د افغانستان هوایي دهلیز چې له چین، اماراتو او هند سره د سوداګریزو توکو د لېږد - رالېږد په برخه کې له مهمو لارو څخه بلل کیږي، د صادراتو او وارداتو کچه یې ۲۹۰ میلیونه ډالرو ته رسیدلی دی.
د طالبانو د صنعت او سوداګرۍ وزارت ویاند عبدالسلام جواد د سې شنبې په ورځ (د سلواغې ۱۰مه) د دې ډلې تر واک لاندې ملي ټلویزون سره په مرکه کې ویلي، چې افغانستان په تېر یو کال کې د ۱۵۰ میلیونو ډالرو په ارزښت صادرات او د ۱۴۰ میلیون ډالرو په ارزښت واردات کړي دي.
د نوموړي په وینا؛ افغاانستان ېد صادراتو او وارداتو په برخه کې له هېڅ هېواد سره په ستونزه کې نه دی ښکېل شوی.
نوموړی همداراز زیاتوي؛ د افغاانستان ډری صادرات یادوې هېېادونو ته د هېنګ، د هېنګ د تخم، لاسي صنایعو، غالیو، زعفرانو او وچې میوې په برخو کې شوي او واردات بیا د درملو او برېښنایي وسایلو په برخو کې شوي دي.
د طالبانو د صنعت او سوداګرۍ وزارت ویاند عبدالسلام جواد وایي، چې د دغه وزارت سرپرست پاکستان، ایران، چین او د سیمې یو شمیر هیوادونو ته په سوداګریزو چارو کې د اسانتیاوو د رامنځته کولو په موخه سفرونه کړي ترڅو له دغو هیوادونو سره سوداګریزې اړیکې پراخې شي.
دا په داسې حال کې ده، چې یو شمیر سوداګر بیا پر نستان لبانو له واکمنۍ وروسته د صادراتو او وارداتو په برخو کې د ستونزو د زیاتیدو خبره کوي.
