د حماس یو پلاوی د اوربند په اړه د خبرو اترو لپاره قاهرې ته رسېدلی دی

د امریکا پخواني ولسمشر ډونالډ ټرمپ د شنبې په ورځ د امریکا په ورجینیا کې یوې غونډې ته ویلي، چې امریکا لېونۍ ده وویل چې امریکا لېونۍ ده، چې د افغانستان پر جګړه یې میلیاردونه ډالر ولګول.

نوموړي وویل: "که دوی د افغانستان په اړه زما خبرې اورېدلی وی؛ نو موږ به ډېر مخکې بېرته راغلي وی."

هغه وویل، چې د لوړپوړي چارواکي ملا عبدالغني برادر ته یې په تلیفوني اړیکه کې ویلي وو، چې "امریکایي عسکر ونه وژنئ او په ۱۸ میاشتو کې په افغانستان کې هېڅ امریکایي عسکر ونه وژل شو."

نوموړي د افغانستان په اړه د جوبایډن پر سیاستونو او د وتلو په ناکامې پروسې هم نیوکه وکړه او ویې ویل، چې د ویتنام پېښه په افغانستان کې هم تکرار شوه.

د تېر کال په نومبر میاشت کې ټرمپ ویلي وو، چې که ولسمشر شي، د بګرام هوايي ډګر کنټرول به بېرته تر لاسه کړي.

د طالبانو ویاند ذبیح الله مجاهد بیا ویلي وو، چې دوی به امریکا ته هېڅکله د بیا راتګ اجازه ورنه کړي.

د بشري حقونو دغه سازمان د یکشنبې په ورځ (د کب ۱۳مه) د یوې اعلامیې په خپرولو سره ویلي، چې افغانستان د ښځو پر وړاندې د هر ډول تبعیض د مخنیوي کنوانسیون په ګډون د بشري حقونو اووه مهمو نړۍوالو کنوانسیونونو کې شامل شوی او د هغو د رعایتولو غوښتنه کوي.

د بشري حقونو فعالانو زیاته کړه، چې طالبانو په تېرو دوه نیمو کلونو کې په سیستماتیک ډول د دغه کنوانسیون او د بشري حقونو د نورو کنوانسیونونو له ټولو مادو څخه سرغړونه کړې ده.

د دې سازمان په وینا؛ طالبان هڅه کوي چې د جنسیت پر بنسټ د تبعیض په بنسټیز کولو سره ښځې په ټولو سیاسي، ټولنیزو، اقتصادي او کلتوري برخو کې له منځه یوسي.

د بشري حقونو د سازمان د اعلامیې له مخې؛ په نړۍوالو محاکمو کې د طالبانو د ډلې د مشرانو محاکمه کولی شي د عدالت د تامین او د معافیت د فرهنګ د پای ته رسولو لامل شي.

دغه سازمان د ښځو پر وړاندې د هر ډول تبعیض د مخنیوي د کنوانسیون له غړو هېوادونو غوښتي، چې له سیاسي ملحوظاتو پرته د عدالت په نړۍواله محکمه کې د طالبانو د رژیم پر ضد دوسیه پرانیزي.

د دغې اعلامیې په یوه برخه کې د روم اساسنامې ته په اشارې سره د ملګرو ملتونو له امنیت شورا څخه غوښتل شوي، چې دغه موضوع د جرمونو نړۍوالې محکمې ته راجع کړي.

د دغه بنسټ په اعلامیه کې د افغانستان لپاره د ملګرو ملتونو د ځانګړي استازي ریچارډ بېنېټ د وروستي راپور هرکلی شوی او له هغه څخه غوښتل شوي، چې په افغانستان کې د جنسیتي تبعیض موضوع په هر اړخیزه توګه وڅېړي او خپل وروستی نظر د بشري حقونو شورا ته وړاندې کړي.

د بشري حقونو ځانګړي راپور ورکوونکي په دې وروستیو کې په خپل نوي راپور کې لیکلي، چې د طالبانو له خوا د ښځو پر وړاندې تبعیض باید نه یوازې د هاګ په محکمه کې بلکې په نورو محکمو کې هم د بشري حقونو د سرغړونو مسایل تعقیب شي.

د پاکستان مسلم لیګ (ن) ګوند مشر ۷۲ کلن شهباز شریف چې د پاکستان د پخواني لومړي وزیر نواز شریف ورور دی د پاکستان د پارلمان له لوري د رايو په اکثریت د دغه هیواد لومړی وزیر وټاکل شو.

په پاکستان کې د تېرې فبرورۍ میاشتې په اتمه ټولټاکنې ترسره شوې چې په خیبرپښتونخوا او بلوچستان صوبو کې د تاوتریخوالي له پېښو سره مل وې.

له هغه وروسته د پاکستان تحریک انصاف ګوند، د مولانا فضل الرحمان په مشرۍ د جمعیت علمای اسلام ګوند او عوامي نشنل ګوند د ټاکنو پر بهیر او لومړنیو پایلو اعتراض کړی و.

