مشهور روسي ملتپال چې پوتین ته یې سپکاوی کړی و په څلور کاله بند محکوم شو

ویډانټ پټیل په یوې خبري غونډې کې ویلي، چې په دغه برخه کې به امریکا خپلې نه ستړې کېدونکو هلو - ځلو ته دوام ورکوي؛ تر څو امریکا ته ډاډ حاصل شي، چې د بشري حقونو د جدي سرغړونو په برخه کې طالبان ځواب ویوونکي شي.

پټیل زیاته کړه، چې د بشري حقونو د جدي سرغړونو په برخه کې د بهرنیو چارو وزارت ښکېل دی او د وزارت د رهبرۍ سربېره د افغانستان د ښځو، نجونو او بشري حقونو لپاره د امریکا استازې رینا امیري هم یاده مساله څاري.

د امریکا د بهرنیو چارو وزارت د ویاند مرستیال دا څرګندونې پر داسې مهال کوي، چې د کابل سربېره په یو شمېر لویو ولایتونو کې د حجاب په پلمه د مېرمنو او نجونو نیول دوام لري.

د یادې مسالې په تړاو ملګرو ملتونو هم خپله اندېښنه څرګنده کړې وه.

په ورته وخت کې د افغانستان د ښځو، نجونو او بشري حقونو لپاره د امریکا ځانګړې استارې رینا امیري د زده‌کړو د نړۍوالې ورځې په پار پر اېکس پاڼه لیکلي، چې دمګړۍ په افغانستان کې شاوخوا ۲.۵ میلیونه ښځې او نجونې له زده‌کړو بې برخې شوې او هیلې یې مړاوې شوې دي.

هغه وایي؛ نړۍواله ټولنه باید د افغان مېرمنو او نجونو د زده‌کړو د حق په ملاتړ کې همغږې پاتې شي.

د روسیې د تاس خبري اژانس په راپور کې راغلي، چې الکساندر لاورینتیف دا څرګندونې عراق څخه د امریکايي ځواکونو وتلو ته په اشارې سره کړي‌ او ویلي یې دي، چې روسیه داسې شواهد لري چې متحده ایالاتونه له عراق څخه د خپلو ځواکونو د ایستلو لپاره چمتووالی نیسي.

هغه یادونه وکړه؛ یوازینی هېواد چې امریکایان په ډېره چټکۍ سره ترې ووتل افغانستان و.

هغه ویلي:‌ "مګر هلته د امریکا پر ځواکونو د بریدونو ګواښ موجود و. امریکایان مجبور شول چې په لڼډ وخت کې له طالبانو سره په همغږۍ کې له هغه هېواده ووځي."

لاورینتیف په استانه کې د سوریې په اړه له ۲۱مې نړۍوالې غونډې وروسته ویلي: "تر هغه ځایه چې موږ پوهیږو، امریکا د عراق د غوښتنو د پوره کولو او له دغه هېواده د امریکايي ځواکونو د وتلو د پیل لپاره خپل چمتووالی اعلان کړی دی. که څه هم دا ستونزمنه ده چې قضاوت وکړو چې دا موضوع څومره واقع‌بینانه ده. دا پروسه ممکن اوږده وي او حتا کلونه دوام وکړي."

هغه ویلي؛‌ لکه څنګه چې لیدل شوي،‌ امریکایان د ځینو هیوادونو د مشرتابه د نظر په پام کې نیولو پرته، په ښکاره توګه د تروریزم سره د مبارزې به فیشنۍ پلمه، په ډېره اسانۍ سره یو هېواد ته خپل پوځیان لیږي؛ خو د پوځيانو بېرته وتل یې خورا ستونزمن ثابت شوي.

ټاکل شوې، چې د افغانستان په اړه د ملګرو ملتونو دویمه غونډه به د همدې میاشتې په پای کې د هېوادونو د ځانګړو استازو په حضور کې په قطر کې جوړه شي.

د طالبانو تر کنټرول لاندې له ارګ څخه په خپره شوې خبرپاڼه کې راغلي، چې د پنجشنبې په ورځ (د سلواغې ۵مه) د طالبانو د رییس الوزرا سیاسي مرستیال مولوي عبدالکبیر په افغانستان کې د ناروې له سفیر پال کلومن بکر سره وکتل.

