فضل الرحمان: عمران خان د جنرال باجوه په لارښوونه له واکه لرې شوی

د پاکستان تر ټاکنو وروسته د امریکا بهرنیو چارو وزارت وویل، چې دې بهیر کې د ادعاوو شوو درغلیو په هکله اندېښنه لري،

خو د وکیل سیف په وینا، عمران خان ویلي، چې یوازې سرسري نظریات وړاندې کول ګټور نه دي او امریکا ته چې څه ډول پکار دي باید غږ پورته کړي.

عمران خان د پاکستان د ټاکنو په اړه له امریکا څخه د غږ پورته کولو غوښتنه په داسې حال کې کړې ده، چې دوه ورځې وړاندې د پاکستان موقت لومړي وزیر انوارالحق کاکړ په یوه خبري غونډه کې ویلي، چې د امریکا او برېتانیا په ګډون هېڅ بهرني هېواد ته دا حق نه ورکوي، چې د دوی په کورنیو چارو کې لاسوهنه وکړي.

انوارالحق کاکړ د وروستیو ټاکنو په ترسره کولو کې د دغه هېواد د ټاکنو د کمېسیون او د پوځ له کړنو هم دفاع وکړه.

ښاغلي کاکړ په داسې حال کې د ټاکنو کمېسیون او د هغې د پایلو دفاع وکړه، چې یو شمېر سیاسي ګوندونه د فېبرورۍ د اتمې د ټولټاکنو په پایلو کې د درغلیو او لاسوهنو ادعاوې کوي.
خو پخپله ښاغلی کاکړ پر سیاسي ګوندونو یې نیوکه کوي، چې په پاکستان کې د ټاکنیزو تشو د له منځه وړلو لپاره د "اغېزناکو قوانینو" په جوړولو کې پاتې راغلي دي.

دا مهال په پاکستان کې د شویو ټاکنو د درغلیو په تړاو پراخ لاریونونه روان دي او د پاکستان تحریک انصاف ګوند په ډېرو چوکیو تر لاسه کولو سربېره هم ادعا لري، چې په ټاکنو کې پراخې درغلۍ شوې دي او د دوی یو شمېر غړي په زور ناکام شوي دي.

د عمران خان ګوندي ملګرو او پلوي کاندیدانو د تېرې اونۍ ټولټاکنو کې د ۹۲ څوکیو ګټلو سره د پارلمان تر ټولو ډېر سېټونه ګټلي دي.

په دې ټاکنو کې مسلم لیګ نواز ډلې د ۷۹ څوکیو په ګټلو له پیپلز ګوند سره، چې ۵۴ پارلماني څوکۍ یې ګټلې دي، د ګډ حکومت جوړولو هڅه پیل کړې ده.

مسلم لیګ نواز ډلې د لومړي وزارت لپاره شهباز شریف نوماند کړی او د پیپلز ګوند مشر اصف زرداري ته یې د ولسمشرۍ وړاندیز کړی دی.

تحریک انصاف په داسې مهال لومړي وزارت ته نوماندېږي چې رویټرز خبري اژانس وايي، د عمران خان ملاتړي پخپله حکومت نشي جوړولی او وجه یې هم دا ده چې د ګوند په توګه یې ټاکنو کې ګډون نه دی کړی.

د پاکستان ټاکنو کمېسون له هغه وروسته له دغه ګوند د بېټ نښان واخیست چې د عمران خان تر بندي کېدو وروسته یې ګوندي ټاکنو کې ګوهر علي خان مشر وټاکه، خو د ټاکنو کمېسون دا ګوندي انتخابات بې معیاره وبلل.

د سرچينې د معلوماتو له مخې؛ د ماليې وزارت له ای ایم ایف څخه د پور د نوي پروګرام د ترلاسه کولو لپاره چمتووالى بشپړ کړی او یاد پروګرام به د درېيو کلونو لپاره وي.

