د طالبانو د اطلاعاتو او کلتور وزیر وايي د ژبو پراختیا باید د قومونو ملي يوالي ته وده ورکړي

د نوموړي تر څرګندونو مخکې متیو مېلر افغانستان انټرنشنل ته ویلي وو، چې طالبان به د افغانستان په راتلونکي کې یوازیني لوبغاړي نه وي.

خو ښاغلي مجاهد د متیو میلر د خبرو په ځواب کې وايي، که څوک یې خوښوي او که نه، دا ډله د افغانستان او خلکو استازیتوب کوي.

ذبیح الله مجاهد نن د طالبانو تر واک لاندې ملي راډیو سره په مرکه کې زیاته کړه: «که څوک دا موضوع خوښوي او که نه، دا یو حقیقت دی او باید ومنل شي.»

د امریکا د بهرنیو چارو وزارت ویاند تر دې مخکې افغانستان انټرنشنل ته ویلي وو، چې د دوحې ناسته کې د طالبانو نه ګډون د حيرانتيا خبره نه ده، ځکه دغه ډله بېلابېل اهداف تعقیبوي.

متیو میلر وویل: «موږ داسې افغانستان غواړو، چې ټول شموله بنسټونه پکې وي او د افغانانو بېلابېلې ډلې پکې استازیتوب وکړي.»

طالبان د دوحې په غونډه کې ګډون نه درلود.

دا غونډه د ملګرو ملتونو تر څارنې لاندې د ۲۵ هېوادونو او درېیو نړیوالو سازمانونو د استازو په حضور کې جوړه شوه.

د پاکستان ټاکنې د روانې میاشتې پر اتمه نېټه وشوې، خو د تمې خلاف د نواز شریف په مشرۍ مسلم لیګ ګوند پکې اکثریت څوکۍ خپلې نه کړې.

د ټاکنو کمېسون د شمېرو له مخې دې ټاکنو کې د عمران خان پلویانو ۹۲، د نواز شریف ګوند ۷۹ او پیپلز ګوند ۵۴ څوکۍ ګټلې دي.

مسلم لیګ نواز ډلې چې تر ټاکنو مخکې یې د اکثریت ګټلو فکر درلود، د پایلو تر اعلان راهیسې له پیپلز سره پر ګډ حکومت خبرې کولې.

د مسلم لیګ د مشر شهباز شریف او د پیپلز ګوند د مشر بلاول بوټو زرداري د تېرې ورځې خبرو کې دواړه ګوندونه هوکړې ته رسېدلي چې له مخې یې شهباز شریف لومړی وزیر او د پیپلز شریک مشر اصف علي زرداري به ولسمشر وي.

د مسلم لیګ او شهباز شریف په دې ګډ حکومت کې متحده قومي مومنټ یا اېم کیو اېم، مسلم لیګ ق او استحکام پاکستان ګوندونه هم برخه لري.

د عمران خان په مشرۍ د تحریک انصاف ګوند پلویانو دې ټاکنو کې د ۹۲ څوکیو ګټلو سره تر ټولو ډېرې څوکۍ ګټلې او د پښتونخوا صوبايی حکومت غوڅ اکثریت لري.

دغه ګوند په ټاکنو کې د درغلیو ادعا کوي او د ګډ حکومت جوړولو په هکله یې د مسلم لیګ نواز او پیپلز ګوندونو ایتلاف غندلی دی.

تحریک انصاف ګوند خپل اېکس کې دا ډلې د ایجنډا پر غلا کولو تورنې کړې دي.

دغه ګوند چې غړي یې خپلواک نوماندان و، حکومت جوړولی نه شي او په ټاکنو کې د درغلیو په هکله یې مظاهرې پیل کړې دي.

سرچینو افغانستان انټرنشنل - پښتو ته وویل، د دې پلاوي مشر عبدالله يوسف له ملا شیرین سره په لېدنه کې وويل، چې غواړي د افغانانو له اړتيا او مجبوريتونو هم ځانونه خبر کړي او «نړیوال مرستو ته وهڅوي.»

