پاکستان کې د ټاکنو د امنیت لپاره شپږ نیم لکه سرتېري ځای پر ځای شوي

AP ۱۴۰۲ سلواغه ۱۸

پاکستان کې د سبا ورځې د ټاکنو خوندیتوب لپاره د پوځ، پولیسو او ملېشې په ګډون شپږ نیم لکه سرتېري ځای پر ځای شوي دي.

تر دې ټاکنو یوه ورځ مخکې او نن په بلوچستان او کراچۍ کې په درېیو جلا پېښو کې ۲۵ کسان وژل شوي او لسګونه نور ټپیان شوي دي.

د پاکستان دولتي راډیو وايي؛ د سبا ورځې ټاکنو لپاره پوره تیاری نیول شوی او د ۲۶ کروړه یا ۲۶۰ میلیونه رایې پاڼې د رایه اچونې مرکزونو ته استول شوې دي.

پاکستان د سبا ورځې د ټاکنو د ښه امنیت لپاره له پاکستان او ایران سره هم خپله پوله د ۲۸ ساعتونو لپاره تړلې ده.

تر ټاکنو یوه ورځ مخکې د بلوچستان په پښین کې د ازاد نوماند اسفندیار خان کاکړ پر مرکز برید وشو، چې پکې ۱۷ کسان ووژل او ۲۱ نور ټپیان شول.

په دغه صوبه کې د مولانا فضل الرحمان د ګوند د یوه نوماند غړي پر غونډه هم چاودنه شوې، چې تر لسو کسان پکې وژل شوي او ۹ ټپیان دي.

په دواړو پېښو کې نوماندانو ته زیان نه دی رسېدلی.

د پاکستان په وخت نن ماښام کراچۍ کې هم د چاودنې له امله یو کس وژل شوی او بل ژوبل شوی دی.

تر اوسه د دې بریدونو مسوولیت کومې ډلې نه دی منلی.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