په بدخشان ولایت کې یوه مساپر وړونکې الوتکه غورځېدلې ده
ځايي سرچینې وايي د بدخشان ولایت د کران و مجان او زیباک ولسوالیو اړوند توپخانې په غرونو کې یوه مساپر وړونکې الوتکه غورځېدلې ده. تر اوسه پورې لا د یادې الوتکې د غورځېدو لامل نه دی معلوم.
ځايي سرچینې وايي د بدخشان ولایت د کران و مجان او زیباک ولسوالیو اړوند توپخانې په غرونو کې یوه مساپر وړونکې الوتکه غورځېدلې ده. تر اوسه پورې لا د یادې الوتکې د غورځېدو لامل نه دی معلوم.
د معلوماتو له مخې دغه مساپر وړونکې الوتکه د یوه هندي هوايي شرکت اړوند ده چې تېره ورځ د افغانستان د بدخشان ولایت اړوند په فضا کې د فضايي رادار له لیکو ورکه شوې وه.
بلخوا د یک شنبې په ورځ د (سلواغې په لومړۍ ) نېټه د بدخشان ولایت د اطلاعات او فرهنګ مشر ذبیح الله امیري رسنیو ته ویلي چې د دغه ولایت د کران و منجان او زیباک ولسوالیو اړوند توپخانې غرونو کې یوه مساپر وړونکې الوتکه غورځېدلې ده. او د پېښې سیمې ته یې د څېړنو لپاره یوه ډله استولې ده.
نوموړي د الوتکې او د مساپرو په اړه نور جزیات نه دي ورکړي.
تر دې مهاله هند د یادې الوتکې د غورځېدو په اړه څه نه دي ویلي.
افغانستان انټرنشنل ـ پښتو ته د زابل څخه ځينو سرچينو ویلي، چې عطاجان حق بيان د جمعې په ورځ - د مرغومې ۲۹ مه - د زابل ولایت ولايت په شهرې صفا ولسوالۍ کي د طالبانو له خوا نیول شوی دی.
تر اوسه طالبانو په رسمي توګه د نوموړي د نیول کیدو په اړه څه ندي ویلي، خو په زابل ولایت کې طالب چارواکو منلې، چې عطاجان حق بيان د سېمي له خلګو قرضداره و او د پيسو پر سر د هغوی سره تر لانجې وروسته نیول شوی دی.
د نوموړو ملګرو هم د هغه د نیول کیدو خبر تایید کړی خو نور جزییات یې ندي ورکړي.
عطاجان حق بيان ته نږدې کسانو ویلي چې نوموړي په شهرې صفا کې له طالبانو د یو کان قرارداد ترلاسه کړی او هلته پر کار بوخت و.
د طالبانو ځینو پلویانو له خپل مشرانو غوښتي چې نوموړی دي په ژوبڼ کې زنداني کړي.
عطاجان حق بيان څو مياشتي وړاندې افغانستان ته د شخصيتونو د ستنېدو له کمېسون سره تر تماس نيولو وروسته هېواد ته راستون شوی و.
تر راستنیدو وړاندې، نوموړي په يوه غږیز پيغام کې د طالبانو د دفاع وزارت له سرپرست محمد يعقوب مجاهد غوښتي و، چې له هغه سره هیواد ته د راستنیدو او هلته د ژوند کولو په برخه کې همکاري وکړي.
