د طالبانو د امنیه قومندانۍ ویاند خالد ځدراڼ په کابل کې پر یوه مسافر وړونکي موټر د دغې ډلې د غړو لهخوا د ډزو پېښه رد کړه. هغه په اېکس پاڼه لیکلي، د پنځلسمې حوزې په سیمه کې هېڅ داسې پېښه نده شوې او دغه خبر بې بنسټه دی.
هغه لیکلي:« ځینو رسنیو خبر خپور کړی، چې د کابل ښار ۱۵مې حوزې اړوند سیمه کې د سورلۍ په یوه موټر د امنیتي پولیسو پوستې ډزې کړې او پکې د پنځو ولسي وګړو د وژل کېدو خبر ورکړل شوی چې دا یوه بې بنسټه ادعا ده.»
خو له بل پلوه سرچینو افغانستان انټرنشنل ته ویلي و، چې وسلهالو طالبانو په کابل کې پر یوه مسافر وړونکي موټر ډزې کړې او پنځه کسان یې وژلي دي.
د قربانیانو یوه خپلوان افغانستان انټرنشنل ته ویلي و، چې دا پېښه د دوشنبې په ورځ (د سلواغې په ۲۳مه) شوې ده.
هغه زیاته کړې وه، چې د قربانیانو کورنۍ له پرون راهیسې د کابل په روغتونونو کې د خپلو عزیزانو جسدونه لټوي او په پای کې یې جسدونه د کابل په عدلي طب کې وموندل شول.
