ایراني رسنۍ: د افغانستان پولې ته څېرمه د ایران یو سرتېری وژل شوی دی

د افغانستان پخواني ولسمشر حامد کرزي نن دوشنبه پر افغان خاوره د پاکستان د هوايي بريدونو وروسته پر خپله اېکس پاڼه د غندنې ترڅنګ ليکلي، چې د پاکستان دا بريدونه له ځمکنۍ بشپړتيا ښکاره سرغړونه ده.

هغه دا ډول کړنې د دواړو هېوادونو په زيان وبللې او په سيمه کې د سولي او ثبات د تامين لپاره یې د اسلام اباد په تګلارو کې د بدلون غوښتنه کړې.

د افغانستان د جمهوري نظام د بهرنيو چارو وزير حنيف اتمر د پاکستان په هوايي بريد کې د بې ګناه خلګو وژل د کرکې وړ او د بې ثباتۍ په معنا ياد کړي.

نوموړي پر خپل اېکس پاڼه د پاکستان پوځ ته په پيغام کې ليکي: «د پاکستان پوځ باید هوښیارتیا وښيي چې په سیمه کې د ترهګرۍ او بې ثباتۍ پر وړاندې د مبارزې تر ټولو اغېزمنه لار دا ده چې د هغه ملاتړ ودروي.»

اتمر پر طالبانو هم غږ کړی، چې د خلکو له يوالي او ملي مشارکت پرته د هېواد دفاع کول ناممکن دي.

نوموړي له طالبانو غوښتي، چې د خلکو د ازادې ارادې او مشارکت پر بنسټ مشروع نظام جوړ کړي.

سیمه ییزو سرچینو افغانستان انټرنشنل - پښتو ته ویلي، چې د پاکستان هوايي ځواک د افغانستان په پکتیکا او خوست ولایتونو کې بریدونه کړي.

د طالبانو وياند ذبیح الله مجاهد په یوه خپره شوې خبرپاڼه کې ويلي، چې د پکتیکا برمل ولسوالۍ په لمن کلي کې پر یوه کور د هوايي برید له امله درې ښځې او درې ماشومان وژل شوي او د خوست ولایت سپېرې ولسوالۍ په افغان دوبۍ کلي کې پر یوه کور د هوايي برید له امله دوه ښځې وژل شوې دي.

طالبانو پاکستان ته ګوتڅنډنه کړې چې که دا ډول بریدونه دوام وکړي، پاکستان ته به بدې پایلې ولري.

د طالبانو د دفاع وزارت بيا ویلي؛ د دغه وزارت اړوند سرحدي ځواکونو د ډیورنډ کرښې په اوږدو کې پر پاکستاني پوستو ځوابي بريدونه کړي او د سهارنیو هوايي بریدونو غچ یې اخیستی.

په انځور کې لیدل کېږي، چې ملا یعقوب یونیفورم اغوستی او پر اوږه یې پوځي نښانونه دي.

د طالبانو د دفاع وزارت اعلان وکړ، چې د دې ډلې د پوځ سرحدي ځواکونو د پاکستان د تېري په ځواب کې "د فرضي کرښې په اوږدو کې د یاد هېواد پوځي مرکزونه د درنو وسلو" په نښه کړي دي.

وزارت ویلي، چې ځواکونه یې د "هر ډول تېري" ځواب ورکولو ته چمتو دي.

تر دې مخکې د پکتيا ولايت د ډنډ پټان ولسوالۍ اوسېدونکو د افغانستان انټرنشنل ته خبر ورکړى و، چې د ډېورنډ پر کرښه د طالبانو او پاکستاني پوله ساتو ترمنځ وسله واله نښته شوې ده.

سیمه ییزو سرچینو ویلي، چې دغه نښته د دوشنبې په ورځ (کب ۲۸مه) سهار اوه بجې پیل شوه.

سیمه ییزو رسنیو هم ویلي، چې د ډنډ پټان اوسېدونکو د پاکستان له لوري د توغندي له توغولو وروسته خپل کورونه پرېښي دي.

دغه وسله واله نښته د پاکستان د هوايي ځواکونو له خوا په خوست او پکتيکا ولايتونو کې په هدفونو له بمبار وروسته رامنځته شوه.

تر دې وړاندې د طالبانو ویاند ذبیح الله مجاهد په یوه خبرپاڼه کې اعلان کړی و، چې په خوست او پکتیکا کې د پاکستان په هوايي بریدونو کې شپږ تنه وژل شوي، چې درې یې ښځې او درې یې ماشومان دي.

طالبانو خبرداری ورکړی، چې د دغو بریدونو دوام به ډېرې داسې پایلې ولري، چې د پاکستان له کنټروله بهر دي.

