ایران خپل نوي توغندي او هوايي دفاعي سیسټمونه پرانیستل

نوموړي دا خبرې نن په کوټه کې د پاکستان په ټاکنو کې د درغليو په ضد د څلور ګوندونو په اتحاد جوړې شوې مظاهرې ته د وینا پرمهال وکړې.

هغه پوځ ته په اشارې سره وویل: “دوی ځکه غواړي یو ضعیف پارلمان غواړي دوی پرې خپلې ګناوې پرې معاف کړي.”

که څه هم د پاکستان د فبروري د اتمې ټاکنو کې د عمران خان پلویانو د ۹۲ څوکیو ګټلو سره تر نورو مخکې دي، خو دغه ګوند تور لګوي چې ټاکنو کې درغلي شوې او په مقابل کې یې مظاهرې پیل کړې دي.

محمود خان اڅکزی هم په ټینګار سره وايي، چې د عمران خان ملاتړی نه دی، خو د پاکستان عامو خلکو د ښاغلي خان ګوند ته رایه ورکړې ده.

هغه وویل، چې دی یو قوي پارلمان جوړېدو لپاره لومړنۍ حل لاره دا ده چې د عمران خان او د هغه د ملګرو پر وړاندې جوړې شوې دوسیې ختمې او نوموړی له زندانه خوشی شي.

محمود خان اڅکزي د پاکستان حکومت ته خبرداری ورکړی چې که د دوی د خلکو د رایو درناوی ونشي، بیا به د بلوچستان په هوايي ډګرونو کې هیڅ الوتکه ونشي کیناستلی، د بلوچستان د اورګاډي اډې ته به هیڅ یو اورګاډی ورنشي او له پاکستانه به هیڅ بدمعاش ته بلوچستان ته د ورننوتلو اجازه ور نه کړي.

په همدې حال کې په پلازمېنه اسلام اباد کې هم د ګڼو سیاسي ګوندونو پلویانو اعتراضیه غونډې کړې دي او د دغه هېواد پر پوځ یې تور پورې کړی، چې په ټاکنو کې یې درغلیو ته لمن وهلې.

د المان لومړي وزیر اولاف شولز او د اوکراین ولسمشر ولادیمیر زیلینسکي د جمعې په ورځ د جرمني په پلازمینه کې د یو لړ مراسمو په ترڅ کې امنیتي تړون لاسلیک کړ، په همدې ورځ چې د جرمني په سویل کې د مونیخ امنیتي کنفرانس پیل شو.

د المان دفاع وزیر بوریس پیستوریوس په یوه اعلامیه کې ویلي: "له اوکراین سره زموږ امنیتي تړون تاریخي دی. په تاریخ کې د لومړي ځل لپاره د المان فدرالي جمهوریت د یوه تضمین کوونکي هیواد په توګه عمل کوي."

په دغه پوځي مرستو کې، د سږ کال لپاره یو لک او ۲۰ زره د توپونو مرمۍ، ۱۰۰ دانې IRIS-T SLS توغندي او په ۲۰۲۵ کال کې د سکای نیکست SkyNext هوایي دفاعي سیسټم شامل دي.

پر دې برسېره، المان به په ۲۰۲۶ او ۲۰۲۷ کلونو کې اوکراین ته ۱۸ نور هویټزر توپونه سره د مهماتو او پرزو هم ورکړي. هویتزر توپونه د المان د اردو یو تر ټولو پیاوړې توپچې وسله ده چې په عادي مهماتو تر ۳۰ کیلومتره پورې هدفونه په نښه کولای شي او له پرمختللو مهماتو سره بیا ان تر ۱۰۰ کیلومتره پورې هم هدف ویشتلای شي.

وروسته له هغه چې د روسیې د زندان چارواکو اعلان وکړ چې ناوالني مړ شوی دی، بایډن په سپینه ماڼۍ کې د څرګندونو پر مهال وویل: "موږ په سمه توګه نه پوهیږو چې څه پیښ شوي دي، مګر په دې کې شک نشته چې د ناوالني مړینه د هغه څه پایله ده چې پوتین او د هغه ډلې ترسره کړې."

بایډن وویل: "روسي چارواکي به د هغه د مړینې په اړه خپله کیسه کوي. مګر هېڅ تېروتنه مه کوئ. هیڅ غلطي مه کوئ. پوتین د ناوالني د مړینې مسوول دی."

هغه دا هم وویل، چې هغه د ناوالني له مړینې وروسته روسیې ته د سزا ورکولو لپاره د اضافي ګامونو د پورته کولو په اړه فکر کوي. هغه د اپوزیسیون مشر ته د "زړورتیا" او د پوتین د حکومت د "فساد" او "تاوتریخوالي" په وړاندې د مقاومت له امله درناوی وکړ.

بایډن د روسیې په وړاندې د امریکا د راتلونکو اقداماتو په اړه د خبریالانو پوښتنو ته په ځواب کې وویل: "موږ په دې فکر کوو چې نور څه کیدی شي."

د روسیې د زندانونو ادارې د جمعې په ورځ ویلي، چې د دغه هېواد د اپوزیسیون مشر الیکسي نوالني په پولار وولف زندان کې، له قدم وهلو وروسته، په ناڅاپي توګه پر ځمکه لویدلی او مړ شوی دی.

نوموړي په دغه زندان کې د خپل ۳۰ کلن حبس موده تېروله.

د زندان چارواکو ویلي، د ولادیمیر پوتین دغه منتقد د جمعې په ورځ له یو څه پیاده مزل وروسته "ښه احساس نه کاوه" او "سملاسي بې هوښه شو".

د هغوی په وینا، د زندان د طبي ټیم او امبولانس کارمندانو له هڅو سره، نوموړي خپل ژوند له لاسه ورکړ.

