د افغانستان د ازادۍ جبهې په کابل کې د ۲ طالبانو د وژلو ادعا کړې
د افغانستان د ازادۍ جبهه وایي، چې وسله والو یې د جمعې په ماښام په کابل کې دوه طالبان وژلي او درې نور یې ټپبان کړي دي.
د افغانستان د ازادۍ جبهه وایي، چې وسله والو یې د جمعې په ماښام په کابل کې دوه طالبان وژلي او درې نور یې ټپبان کړي دي.
دغې جبهې پر اېکس ټولنیزې شبکې خپور کړي پیغام کې لیکي، چې د جمعې په ماښام یې د کابل ښار د دهن باغ څلورلارې ته څېرمه د طالبانو پر پوستې برید کړی چې په پایله کې یې ۲ طالب جنګیالي وژلي او درې نور یې ټپیان کړي دي.
طالبانو لا د دې برید په اړه څه نه دي ویلي.
دغه جبهه زیاتوي، د دې پوستې طالبانو په تېرو دوو ورځو کې په بېلابېلو پلمو د کابل ښار د اوومې ناحيې د اوسېدونکو کورونه تالاشي کړي او خلک يې په پخوانيو امنيتي ځواکونو کې د غړيتوب په پلمه ځورولي دي.
د افغانستان د ازادۍ جبهې تر دې مخکې هم پر طالبانو بریدونه کې دغې ډلې ته مرګ ژوبله اړولې ده.
