سرچینو افغانستان انټرنشنل پښتو ته ویلي، چې نن سهار د کندهار ولايت په مرکز کې د ښار دننه د کابل بانک ودانۍ ته څېرمه چاودنه شوې. ویل کیږي په دغه چاودنه کې ډېره مرګ ژوبله اوښتې خو کره شمېرې نه دي تر لاسه شوې.
کندهار کې میرویس روغتون اعلان کړی چې د دغې پیښې ټپیانو ته د زیاتې وینې اړتیا ده او خلک دې د وینې ورکړې لپاره روغتون ته ورشي.
دغه پېښه د کندهار ښار لومړۍ حوزې ته مخامخ د کابل بانک ودانۍ ته څېرمه په هغو کسانو شوې چې له دغه بانک څخه یې معاشونه اخيستل.
یوې باوري سرچینې افغانستان انټرنشنل پښتو ته ویلي چې دغه بانک ته په کتارونو ولاړ ډیری د طالبانو نظامي کسان و.
کندهار کې د طالبانو ځايي چارواکي پېښه مني خو په اړه یې ډېر جزیات نه ورکوي.
تر اوسه پورې د چاودنې ډول نه دی معلوم او نه هم کومې وسله والې ډلې د دغه برید مسوولیت منلی.
درې ورځې وړاندې د کندهار لپاره د طالبانو والي ملا شیرین د دغه ولايت امنیتي ادارو ته د امنیت د ټینګښت سپارښتنې کړې وې.
په دې انځورونو کې د ښار د ګڼې ګوڼې سيمې، د خلکو ورځنۍ چارې او روژه ماتي پکې شامل دي.
په کندهار کې د طالبانو له لوري په دولتي ادارو کې پر عکس او ويډيو بندير پر ټولنه هم منفي تاثیر کړی.
ډېری عام خلک او طالب پلوه کسان خبريالان عکس او ويديو اخيستلو ته هم نه پرېږدي.
د همدې عکسونو د اخيستلو پر مهال ډېرو عامو ښاريانو له اقتصادي ستونزو او د کار د نه شتوالي څخه شکايت کوي.
ښاریانو له طالبانو غوښتل، چې خلکو ته دې کاري فرصتونه برابر کړي.