دوی وايي، چې له ای ایم ایف سره د پور د نوي پروګرام لپاره خبرې اترې به د دویمې اقتصادي کتنې سره ترسره شي او له نړۍوال وجهي صندوق څخه به د ۶ میلیارد ډالرو نوي پور پروګرام غوښتنه وشي.

ویل کیږي، چې د ای ایم ایف په شرایطو کې د ګازو بیه ښايي ۶۷ سلنه نوره هم ګرانه شي.

د مالیې وزارت د سرچینو په وینا؛ د نوي پور پروګرام لاندې به برېښنا او ګاز نور هم ګران شي او مختلفو سکتورونو ته ورکړل شوي سبسایډي به په مرحله واره توګه ختمه شي. د ټېکسونو په لړ کې به مختلفو سکټورونو ته ورکړل شوې استثنا هم ختمه کړل شي.

د پاکستان د مالیې وزارت سرچینې وايي، چې د پورونو نوی پروګرام به د اوسني معیار د موافقتنامې په پرتله د سختو شرایطو پر بنسټ وي.

ای ایم ایف به د راتلونکي مالي کال د بودیجې لپاره د مالیې وزارت ته وړاندیزونه ورکړي، چې د پلي کېدو لپاره به یې پاکستان تضمین ورکړي.

پاکستان لا له وړاندې یو له هغو هېوادونو څخه و، چې له نړۍوال وجهي صندوق څخه یې تر ټولو زیات پور اخیستی دی.

د پاکستان ټاکنې تېره پنجشنبه وشوې؛ خو د تېر خلاف د ۲۴ ساعتونو پر ځای یې ۶۰ ساعتونو کې پایلې ووتې.

پر دې ټاکنو د پاکستان د پخواني لومړي وزیر عمران خان په ګډون مختلفو ډلو د درغلیو تور لګولی؛ خو د ټاکنو کمېسیون وايي، چې هر څوک خپل شکایت ورته سپارلی شي.

مولانا فضل الرحمان وايي، چې اوسنیو ټاکنو د تېرو ټاکنو د درغلیو ریکارډ هم مات کړ او په همدې وجه دا ټاکنې نه مني.

هغه وویل، چې د اسلام د دوښمنانو په فشار په ټاکنو کې د جمعیت علمای اسلام د ماتولو پلان پلی شو.

نوموړي تر ټاکنو مخکې افغانستان ته د خپل سفر په یادولو سره وویل: «زما جرم دا دی، چې افغانستان کې د اسلامي امارت د استحکام او د پاکستان او افغانستان د اړیکو د استحکام برخه کې مې رول لوبولی چې امریکا او غرب ته د منلو نه دی.»

هغه ور پسې زیاته کړه: «زموږ جرم دا دی، چې د اسراییل د دولتي ترهګرۍ په مقابل کې د فلسطین او حماس ملاتړ کوو.»

د پاکستان تحریک انصاف ګوند مشر او پخواني لومړي وزیر پلویانو په دې ټاکنو کې د ۹۲ پارلماني څوکیو ګټلو سره بیا هم د درغلیو ادعا کړې ده.

له دې سره د عمران خان په مشرۍ تحریک انصاف ګوند د حکومت جوړولو لپاره له ځینې نورو ډلو سره په تماس کې دی.

په دې ټاکنو کې مسلم لیګ نواز ډلې د ۷۹ څوکیو ګټلو سره له پیپلز ګوند سره، چې ۵۴ پارلماني څوکۍ یې ګټلې دي، د ګډ حکومت جوړولو هڅه پیل کړې ده.

خو مولانا فضل الرحمان له مسلم لیګ نواز ډلې غواړي چې د حکومت جوړولو پر ځای دې اپوزیسیون غوره کړي.

نوموړي زیاته کړه، چې جمعیت علمای اسلام به پارلماني کردار ادا کړي؛ خو اسمبلیو کې به یې ګډون له ملاحظو سره وي او له کوم ګوند سره به ټلواله جوړه نه کړي.

