیاتو مخ ونه نیسي، "نه د هاګ محکمه او نه د عدالت نړۍواله محکمه".‌

داسې رپوټونه هم ورکړل شوي، چې د اسراییل د دفاع وزیر او نتنیاهو ترمنځ د جګړې په اړه ناندرې شوې دي او د دفاع وزیر یوه جلسه پرېښې ده.

په نږدې ختیځ کې د فلسطیني کډوالو لپاره د ملګرو ملتونو د مرستې او کار ادارې مشر، فیلیپ لازاریني وايي: "د تېرو ۱۰۰ ورځو پراخه مرګ ژوبله، ویجاړتیا، د خلکو بې ځایه کېدل، لوږه، زیان او غم زموږ د انسانیت په لمنه ګډ داغ دی."

د ملګرو ملتونو له خوا په ښوونځیو کې جوړ شوي د بې ځایه شویو کمپونه د زرګونو فلسطینیانو لپاره یوازینۍ سرپناه بلل کیږي، چې کورونه یې د اسراییل له خوا ویجاړ شوي او دوی یې بې ځایه کېدو ته مجبور کړي.

د اسراییل په بریدونو کې د ملګرو ملتونو شاوخوا ۱۴۰ کارکوونکي هم وژل شوي دي.‌

تحریک انصاف چې د پاکستاني پوځ له ځواکمنو جنرالانو سره په ټکر کې دی؛ د دې ادارې په ملاتړ ځپل کېږي او د راتلونکې میاشتې له ټاکنو مخکې یې دا ځپل لا ډېر شوي دي.

عمران خان او ملګري یې وايي؛ پوځ هڅه کوي له ټاکنیزو سیالیو یې لرې وساتي، خو مقابل لوری دا تور ردوي.

د پاکستان په څېر ۲۴۱ میلیونه وګړي هېواد کې چې کلیوالو سیمو کې یې د لیک لوست کچه ټیټه ده په رایه پاڼو کې د ګوند ټاکنیزه نښه د پېژندلو لپاره مهمه ده؛ ترڅو خپل کاندید وپېژني.

د سترې محکمې لوی قاضي عیسی فایض دا پرېکړه بیګا د شپې ناوخته د خپل ارګان له وېبپاڼې په یوه ویډیو کې اعلان کړه.

د رویټرز د راپور له مخې؛ اوس به د عمران خان د ګوند نوماندان مجبور وي، چې فردي سمبولونو سره ټاکنو کې ګډون وکړي او دې سره به یې رایه ور کوونکي سربدال یا ګنګس شي.

تحریک انصاف ګوند په یوه اعلامیه کې دا د محکمې تر ټولو بده پرېکړه بللې او ویلي دي، چې مېلیونونه رایه ورکوونکي یې اغېزمنوي.

د ګوند سرپرست ګوهر خان هم وايي، چې نوماندان به یې د خپلواکو امیدوارو په حیث ټاکنو کې ګډون وکړي.

تر دې مخکې د پاکستان ټاکنو کمېسیون له تحریک انصاف دا نښه په دې تور اخیستې وه، چې د عمران خان تر بندي کېدو وروسته یې د ملي ټاکنو لپاره د اصولو له مخې ټاکنې نه دي کړې.

خو دغه ګوند په عالي محکمه کې دا تور وننګاوه.

د هند او افغانستان په لوبه کې پچه کوربه هېواد وګټله او افغان لوبډلې ته يې د توپوهنې بلنه ورکړه.

افغان کرېکټ لوبډلې په ۲۰ اورونو کې د ټولو لوبغاړو په سوځېدو هند ته ۱۷۲ منډې هدف وټاکه.

افغان لوبغاړي ګلبدين نایب په ۳۵ توپونو تر ټولو ډېري ۵۷ منډې جوړې کړې.

هند کرېکټ لوبډلې د ۴ لوبغاړو په سوځېدو په ۱۵.۴ اور کې دغه هدف پوره کړ.

