هغه کس چې بایډن ته یې پر کابل هوايي ډګر د ځانمرګي برید یادونه کړې وه، ونیول شو

په روسیه کې د امریکا سفارت پرون په مسکو کې خپلو اتباعو ته لیکلي: "سیمه ییزې رسنۍ تعقیب کړئ او خپل شاوخوا محتاط اوسئ."

په روسیه کې د بریتانیا سفارت هم ورته خبرتیا خپره کړې او په مسکو کې یې برتانوي اتباعو ته خبرداری ورکړی دی.

دا خبرداری پرون (پنجشنبه، کپ ۱۷) د روسیې د امنیتي ځواکونو له عملیاتو وروسته صادر شو.

د روسیې امنیتي ادارې پرون وویل، چې په مسکو کې یې پر یوه کنیسه د داعش خراسان د حملې مخه نیولې ده.

امریکا او برتانیا د کومې سختدریځې ډلې نوم نه دی اخیستی، خو له خپلو اتباعو یې وغوښتل چې له ځانه ساتنه وکړي.
​

مودې پر اېکس خواله رسنۍ یو لڼډ پیغام کې شهباز شریف د بیا ځل ټاکل کېدو له امله مبارکې ورکړې وه.

د هند د لومړي وزیر مودي د مبارکۍ لنډ پیغام په ۲۰۲۲ کال کې د لومړي ځل لپاره د لومړي وزیر په توګه د شهباز شریف د انتخابېدو وروسته د مودي د هغه وخت له پیغام سره په ښکاره تقابل کې دی.

هغه وخت مودي ویلي وو، چې هند له ترهګرۍ څخه پاکه سیمه کې سوله او ثبات غواړي.

هغه زیاته کړې وه، چې په دې توګه به "موږ وشو کولای په خپلو پرمختیایي ننګونو تمرکز وکړو او د خپلو خلکو هوساینې او سوکالۍ لپاره کار وکړو".

لومړي وزیر مودي هغه مهال شهباز شریف ته یو لیک هم استولی و. لکه څنګه چې هند هم د ټاکنو په لور روان دی، داسې ښکاري، چې د دواړو هېوادونو د اړیکو غښتلتیا، د دوی د لومړیتوبونو د لیست په سر کې نه ده.

د پاکستان د مسلم ليګ (ن) له مشرانو شهباز شريف د دوشنبې په ورځ د پاکستان د تحريک انصاف ګوند د اعتراضونو سربېره چې د فېبرورۍ د اتمې نېټې په انتخاباتو کې د درغلۍ تورونه لګوي، د لومړي وزیر په توګه د لوړې مراسم ترسره کړل.

شهباز شریف په پارلمان کې د ۲۰۱ رایو په ترلاسه کولو سره خپل سیال عمر ایوب خان ته چې د تحریک انصاف له خوا یې ملاتړ کېده ماتې ورکړه.

مکال وویل، چې د اوس لپاره هغه د کانګرس امر ته د بهرنیو چارو د وزیر د نافرمانۍ د تورونو اورېدنه ځنډوي.

مایکل مکال وویل: "دا اسناد به موږ ته د وتلو د تفتیش لپاره مهم معلومات چمتو کړي."

د امريکا د استازو مجلس د بهرنيو اړيکو د کميټې مشر د ١٤٠١ کال د جدي په مياشت کې د بهرنيو چارو له وزارت څخه وغوښتل چې دغې کمېټې ته د پوځيانو د ايستلو په باب يو لړ دولتي اسناد ورکړي؛ خو د امریکا د بهرنیو چارو وزیر د دغو اسنادو د یوې برخې له وړاندې کولو سره موافقه ونه کړه.

په دې اسنادو کې له هغو امریکايي چارواکو او استازو سره د مرکو متن هم شامل دی، چې له افغانستانه د امریکايي پوځیانو د وتلو په پلان او مدیریت کې یې لاس درلود او د بهرنیو چارو د وزارت د هغه راپور یوه برخه ده، چې د امریکايي پوځیانو له ګډ وډ وتلو وروسته چمتو شوی و.

مایکل مکال تېره اونۍ بلېنکن ته ګواښ کړی و، چې که دا اسناد د پارلمان د بهرنیو اړیکو کمېټې ته وړاندې نه کړي، د پنجشنبې په ورځ (د کب ۱۷مه) به د کانګرس د حکم د سرغړونې د تورونو د څېړلو لپاره یوه غونډه وکړي.

مککال ډیلي میل ته وویل، چې هغه تېره شپه د بلېنکن سره "ټلیفوني خبرې" کړې او ډاډ یې ورکړ، چې هغه به نن د بهرنیو اړیکو کمېټې ته اسناد چمتو کړي.

د امریکا د بهرنیو چارو د وزارت ویاند هم ویلي، چې دوی د دې مسالې د حل لپاره د ولسي جرګې له کمېټې سره په تماس کې دي.

