شهباز شریف د پاکستان ولسمشر زرداري ته د نوې کابینې د غړو نوملړ استولی دی
د پاکستان لومړي وزیر شهباز شریف د نوې کابینې د ۱۹ غړو نومونه ولسمشر اصف علي زرداري ته استولي دي. د ولسمشر دفتر ته د استول شوي رسمي مکتوب یوه کاپي هم رسنیو ته رسېدلې ده.
د پاکستان لومړي وزیر شهباز شریف د نوې کابینې د ۱۹ غړو نومونه ولسمشر اصف علي زرداري ته استولي دي. د ولسمشر دفتر ته د استول شوي رسمي مکتوب یوه کاپي هم رسنیو ته رسېدلې ده.
په دغه لېست کې د مسلم ليګ نواز ګوند د ځينو مهمو څېرو نومونه ليدل کیږي.
دفاع وزیر خواجه اصف، د مالیې پخوانی وزیر اسحاق ډار، د پلان پخوانی وزیر احسن اقبال او د قانون پخوانی وزیر اعظم نذیر شامل دي، چې په دغو څېرو کې ځینو د شهباز شریف په پخوانۍ کابینه کې هم کار کړی.
په دې نوملړ کې د عالم خان، خالد مقبول صدیقي، فاطمه خواجه، محسن رضا نقوي، کمال خان او یو شمېر نورو نومونه هم لیدل کېږي.
پاکستاني رسنیو لیکلي، چې دا وروستی نوملړ نه دی او د پاکستان پیپلز ګوند تر اوسه د کابینې د غړیتوب لپاره خپل انتخابونه نه دي اعلان کړي.
تر دې وړاندې پیپلز ګوند ویلي وو، چې نه غواړي په نوې کابینه کې شامل شي.
نوی ولسمشر اصف علي زرداري د پیپلز ګوند استازیتوب کوي.
په پاکستان کې د روان کال د فېبرورۍ په اتمه نېټه ټاکنې وشوې، چې په ترڅ کې يې هېڅ ګوند ونه توانېد په پارلمان کې ډېرې څوکۍ وګټي.
په پای کې د مسلم لیګ نواز ګوند د پاکستان پیپلز ګوند او ځینو نورو کوچنیو ګوندونو تر ایتلاف وروسته یو ایتلاف رامنځته شو او شهباز شریف د لومړي وزیر په توګه وټاکل شو.
