د حماس د وسله والې ډلې د القسام لوا ویاند ابو عبیده د جمعې په ورځ وویل، چې په غزه کې د اسراییلي پوځ د بمباریو په پایله کې اوه یرغمل شوي کسان وژل شوي دي. دا لا څرګنده نه ده چې دغه اوه کسانه څه وخت وژل شوي دي.
ابو عبیده پر ټیلیګرام ټولنیزه شبکه لیکلي، چې په غزه کې د اسراییل پوځي عملیاتو په ترڅ کې د یرغمل شوو کسانو د وژل شوو شمېر اوس له ۷۰ تنو څخه اوښتی دی.
د اسراییل د معلوماتو په اساس، حماس پر اسراییل د اکتوبر پر اوومه برید کې ۱۲۰۰ ملکي کسان ووژلي او لږ تر لږه ۲۵۰ تنه یې یرغمل کړي دي.
د حماس د دغه برید په ځواک کې، اسراییل د غزې په تړانګه برید وکړ، چې د حماس تر کنټرول لاندې د روغتیا وزارت په وینا، په تیرو پنځه میاشتو تر ۳۰ زرو څخه ډېر فلسطینیان د اسراییل په بریدونو او پوځي عملیاتو کې وژل شوي دي.
د نومبر میاشتې په وروستیو کې د یوې اونۍ اوربند په ترڅ کې، حماس له سلو څخه ډېر اسراییلي او بهرني یرغمل د شاوخوا ۲۴۰ فلسطیني بندیانو په بدل کې خوشې کړل.