دا کمېټه له میاشتو راهیسې د بهرنیو چارو له وزارت څخه د ۲۰۲۱ کال په اګست میاشت کې له افغانستان څخه د وتلو په اړه د لا زیاتو معلوماتو غوښتنه کوي.

د قطر او مصر په منځګړیتوب له څلورو ورځو خبرو اترو وروسته چې د روژې له میاشتې مخکې د ۴۰ ورځیني اوربند د ټینګولو په موخه ترسره شوي؛ لا هم د اسراییل او حماس ترمنځ په مهمو ټکو کې د پرمختګ کومه نښه نه ده لیدل شوې او دواړه لوري پر یو بل تورونه لګوي.

د حماس په یوه اعلامیه کې راغلي: «د حماس پلاوی نن سهار له قاهرې څخه راستون شوی چې د دې غورځنګ له مشرتابه سره مشورې وکړي، دا په داسې حال کې ده چې د اوربند په اړه خبرې اترې دوام لري چې بریدونه ودرول شي، بې ځایه شوي خلک خپلو کورونو ته ستانه شي او زمونږ خلکو ته مرستې ورسیږي.»
د حماس یوه جګپوړي چارواکي سامي ابو زهري ویلي، چې اسراییل د اوربند د هوکړې د عملي کولو هڅې ناکاموي.

ابو زهري رویټرز خبري اژانس سره په خبرو کې زیاته کړې، چې اسراییل د بریدونو د پای ته رسولو، خپلو ځواکونو د ویستلو، د بې ځایه شویو د ستنیدلو او غزې ته د مرستو د ننوتلو په اړه د حماس غوښتنې رد کړې دي.

د اسراییل لومړي وزیر بنیامین نتنیاهو د پنجشنبې په ورځ په غزه کې د پوځي عملیاتو په اړه د نړۍوالو فشارونو په غبرګون کې خپله اراده تکرار کړې.

نوموړي مخکې ویلي وو، چې د دوی هدف د حماس له منځه وړل دي او هر ډول اوربند باید لنډمهاله وي.

نتنیاهو ټینګار کوي، چې حماس باید ورته د هغو یرغمل شویو کسانو نوملړ ورکړي چې لا هم ژوندي دي او په غزه کې د حماس له خوا ساتل کیږي.

د اسراییل د حکومت ویاند ډیویډ مینسر د پنجشنبې په ورځ وویل: "د ویلو اړتیا نه شته، اسراییل به د یرغمل شویو کسانو د خوشې کولو لپاره هر هغه څه وکړي چې اړتیا یې وي. موږ دا موضوع په واضح توګه بیان کړې او امریکا هم تکرار کړې چې حماس د خبرو اترو په لاره کې خڼډ جوړوي ځکه چې مونږ ته دا نه وايي‌، چې د یرغمل شویو له ډلې څوک ژوندي دي او څوک د دوی په بند کې دي. "

د متحده ایالاتو ولسمشر جو بایډن د دې اونۍ په پیل کې ویلي‌ وو، چې د اوربند تړون حماس ته سپارل شوی دی.

په غزه کې د اوربند لپاره حماس ته سپاړل شوی تړون به د اکټوبر د اوومې تر برید وروسته ځینې یرغمل شوي کسان خوشې د اسراییل په زندانونو کې له بندي فلسطینیانو سره تبادله کړي.

د دې ډلې د بهرنیو چارو وزارت د پنجشنبې په ورځ په یوه خبرپاڼه کې لیکلي، چې هند د طالبانو له حکومت سره د سیاسي او اقتصادي اړیکو پراخولو ته لېواله دی.

د طالبانو د بهرنیو چارو وزارت په وینا؛ امیر خان موتقي له جي پي سنګ سره د افغانستان او هند پر دوه اړخیزو اړیکو، اقتصادي او ټرانزیټي مسایلو خبرې کړې دي.

په دې کتنه کې هند د چابهار بندر له لارې د دواړو هېوادونو ترمنځ د سوداګرۍ د پراختیا ملاتړ وکړ.

د طالبانو د بهرنیو چارو وزارت لیکلي، چې د هند د بهرنیو چارو وزارت چارواکي له داعش سره د طالبانو د مبارزې، فساد او له نشه یي توکو سره د مبارزې ستاینه کړې ده.

متقي ویلي، چې طالبان غواړي له هند سره سیاسي او اقتصادي اړیکې د 'متوازن سیاست' له لارې پیاوړې کړي.

هغه له هند څخه وغوښتل چې د افغان سوداګرو، ناروغانو او محصلینو لپاره د وېزو په ورکړه کې اسانتیاوې رامنځته کړي.

جي پي سېنګ نن د هېواد له پخواني ولسمشر حامد کرزي او د طالبانو د حکومت د صنعت او سوداګرۍ له وزیر نورالدین عزیزي سره هم وکتل.

هند د طالبانو حکومت په رسمیت نه پېژني؛ خو د تېر حکومت له نسکورېدو څو میاشتې وروسته یې له طالبانو سره غیر رسمي اړیکې پیل کړې.