د پخواني حکومت د سولې مرکچي پلاوي مشر رییس د ایران او پاکستان خپلمنځي بریدونو ته په غبرګون کې وایي، په نړیوالو شخړو کې د ځیرکو وسلو کارول نوی او د اندیښنې وړ اړخ رامنځته کړی. معصوم ستانکزي زیاتوي، دا شان شخړې هر هیواد ته فرصت ورکوي چې د بل هیواد له محرمیت څخه سرغړونه وکړي.
نوموړي خپل اېکس کې لیکلي، اوسنی نړیوال نظم د زوال په حال کې دی او د شخړو د حل او د سیالۍ د مخنیوی لپاره باید سوله ییزو هڅو ته لومړیتوب ورکړل شي.
سره له دې چې د ایران او پاکستان ترمنځ وروستۍ پيښې له بیلابیلو غبرګونونو سره مخ شوې دي، ایراني چارواکي وایي چې د پيښې په اړه یې پلټنې پیل کړي دي.
له دې سره، د سیستان او بلوچستان سیاسي او امنیتي مرستیال تسنیم خبري اژانس ته ویلي، چې د پاکستان په توغندیزو بریدونو کې ۹ کسان وژل شوي دي خو دا کسان ایراني وګړي نه دي.
اخوا په پاکستان کې د ایران د برید په پایله کې بیا پنځو کسانو ته مرګژوبله اوښتې ده.