دغو ګوندونو او ځینو نوموتو شخصیتونو د پاکستان په ټاکنو کې د درغلیو له امله پر دغه بهیر نیوکې کړې وې.

یوه اوونۍ وړاندې د امریکا د بهرنیو چارو وزارت ویاند میټو مېلر هم ویلي و چې د پاکستان په ټاکنو کې د هر ډول «درغلیو او لاسوهنو» شوې ادعاوې دې د دغه هېواد د قوانینو او تګلارو سره سمې په بشپړ راڼه ډول وپلټل شي.

د پاکستان بهرنیو چارو وزارت د میټو میلر د خبرو په غبرګون کې ویلي و چې: «موږ د خپلې واکمنۍ په اډانه کې د خپلو کورنیو چارو په برخه کې پر کېدونکو پرېکړو باوري یو.»

په خیبرپښتونخوا کې خپلواک خبریال لال وزیر افغانستان انټرنشنل پښتو څانګې ته نن یک شنبه د (کب ۱۳مه) وويل چې د صوبتي کلا عالي لېسې دغه ښوونکی مخکې تر دې هم د تحریک طالبان پاکستان د وسله والو له لوري ګواښل شوی و.

لال وزیر وايي، دغه ښوونکی تېره ورځ ښوونځي ته پر لاره ناڅرګندو وسله والو له ځان سره بیولي و او نن سهار یې په ګولیو لګېدلی مړی موندل شوی.

د دغه وژل شوي شبیر نومي ښوونکي د کورنۍ یوه غړي، خبریال لال وزیر ته ویلي و چې له دې وړاندې هم په سیمه کې د ټي ټي پي وسله والو دغه ښوونکي ته د دندې پرېښودو ګواښ کړی و خو وايي د بېوزلۍ له امله یې دنده نه شوی پرېښودلی.

د دغه ښوونکي د وژلو په اړه تر اوسه پورې د ټي ټي پي وسله والې څه نه دي ويلي.

د ټي ټي پي وسله والې ډلې يوې څانګې په خیبرپښتونخوا کې د ښوونځیو ښوونکو ته خبرداري ورکړي چې خپلې دندې پریږدي، تر دې وړاندې هم د دغه ایالت په بنو، لکي مروت، شمالي او سوېلي وزیرستان، کورمه ایجنسۍ، مومند، باجوړ او خیبر ولسوالۍ کې د ښوونځیو ښوونکي وژل شوي وو.

د خیبرپښتونخوا اوسیدونکي د پاکستان حکومت د دغه ایالت په بېلابېلو سیمو کې د امنیت په راوستو کې پاتې بولي او وايي چې حکومت د یې امنیت وساتي خو حکومت تل د امنیت ټینګولو ډاډ ورکړی.

د متحده ایالاتو پوځ د شنبې په ورځ تایید کړې، چې د برېتانیا روبیمار بېړۍ د فبرورۍ په ۱۸ مه د یمن د حوثي وسله والو له خوا د کښتۍ ضد بالستیک توغندي له برید وروسته ډوبه شوې ده.

د حوثيانو په حکومت کې د بهرنیو چارو مرستیال وزیر حسین العزي پر اېکس خواله رسنۍ خپور کړی او ویلي یې دي: "یمن به د برېتانوي بېړیو ډوبولو ته دوام ورکړي او هر ډول عواقب یا نور زیانونه به د برېتانیا مسوولیت وي."

ښاغلي العزي ویلي: "برېتانیا یو سرکښ دولت دی چې پر یمن بریدونه کوي او په غزه کې د ملکي وګړو پر وړاندې د روانو جرمونو په ملاتړ سره له امریکا سره ملګرتيا کوي."

حوثي وسله والو د نومبر له میاشتې راهیسې په پرله پسې ډول د نړۍوالو سوداګریزو بېړیو پر وړاندې د بې پیلوټه الوتکو او توغنديو پر مټ بریدونه کړي او ویلي یې دي، چې دوی په غزه کې د اسراییل د پوځي اقداماتو په وړاندې د فلسطینیانو سره د پیوستون په موخه دغه عملیات پیل کړي‌ دي.

په سور سمندرګي کې د حوثیانو بریدونو نړۍوال سمندریز کاروبار اغېزمن کړی دی، شرکتونه یې اړ کړي، چې د سویلي افریقا شاوخوا اوږدې او خورا ګرانې لارې غوره کړي او دا وېره یې رامنځته کړې، چې د اسراییل او حماس جګړه به منځنی ختیځ بې ثباته کړي.

متحده ایالاتو او برېتانیا د پر سوداګریزو بېړیو د حوثیانو د بریدونو په غبرګون کې جنوري میاشتې راهیسې په یمن کې د حوثي یاغیانو په اهدافو بریدونه پیل کړي دي.