د طالبانو د خبرپاڼې له مخې؛ دغه نارویژي ډېپلومات ویلي، چې د افغانستان په اړه د دوحې غونډه به د فبرورۍ په ۱۸مه جوړه شي.

مولوي عبدالکبير وويل، چې دې غونډې ته د طالبانو استازي بلل شوي دي.

د ملګرو ملتونو د سرمنشي ویاند د چهارشنبې په ورځ په یوه خبري غونډه کې اعلان وکړ، چې د دوحې د غونډې هدف د افغانستان په اړه د بېلابېلو هېوادونو د چلند همغږي او د دغه هېواد په اړه د خپلواکو ارزونو ترسره کول دي.

طالبانو په خپله خبرپاڼه کې ليکلي، چې د ناروې سفیر له طالبانو وغوښتل چې نجونو او ښځو ته دې د زده کړې او د کار زمينه برابره کړي.

د طالبانو سیاسي مرستیال ویلي، چې دا ډله د ښځو او نجونو د تعلیم مخالفه نه ده.

هغه زياته کړه، چې د طالبانو د مشر په امر يې د نجونو او ښځو د زده کړو لپاره ځانګړې کمېټه جوړه کړې ده.

عبدالکبیر له ناروې او نورو اروپايي هېوادونو غوښتي چې په کابل کې خپل سفارتونه بېرته پرانیزي.

هغه دا هم وویل، چې تحریک طالبان پاکستان په افغانستان کې ځای نه لري او داعش ځپل شوی دی.

د طالبانو په خبرپاڼه کې راغلي، چې ناروې په افغانستان کې له طبیعي پېښو سره د مبارزې لپاره ۹۳ میلیونه ډالره او له ایران او پاکستان څخه د راستانه شویو کډوالو لپاره ۷ میلیونه ډالر ځانګړي کړي دي.

مالي نیوز د دغه هېواد د ملي جیولوجي او کانونو د ریاست د چارواکو په حواله خبر ورکړی دی، چې د پېښې پر مهال په کان کې دوه سوه کارګران موجود وو، خو پاتې نور يې ژغورل شوي دي.

کریم برته چې د حکومت د ملي جیولوجي او کانونو ریاست لوړ پوړي چارواکی دی، اسوشیټیډ پرېس ته دغه پېښه یوه حادثه بللې او ویلي یې دي، چې یو شمېر کان کېدونکو بې احتیاطي هم کړې ده.

نوموړي ویلي، چې د بې احتیاطۍ په اړه څېړنې روانې دي.

په خبر کې ویل شوي، چې په پېښه کې ۲۵ کسان ټپیان شوي هم دي، چې دا مهال تر درملنې لاندې دي.

دا د خپل ډول درېیمه پېښه ده، چې په تېرو درېیو میاشتو کې په مالي کې رامنځته کیږي.

دا راپورپه غزه کې د سملاسي اوربند د حکم صادرولو په اړه د عدالت نړۍوالې محکمې له پرېکړې یوه ورځ وروسته خپور شو.

د دې اسنادو موخه دا ده، چې د ځینو اسراییلي افراطي چارواکو پارونکي څرګندونې له حماس سره د مبارزې په برخه کې د حکومت په پرېکړه کې هېڅ رول نه لري. جنوبي افریقا د دغو افراطي چارواکو د څرګندونو له مخې تل ابیب په نسل وژنه تورنوي.

نیویارک ټایمز زیاتوي، چې د اسراییل د دفاع یوه برخه د دې حقیقت پر بنسټ ولاړه ده او هغه څه چې سیاستوال یې خلکو ته وايي له اجرایوي پرېکړو سره سمون نه لري او د جګړې کابینې او اردو قوماندې له خوا له پامه غورځول کیږي.

په دغو محرمو اسنادو کې چې د نومبر د ۱۴مې نېټې د اسراېیل د کابینې د غونډې له پرېکړو سره تړاو لري، راغلي دي: "لومړي وزیر په غزه تړانګه کې د بشري مرستو د پام وړ زیاتوالي پر اړتیا ټینګار کړی دی."

د یادونې وړ ده، چې په ملګرو ملتونو کې د عدالت نړۍوالې محکمې ته د سویلي افریقا له خوا عریضه شوې، چې اسراییل د غزې ''ویجاړولو'' پلان لري او د فلسطینیانو نسل وژنه کوي.