د کرملین ویاند دیمیتري پیسکوف ویلي، چې د روسیې ولسمشر ولادیمیر پوتین د الکسي نوالني په مرګ خبر شوی دی.

د ۴۷ کلن پخواني وکیل نوالني مړینه، د روسیې اپوزیسیون د یو خورا زړور او کریزماتیک رهبر له شتونه په داسې حال کې بې برخې کوي، چې پوتین د ټاکنو لپاره چمتووالی نیسي.

په یوې ټلویزیوني وینا کې، د حزب الله مشر سید حسن نصرالله ویلي، چې اسراییل به د «وينې بيه» ورکړي.

نصرالله پر اسراییل تور لګولی چې په قصدي ډول ملکي وګړي په نښه کوي، او ویلي یې دي، چې اسراییل کولې شي چې د دوی له وژلو ډډه وکړي.

نصرالله زیاته کړه: «زموږ ماشومان او ښځې چې په دې ورځو کې وژل شوي، دښمن به یې د وینې تویولو بیه پرې کوي.»

نصرالله وویل، چې دې وژنو د حزب الله هوډ زیات کړی. هغه وايي، چې حزب الله به خپل موجودیت، ځواک او قهر زیات او خپل عملیات به پراخ کړي. هغه وویل: "اسراییل باید دا تمه ولری او په تمه دې وي."

اسراییلي پوځ ویلي، چې د چهارشنبې په ورځ یې پر لبنان «هوایي برید» کړی چې د حزب الله قوماندانان او عملیات کوونکي یې وژلي دي. د ملکي تلفاتو په اړه یې څه نه دي ویلي. تر دې مخکې یې ویلي و، چې ملکي وګړي نه په نښه کوي.

حزب الله له څلورو میاشتو راهیسې پر اسراییلي پوځ د خپل فلسطیني متحد حماس په ملاتړ بریدونه کوي. اسراییل هم په لبنان کې بیلابیلې موخې په نښه کوي.

دغه تاوتریخوالي په لنبان کې د ۱۷۰ حزب الله وسله والو په ګډون له ۲۰۰ څخه زیات کسان وژلي دي.

د اسراییل د بهرنیو چارو وزیر اسرایل کاتز د مونیخ امنیتي کنفرانس کې ویلي، چې حزب الله د ایران د ملاتړ څخه برخمنه ډله ده او اسراییل به د خپل هیواد شمال بې ثباته کولو ته اجازه ورنکړي.

هغه څه باندې ۷۰زره بې ځایه شویو اسراییلیانو ته په اشارې سره وویل: «که ډیپلوماټیکه حل لاره ونه موندل شي، اسراییل به دې ته اړ شي چې حزب الله له سرحدي سیمو په شا کړي او خپل بې ځایه شوي بیرته خپلو کورونو ته ستانه کړي.»

هغه وویل: "په دې حالت کې به لبنان به هم درنده بیه پرې کړي."

فرانسې بیروت او اسراییل ته یو لیکلی وړاندیز وړاندې کړی چې موخه یې د دښمنۍ پای ته رسولو او د لبنان - اسراییل د لانجمنې پولې حل کول دي ، داسې ښکاري چې دا هڅې به ښې پایلې ولري.

د لبنان سرپرست لومړي وزیر نجیب میکاتي تېره ورځ په مونیخ کې ویلي، چې پر ملکي وګړو بریدونه باید پای ته ورسیږي.

اسراییلي ځواکونو د پنجشنبې په ورځ منلې وه چې دوی پر یو طبي مرکز برید کړی او په ټولنیزو رسنیو کې خپاره شوي تصویرونه ښيي‌ چې د روغتون په دهلیزونو کې چیغې او د ډزو غږونه اوریدل کیږي. دغه وضعیت د سلګونو ناروغانو، طبي کارمندانو او ډېری بې ځایه شويو فلسطینیانو برخلیک په اړه اندیښنې راپورته کړي چې د جګړې له امله یې رفح ښار ته پناه وړې ده.

د اسراییل پوځ، پر ناصر روغتون برید « دقیق او محدود» بللی او ویلي یې دي چې د هغه معلوماتو پر بنسټ یې په روغتون برید کړی چې هلته یې د حماس وسله والو شتون، د یرغملو ساتل او د یرغملو د جسدونو شتون ښکاره کولو.

د غزې د روغتیا وزارت د جمعې په ورځ ویلي، چې په روغتون کې پنځه ناروغان د برېښنا او اکسیجن د بندیدو له امله مړه شوي دي.

د روغتیا نړۍوال سازمان د جمعې په ورځ ویلي، چې د اسراییل له برید وروسته د ناصر روغتون سره د اړیکې ټینګولو هڅه کوي.

د روغتیا نړۍوال سازمان ویاند طارق جاسرویچ وویل: "لا هم جدي ټپیان او ناروغان په دغه روغتون کې شته."

هغه زیاته کړه: "د ژوند ژغورنې خدماتو د دوام لپاره روغتون ته د تېلو رسولو ته بیړنۍ اړتیا ده ... موږ هڅه کوو چې هلته لاسرسی پیدا کړو ځکه چې هغه خلک چې لاهم د ناصر روغتون کې دي مرستې ته اړتیا لري."

اسراییلي پوځ ویلي، چې عسکرو یې تر ۲۰ ډېر فلسطینیان نیولي، چې ویل کیږي د اکټوبر د اوومې په برید کې لاس لري او لسګونه نور یې د پوښتنو ګروېږنو لپاره ځان سره بولي دي.

اسراییلي پوځ ادعا کړې چې عسکرو په روغتون کې مهمات او وسلې هم موندلي دي.