د افغانستان د ژغورلو لپاره د مقاومت شورا ویلي، د دوحې غونډې ته د طالبانو د بلل کېدو ادعا ته په کتو سره، تر اوسه پورې د طالبانو له سیاسي مخالفانو سره چې اړتیا ورته لیدل کېده مشوره نه ده شوې.
د مقاومت شورا د سې شنبې په ورځ (د سلواغې ۱۰مه) په یوې بیان کې لیکلي: چې «د افغانستان په اړه په ملي کچه د بېلابېلو سیاسي اړخونو اندېښنې او په نړیواله کچه د غونډو جوړېدل او د ملګرو ملتونو په محوریت سره د افغانستان په اړه د ملي او نړیوالو ناستو او انسجام د نه شتون ښکارندویي کوي.»دغې شورا تر دې وړاندې له ملګرو ملتونو غوښتي و، چې د قطر غونډې ته د طالبان سیاسي مخالفان هم ور وغواړي.د یادې شورا په بیان کې همداراز راغلي، چې د ملګرو ملتونو د امنیت شورا ژمنه ده چې د افغانستان په چارو کې ټولو ښکېلو خواوو ته ځانګړي استازي وټاکي.د مقاومت شورا په بیان کې د ملګرو ملتونو پر محوریت او همغږۍ سره پر منسجمو فعالیتونو او د افغانستان د ناورین د حل لپاره د ښکېلو خواوو په شتون ټینګار شوی.دغه شورا وایي، که هره ښکېله خوا له پامه وغورځول شي نو د افغانستان ناورین به اوږدمهاله شي.تر دې وړاندې د ملګرو ملتونو ویاند اعلان وکړ، چې انتونیو ګوترېش به د سلواغې په ۲۹مه او ۳۰مه په دوحه کې د افغانستان په اړه د یوې غونډې کوربه وي.په دې وروستیو کې طالبانو هم ادعا وکړه چې دوی هم د دوحې غونډې ته غوښتل شوي دي.د یادولو ده، چې د افغانستان په اړه د ملګرو ملتونو لومړۍ غونډې ته چې په دوحه کې د انتونیو ګوترېش په کوربتوب ترسره شوې وه، نه طالبان او نه هم د هغوی سیاسي مخالفانو ته بلنه ورکړل شوې وه.