د مولانا فضل الرحمان ډلې اوسنیو ټاکنو کې څلور پارلماني څوکۍ ګټلې او د بلوچستان صوبايي پارلمان ۱۱ او د پښتونخوا ۷ صوبايي څوکۍ یې ګټلې دي.

نوموړي له پاکستاني سیاستوالو غوښتي؛ له هرې هغې کړنې څخه دې ډډه وکړي، چې تاوتریخوالی رامنځته کوي.

د فېبرورۍ د اتمې ټاکنې وروسته له هغې د درغلیو او بې نظمیو له تورونو سره مخ شوې، چې پایلې یې له ډېر ځنډ سره مخ او د رایې اچونې په ورځ د موبایل خدمتونه وځنډول شول.

د عمران خان په مشرۍ د پاکستان د تحریک انصاف ګوند اړوند خپلواک نوماندان د ۹۲ څوکیو په ترلاسه کولو سره مخکښ دی، ورپسې مسلم لیګ (ن) ۷۹ او پیپلز ګوند ۵۳ څوکۍ لري.

په ورته وخت کې د پاکستان د پخواني لومړي وزیر او د پاکستان تحریک انصاف ګوند مشر عمران خان علي امین ګنډاپور د خیبر پښتونخوا د مشر وزیر (اعلی وزیر) په توګه معرفي کړ.

بل خوا د ملګرو ملتونو سرمنشي په یوه بیان کې له پاکستانه غوښتي، چې په هېواد کې د «امن فضا» وساتي.

د ملګرو ملتونو د سرمنشي ویاند سټیفن دوجاریک په نیویارک کې په ورځنۍ غونډه کې وویل: «د ملګرو ملتونو د سرمنشي دفتر د پاکستان حالات څاري او پر دغه هېواد غږ کوي، چې د ټولو مسالو او شخړو حل دې د قانون په چوکاټ کې ترسره شي او بشري حقونو او د قانون حاکمیت ته دې چې د پاکستان د خلکو ګټې پکې نغښتې دي پوره درناوی وشي.»

سرمنشي له پاکستاني چارواکو او سیاسي مشرانو څخه وغوښتل چې سیاسي وضعیت ارامه وساتي او له هر ډول تاوتریخوالي څخه دې ډډه وکړي.

په دې وروستیو ورځو کې یو شمېر سیاسي ګوندونو په کراچۍ او بلوچستان کې په ټاکنو کې د رونټیا د نشتوالي او د پراخو درغلیو له امله لاریونه کړي دي.

د امريکا، برېټانيا او اروپايي اتحاديې په ګډون نورو هېوادونو هم له پاکستانه غوښتي، چې په ټاکنو کې د درغليو د ادعاو پلټنه وکړي.

د پلټنو غوښتنې ته په غبرګون کې سرپرست لومړي وزیر انوارالحق کاکړ دا رد کړه، چې پاکستان به د هر چا د فشار لاندې د فېبرورۍ په اتمه په ټولټاکنو کې د درغلۍ په اړه پلټنې وکړي.

د دوشنبې په ورځ د یوه مطبوعاتي کنفرانس پر مهال د پاکستان له لومړي وزیر څخه د امریکا او برېټانیا د غوښتنې په اړه چې د ټاکنو د پایلو د‌ ځنډ د تورونو پلټنه وکړي، د تبصرې غوښتنه وشوه.

سرپرست لومړي وزیر وویل: «ایا پاکستان له متحده ایالاتو څخه د کپیټل هیل د لاریونونو په اړه د تحقیقاتو غوښتنه کړې؟ پاکستان یو خپلواک هېواد دی او هېڅ ډول فشار ته به غاړه کېنږدي.»

هغه وویل؛ نور هېوادونه او نړۍوال فورمونه خپل نظرونه او انګېرنې له ټولنیزو رسنیو څخه د ناسمو معلوماتو پر بنسټ جوړوي.

کاکړ زیاته کړه: « که چیرې کوم تور وي؛ موږ به یې د خپل هېواد د قوانینو له مخې وڅېړو نه د بل هېواد د غوښتنې له مخې.»