د پاکستان د پخواني لومړي وزیر عمران خان ګوند د شنبې په ورځ په دغه هېواد کې د پراخو لاریونونو خبر ورکړی. دغه ګوند د ټاکنو څارونکي وروسته له هغه حیران کړل، چې خپلواک نوماندانو یې د پاکستان د پارلمان په ولسي جرګه کې تر ټولو زیاتې څوکۍ خپلې کړې.
د پاکستان د ټاکنو کمېسیون د دغه ګوند تورونه رد کړي او ویلي یې دي، قانوني فورمونه موجود دي چې د ټاکنو په اړه هر ډول اندېښنې هوارې کړي.
عمران خان چې د تېر کال د اګست میاشتې راهیسې په زندان کې دی د پاکستان پوځ تورنوي، چې هغه او د هغه ګوند یې له سیاسته څنډې ته کړی دی؛ خو پوځ د خان تورونه ردوي او وايي، چې په سیاسي چارو کې لاسوهنه نه کوي.
د پيټيای اوسني مشر ويلي دي، چې دوی سره په ټاکنو کې د درغلیو کره ثبوتونه دي.
دا د ټاکنو راهیسې دا درېیم ځل دی، چې د عمران خان ګوند د نورو سیاسي ګوندونو سره یوځای د دغه هېواد په بېلابېلو برخو کې د ټاکنو د بې نظمیو په ځانګړي ډول د وروستیو پایلو په خپرېدو کې د اوږدې مودې ځنډ په اړه لاریونونه کوي. دغه ګوند په څو حوزو کې دغه پایلې ننګولې دي.