د ښاغلي يوسف په خبره، د دوی خيريه بنسټ په افغانستان کې د بې سرپرسته کورنيو، زلزله او وچکالۍ ځپلو کورنيو سره مرستې کوي.

که څه هم طالبانو د دې لېدنې اصلي هدف نه دی روښانه کړی، خو په لېدنه کې د طالبانو والي ملاشيرين له دې پلاوي غوښتې، چې د افغانستان مثبت انځور تر اسلامي هېوادونو وروسوي، ترڅو دلته مرستو ته وهڅيږي.

ډېر مهال د اسلامي هېوادونو استازي او عالمان له طالبانو سره د نجونو پر زدکړه او کار د بنديزونو د لېري کېدو په اړه خبرې کوي.

ځکه په اسلامي هېوادونو کې د طالبانو پر دې بنديزونو سخت انتقادونه کېږي او د دې ډلې دغه چارې له اسلام سره په ټکر کې بولي.

افغانستان انټرنشنل ته د کعبې شريفې د طواف پر مهال د ښاغلي غني ويډيو رسېدلې.

افغانستان انټرنشنل ته سرچینو ویلي، چې دا ویډیووې سعودي عربستان ته د هغه د وروستي سفر دي.

د دغو سرچینو د معلوماتو له مخې دا عکسونه پرون د عمرې د ادا کولو پر مهال له ښاغلي غني اخیستل شوي دي.

ښاغلي غني تر اوسه د خپل سفر رسمي اعلان نه دی کړی.

د ۲۰۲۱ کال د اګسټ پر ۱۵ کابل ته د طالبانو د ننوتلو درشل کې پخوانی ولسمشر اول تاجکستان ته او بیا له هغه ځای متحده عربي اماراتو ته لاړ او له هغه راهیسې هلته استوګن دی.

د نورستان لپاره د طالبانو د اطلاعاتو او کلتور مشر مولوي سمیع الحق حق بیان د طالبانو تر واک لاندې ملي ټلویزیون ته ويلي چې د غره ښوېدنې په پېښه کې ټول ۲۲ تنه مړه شوي.

هغه زیاتوي د نورګرام تتین کلي کې د دغو ۲۲ تنو له ډلې یې ۱۶ جسدونه له خارو رایستلي او شپږ نور پاتې دي چې له یوه لوی کمر لاندې دي او دوی یې د را ایستلو توان نه لري.

په هغو انځورونو او ویډیوګانو کې چې د طالبانو تر واک لاندې ملي ټلویزیون په تېرو دوو ورځو کې خپرې کړې دي ښکاري چې دغه را ایستل شوي جسدونه هم له خارو د سیمې خلکو را ایستلي دي.

څو میاشتې وړاندې هم د نورستان خلکو شکايت کړی و چې په ځنګله کې د اور لګېدو پر مهال د طالبانو حکومت د اور په مهارولو کې پاتې راغلی و او د سیمې خلکو په هڅو او هاند هغه لګېدلی اور مهار کړل شو.

د نورستان ولایت د نورګرام ولسوالۍ لپاره د طالبانو د امنیه قوماندانۍ مرستیال مولوي ګوهر درې ورځې وړاندې له رسنیو سره په خبرو کې ویلي و چېد نورستان په تتین دره سیمه کې د غره ښوېدنې له امله ۲۵ کسان مړه دي او یو شمېر کورونه په بشپړ ډول ویجاړ شوي دي.

خو اوس د نورستان لپاره د طالبانو د اطلاعات او کلتور مشر د ټولو مړو شویو کسانو شمېر ۲۲ تنه بولي.

په افغانستان کې د وروستیو ورښتونو له امله په بېلابېلو ولایتونو کې د واورو د ورېدو له امله د ګڼو سیمو د تګ راتګ لویې لارې بندې شوې او بېرته پرانیستل شوې دي خو خلکو ته پکې د سر او مال زیانونه اوښتې دي.