سیمه ییزو سرچینو افغانستان انټرنشنل ته ویلي، چې د دوشنبې په سهار د پاکستان هوايي ځواکونو په خوست او پکتیکا ولایتونو کې د تحریک طالبان پاکستان مرکزونه په نښه کړل.

د سرچينې د معلوماتو له مخې؛ دغه بريدونه نن سهار شاوخوا درې بجې د خوست ولايت په سپېره ولسوالۍ او د پکتيکا ولايت په برمل ولسوالۍ کې شوي دي.

د طالبانو د دفاع وزارت نن دوشنبه د (کب ۲۸مه) په ایکس پاڼه لیکلي چې د ډیورنډ کرښې په اوږدو کې یې د پاکستان پوستې په لویو توپونو ویشتلې دي او زیان ور اړولی دی.

تر دې وړاندې د طالبانو ویاند ذبیح الله مجاهد ویلي و چې، پر افغانستان د پاکستاني الووتکو له لوري ترسره شوي بریدونه د افغانستان پر خاوره تیری دی او ګواښ یې کړی و چې دغه ډول خپلسري بریدونه به پاکستان ته بدې پایلې ولرې.

طالبانو پاکستان ته ګوتڅنډنه کړې چې که دا ډول بریدونه دوام وکړي، پاکستان ته به بدې پایلې ولري.

ها خوا ځينې سرچینې بیا وايي، چې پر ډیورند کرښه د پکتیا په ډنډې پټان او پکتیکا انګور اډې سیمو کې د پاکستان پوله ساتو او طالبانو تر منځ جګړه روانه ده.

ډیورنډ کرښې ته څېرمه طالبانو د پکتیا ډنډې پټان او خرلڅیو پر پوستو بریدونه کړي او په سیمه کې د تودې جګړې له امله خلکو خپل کورونه پرېښي او د څمکنیو ولسوالۍ لورته خوځېدلي.

د ډنډې پټان ولسوالۍ له بازاره یوه دوکاندار افغانستان انټرنشنل پښتو ته وويل چې جګړه ډیره تېزه روانه ده او په سیمه کې سپکې او درنې وسلې کارول کیږي.

له انګور اډې څخه هم ځینو سرچینو افغانستان انټرنشنل پښتو ته ویلي چې دغه لاره تړل شوې او دواړو لوریو ته ډزې روانې دي.

تر اوسه پورې د ډیورنډ کرښې په اوږدو کې د روانې جګړې د زیانونو په اړه معلومات نه دي ترلاسه شوي.

دغې ادارې د دوشنبې په ورځ (د کب ۲۸مه) په خپره شوې خبرپاڼه کې زیاته کړې، چې د فراه ٧٨ (شیخ ابو نصر فراهي) بندر له لارې هېواد ته د هغو نفتي توکو د راتګ مخه نیول شوې، چې کیفیت یې له سټنډرډونو سره په ټکر کې و.
د طالبانو د سټنډرډ ملي ادارې له ټولو سوداګرو غوښتي، چې هېواد ته د بې کیفیته نفتي توکو له واردولو ډډه وکړي.
دغې ادارې د تېلو سوداګرو ته خبرداری ورکړی، چې د بې کیفیته تېلو د واردولو په صورت کې به له جدي قانوني چلند سره مخ شي.
تر دې وړاندې هم طالبانو سلګونه ټانکره بې کيفيته نفتي توکي اړوندو هېوادونو ته مسترد کړي دي.

ایراني سرحدي چارواکو بیا ويلي چې طالبان په سرحدونو کې د کېفیت معلومولو داسې ماشینونه نه لري چې د نفتي توکو کېفیت د سټنډرډ مطابق معلوم کړي.

طالبانو د ایرارني چارواکو ورته څرګندونې رد کړې دي.

د دغې ډلې وياند ذبیح الله مجاهد په یوه خپره شوې خبرپاڼه کې ويلي، چې د پکتیکا برمل ولسوالۍ په لمن کلي کې پر یوه کور د هوايي برید له امله درې ښځې او درې ماشومان وژل شوي او د خوست ولایت سپېرې ولسوالۍ په افغان دوبۍ کلي کې پر یوه کور د هوايي برید له امله دوه ښځې وژل شوې دي.

طالبانو پاکستان ته ګوتڅنډنه کړې چې که دا ډول بریدونه دوام وکړي، پاکستان ته به بدې پایلې ولري.

ها خوا ځينې سرچینې بیا وايي، چې پر ډیورند کرښه د پکتیا په ډنډې پټان او پکتیکا انګور اډې سیمو کې د پاکستان پوله ساتو او طالبانو تر منځ جګړې پیل شوې دي.