د پاکستان نوي ولسمشر اصف علي زرداري د خپلې دندې لوړه وکړه
د پاکستان ۱۴م منتخب ولسمشر اصف علي زرداري چې د ولسمشرۍ لپاره یې اکثریت رایې ګټلې وې، د لوړې مراسم ترسره شول او نن یې د پاکستان د ولسمشر په توګه یې په رسمي ډول کار پیل کړ.
د پاکستان ۱۴م منتخب ولسمشر اصف علي زرداري چې د ولسمشرۍ لپاره یې اکثریت رایې ګټلې وې، د لوړې مراسم ترسره شول او نن یې د پاکستان د ولسمشر په توګه یې په رسمي ډول کار پیل کړ.
د لوړې په مراسمو کې لومړي وزیر شهباز شريف، پخواني ولسمشر عارف علوي، د مسلم ليګ نون مشر نواز شريف، د قامي اسمبلۍ مشر اياز صادق، بلاول بوټو او یو شمېر نورو سیاستوالو ګډون کړی و.
دا په د پاکستان په تاریخ کې لومړنی سیاسي شخص وي، چې د دویم ځل لپاره ولسمشر ټاکل کیږي، نوموړی په ۲۰۰۸ کال کې هم د پاکستان ولسمشر ټاکل شوی و.
تېره ورځ اصف علي زرداري ۴۱۱ ټاکنیزې رایې خپلې کړې او د هغه سیال محمود خان اڅکزي چې د سني اتحاد شورا له خوا نومول شوی و ۱۸۰ ټاکنیزې رایې ترلاسه کړې وې.
په پاکستان کې د فېبروري د ټاکنو له پیله تر اوسه په دغه هېواد کې ټاکنیزې ناندرې روانې دي او بېلابېل اړخونه په تېرو ټاکنو کې د درغلیو د کېدو خبره کوي.