هندي لوبغاړو يشاسوي جيسوال په ۳۴ توپونو ۶۸ او شيوام دوبی په ۳۲ توپونو ۶۳ ناسوځېدلې منډي وکړې.

افغان کرېکټ ملي لوبډلې دغه لوبه د ۶ ويکټو په توپير وبايلله.

بل لور ته بيا د ۱۹ کلنو کم عمره نړۍوالو ۵۰ اوريزو لوبو ته د تياري په موخه افغان ۱۹ کلنو ځوانانو له انګلستان څخه د ۶۷ منډو په توپير لوبه وګټله.

د افغانستان او انګلنډ تر منځ د دې تمريناتي سيالۍ پچه انګلنډ وګټله او افغانستان ته یې د توپوهني بلنه ورکړه.

د افغان ۱۹ کلنو کم عمره لوبډلې د خپلو ټولو لوبغاړو په سوځېدو انګلنډ کرېکټ لوبډلې ته ۲۳۸ منډې هدف وټاکه.

په افغان لوبډله کې نعمان شاه ۶۵، سهيل خان ۵۲ او خالد تڼيوال ۳۰ تر ټولو ډېرې منډې جوړي کړې.

انګلستان لوبډلې د ټولو لوبغاړو په سوځېدو ۱۷۱ منډې جوړې کړې.

افغان توپ اچوونکي محمد غضنفر تر نورو لوبغاړو بهترينه توپ اچونه وکړه او د سيالې لوبډلې پنځه لوبغاړي يې وسوځول.

بايد وويل شي، چې د افغانستان او هند تر منځ د درېيو شل اوريزو لوبو لړۍ درېيمه لوبه به د رواني جنوري میاشتي په ۱۷ مه نېټه وي.

۵۸ کلن ډګر جنرال اولیکسندر سیرسکي د رویټرز سره په ځانګړې مرکه کې ویلي: "د امریکا A-10 جنګي جېټ زمونږ د اړتیا وړ الوتکه ده که چیرې یې دوی موږ ته راکړي... دا یو نوی ماډل الوتکه نه ده، مګر یو باوري الوتکه ده چې په ډیرو جګړو کې یې ځان ثابت کړی، او د وسلو پراخ ډولونه لري. د ځمکنیو اهدافو په له منځه وړلو کې له پیاده عسکرو سره مرسته کولای شي.‌

د امریکا A-10 جنګي جېټ د دغه هیواد له خوا په لومړي ځل په ۱۹۷۰ ام کال کې جوړې شوي او تر اوسه ترې په پراخه توګه کار اخیستل کیږي.

سیرسکي وايي د اپاچي، سوپر کوبرا او بلیک هاک هلیکوپټرې هم کولای شي چې د اوکراین په جګړه کې هم مهم رول ولوبوي.

د ۲۰۲۲ کال په فبرورۍ میاشت کې پر اوکراین د روسیې د یرغل له پیل راهیسې، کییف پر لویدیځو متحدینو فشار راوړی چې د زغره والو موټرو، ټانکونو، د اوږد واټن ویشتونکو توغندیو او F-16 جنګي الوتکو په ګډون ورته بیلابیلې پرمختللې وسلې او مهمات برابر کړي.

تمه کیږي چې لومړنۍ امریکايي F-16 جیټ الوتکې به په ۲۰۲۴ کال په وروستیو کې اوکراین ته ورسیږي، که څه هم د روسیې د قوي هوایي ځواک په پرتله کیدای شي په جګړه کې ددغو الوتکو اغیز محدود وي.

د کابل په خېرخانه کې د یوه خصوصي روغتون مشر افغانستان انټرنشنل - پښتو ته وویل، چې د تېرې اونۍ د سې شنبې په ورځ د امر بالمعروف یو شمېر محتسبین د دوی روغتون ته ورغلي او له هغوی څخه یې د ښځینه ډاکترانو، نرسانو او نورو کارکوونکو په اړه معلومات غوښتي دي.

