د بریتانیا پولیس وایي، هغه درې کسان به د روان کال په اپرېل میاشت کې محاکمه شي، چې تیر کال یې په ټکسي کې پر یوه ښځه جنسي تیری کړی و. پولیسو نن زیاته کړې، چې دغه درې کسان بخت الله ساپي، حبیب الله احمدزی او کیهان ساپی نومیږي.
د بریتانیا پولیسو دغه درې کسان د "جنسي ښکار کوونکو" په نامه یاد کړي او زیاته کړې یې ده، چې دوی پر هغه ښځه په وحشتناکه توګه جنسي تیری کړی چې له خپلو ملګرو سره یوه شپه بهر وتلې وه.
د بریتانیا د پولیسو یوه چارواکي وویل: "زه خوښ یم چې دا کسان اوس په بند کې دي او د دې وحشتناکې پيښې له امله مجازات کیږي."
د پيښې قرباني میرمنې د تېر کال د جولای په ۳۰ یو موټر د ټکسي په فکر نیولی و، خو وروسته له هغه چې پکې سپره شوه، دې درېو کسانو پرې جنسي تېری وکړ.
د پولیسو د خبرپاڼې له مخې، بخت الله ساپی او حبیب الله احمدزی چې ۱۸ کاله عمر لري، تېره سې شنبه د جنسي تیري په تور مجرم وپيژندل شول او ۲۶ کلن کیهان ساپي په جنسي تیري اعتراف وکړ.
د پکتیا حوزوي روغتون یو ډاکتر اصیل خان وايي، د سړې هوا او وچ موسم له امله په سلګونو ماشومان په سیخ و برېښ ناروغۍ اخته دي چې هره میاشت په منځنۍ کچه ۲۰ تنه یې مري.
هغه وايي، د دغه روغتون د ماشومانو څانګه د ۴۵ بسترو وړتیا لري خو دا مهال پکې تر ۱۲۰ پورې ماشومان بستر دي چې په یو کټ کې ان درې تنه ناروغ ماشومان پراته دي.
دا په داسې حال کې ده چې څه موده وړاندې د طالبانو د روغتیا وزیر ویلي و چې په ټول افغانستان کې د روغتیا په برخه کې جدي ستونزې نه لري او خلکو ته په سم ډول روغتیایي خدمتونه وړاندې کوي.
د پکتیا د لهجې منګل ولسوالۍ یوه اوسیدنکي سیداجان منګل افغانستان انټرنشنل پښتو څانګې ته د پنجشنبې په ورځ د (سلواغې۲۶مه) وويل چې په روغتون کې یې یوه اوونۍ ماشوم بستر و او د درملو او نورو امکاناتو د نشت له امله دوه ورځې وړاندې مړ شو: «شفاخانه شته خو دوا نشته، خلک ورځې هسې ماشومان او نور ناروغان ورولي او بیرته راځي، په شخصي کې مو وس نشته مجبور یو چې دغلته یې وروړو خو دوی هيڅ هم نه لري، مخکې دا شفاخانه ښه وه اوس هیڅ هم نه شته پکې.»
د ملګرو ملتونو د بشري مرستو د همغږۍ اداره (اوچا) وايي په افغانستان کې د ۲۰۲۴ کال روغتیایي خدمتونو لپاره ۳۶۷ میلیون ډالرو ته اړتیا لري.
دغه اداره وايي، هڅه یې داده چې په روان میلادي کال کې افغانانو ته روغتیایي خدمتونه وړاندې کړي.