نوموړی وايي: "که څه هم موږ ورسره وغږېدو چې دا د اصولو خلاف کار دی او موږ نه شو کولی، چې تاسو ته د خپلو همکارانو په اړه معلومات درکړو؛ خو خبرو نتیجه نه ده ورکړې او موږ ته یې ویلي، چې په لسو ورځو کې باید ټول معلومات چمتو کړي".

د خصوصي روغتون یاد مشر وویل، چې امر بالمعروف ترې د هرې ښځینه کارکوونکې نوم، پلار نوم، دنده، د کور ادرس، ټیلفون شمېره، د ټولنیزو رسنیو د اکاونټونو نومونه او یو کوچنی تصویر غوښتي دي.

همدا راز د کابل د دشت برچي سیمې د یوه خصوصي روغتون سرطبیب افغانستان انټرنشنل - پښتو ته وویل، چې د امر بالمعروف غړو ترې معلومات غوښتي او دوی یاده موضوع د طالبانو د عامې روغتیا له وزارت سره شریکه کړې ده.

ډاکتر وویل: "د عامې روغتیا وزارت چارواکو هم مثبت ځواب نه دی راکړی او راته ویل شوي، چې امر بالمعروف پر ټولو ادارو د څار حق لري او باید معلومات ورکړي".

د کابل د ارزان قیمت د سیمې د یوه شخصي روغتون مشر د نوم د نه ښودلو په شرط ویلي، چې د امر بالمعروف محتسبینو ورته ویلي، چې د پخوانیو او اوسنیو ښځینه ډاکترانو، نرسانو او اداري کارکوونکو په اړه ورته معلومات ورکړي او که کله نوې مېرمنې په دندو ګوماري باید دوی ته یې معلومات ورکړي.

بل خوا د خصوصي روغتونونو د اتحادیې یوه غړي افغانستان انټرنشنل - پښتو ته تایید کړه، چې د امر بالمعروف غړو له یو شمېر روغتونونو څخه معلومات غوښتي دي؛ خو دا موضوع په رسمي ډول له اتحادیې سره نه ده شریکه شوې.

د طالبانو د عامې روغتیا وزارت د مالي او اداري معینیت یوې سرچینې افغانستان انټرنشنل - پښتو ته وویل، چې یاده موضوع د طالبانو د روغتیا له وزیر سره شریکه شوې ده.

سرچینې زیاته کړه: "وزیر وویل، چې امر بالمعروف ته د طالبانو مشر ملا هبت الله اجازه ورکړې او دغه وزارت د طالبانو د مشر د امر له مخې حق لري، چې له وزارتونو معلومات وغواړي".

د طالبانو د امر بالمعروف غړو دغې غوښتنې د کابل د خصوصي روغتونونو او کلینکونو ډاکترانې او نرسانې وېرولي دي.

په کابل کې د ښځینه ناروغیو متخصصه چې خپل مستعار نوم سکینه ښيي وايي، چې د طالبانو له خوا د شخصي معلوماتو له غوښتلو وروسته یې په خپل کار کې ډار پېدا کړی دی.

هغې زیاته کړه: "امر بالمعروف زموږ په شخصي معلوماتو څه کوي؟ خو معلومه ده، چې دوی ځانته معلوموي چې موږ پخوا چېرې کار کړی او څه مو کړي یا څه کوو؟".

د نوموړې په خبره، که چېرې طالبان پرې ورځ تر بلې د وېرې او ډار حلقه راتنګوي؛ نو ګڼې ښځینه ډاکترانې او نرسانې به خپلې دندې پرېږدي.

هڅه مو وکړه، چې په دې اړه د طالبانو د عامې روغتیا وزارت نظر هم را واخلو؛ خو له پرله پسې اړیکو نیولو هم ونه توانېدو.

دا لومړی ځل نه دی، چې د طالبانو د امر بالمعروف غړي له یو شمېر خصوصي یا دولتي ادارو څخه معلومات غواړي، له دې وړاندې یې د ننګرهار پوهنتون د بېلابېلو پوهنځیو له څانګو څخه د استادانو په اړه معلومات غوښتي وو.