د ننګرهار په بټي کوټ ولسوالۍ کې یو ځوان ځان وژنه کړې

د امریکا د استازو مجلس د بهرنیو اړیکو د کمېټې مشر مایکل مکال ویلي، چې نوی تړون د ۱۲۰۰۰ نورو ویزو د ورکولو اجازه ورکوي؛ خو د جوبایډن ادارې او په سنا کې د جمهوري غوښتونکو استازو د ۲۰ زره نویو ویزو د صادرولو غوښتنه کړې وه.

دا په داسې حال کې ده، چې د کډوالۍ د ځانګړې ویزې پروګرام تر ۲۰۲۶ کال پورې پای ته رسېږي.

ویل کېږي، چې د اضافي ویزو شمېر د امریکا د پخوانیو افغان شریکانو له غوښتنې سره سم شوی دی.

یو شمېر امریکايي چارواکو چې نه یې غوښتل نوم یې واخیستل شي، رویټرز ته ویلي چې د مارچ تر لومړۍ نېټې پورې د هغو افغانانو شمېر چې ویزو ته انتظار باسي له ۸۰ زرو څخه زیات وو، چې یو پر څلورمه برخه یې وروستۍ مرکې ته بلل شوي دي.

افغانانو ته د لا زیاتو ویزو ورکولو هوکړه په داسې حال کې کېږي، چې داسې اسناد خپاره شوي چې د طالبانو د واکمنۍ له پیل راهیسې د پخواني حکومت سلګونه امنیتي چارواکي او سرتېري نیول شوي، شکنجه شوي او وژل شوي دي.

په بغلان کې د طالبانو د امرباالمعروف رياست نن چهار شنبه په يوې خبرپاڼه کې ويلي، چې د نوي کال جشن نمانځل هېڅ (دیني او مذهبي) اړخ نه لري او خلک يې بايد ونه نمانځي.

دغه څرګندونې د دې ادرې مسولينو د شعيه علماو سره په ناسته کې کړي.

په خبرپاڼه کې راغلي، چې د بغلان د طالبانو امرباالمعروف مسوولينو د نوي کال جشن نمانځل يو (مردود عمل) بللی دی.

په خبرپاڼه کې راغلي: " علما دي د منبر له لارې خلکو ته د نوروز د نه نمانځلو په تړاو پوهاوی ورکړي، نوروز په اسلام کې هېڅ ځای نه لري او يو مردود عمل دی."

له هغه وخته چې طالبان په افغانستان کې واک ته رسېدلي، د نوي کال د نمانځلو او خوښيو پروګرامونه يې بند کړي دي.

خو د دې هر څه سره - سره د افغانستان په ډېرو سېمو کې خلک د نوي کال لومړيو ورځو ته خوښ وي او دغه ورځ اوس مهال په خپلو کورنو او مېله ځايونو کې نمانځي.

د افغانستان د ملي مقاومت جبهه وایي، په دغو عملياتو کې د ملي مقاومت جبهې ځواکونو او ملکي وګړو ته زيان نه دى اوښتى.

طالبانو د دې برید په اړه تر اوسه څه نه دي ویلي.

د افغانستان ملي مقاومت جبهې تر دې مخکې هم څو ځلي په بېلابېلو سیمو کې پر طالبانو بریدونه کړي او دې ډلې ته یې مرګ ژوبله اړولې ده.

د طالبانو تر کنټرول لاندې ارګ په یوې خبرپاڼې کې د مولوي عبدالسلام حنفي له قوله لیکلي: « له عصري علومو، ساینس او معاصرې ټېکنالوجۍ سره بلدتیا د هېواد د پرمختګ له اړتیاو څخه ګڼو.»

په دې مراسمو کې د طالبانو د پوهنې وزیر هم وویل: "دیني علوم زمونږ د زړونو مقصد دی او پر مونږ فرض دی او ژوند له دیني علومو پرته نه کیږي؛ خو عصري علوم هم اړتیا ده."

ښاغلی حنفي وایي؛ هغه ملت چې له سواد او زده کړې لېرې او علم زده نه کړي، تل د نورو محتاج وي، محتاجه او اړمنه ټولنه هېڅ وخت خپلواکۍ ته نه رسېږي؛ نو اړتیا ده چې معاصرو علومو او ټکنالوجۍ ته لاسرسی ولرو.

د حنفي په وینا؛ تېر کال یو میلیون او دوه سوه زره نوي زده کوونکي معارف ته جذب شوي.

عبدالسلام حنفي په داسې حال کې په هېواد کې د تحمیلي جنګونو او ناامنۍ کلونه په معارف کې د وروسته پاتې والي له لاملونو څخه ګڼي، چې د دې جګړې او ناامنیو لویه برخه همدا ډله ده.

حنفي د پوهنې وزارت مسوولین او کارکوونکي ته وویل، چې د باکیفیته معارف په برخه کې زیات کار او څارنه وکړي، ترڅو د تېر په څېر د خیالي مدرسو، ښوونځیو او ښوونکو ستونزه بیا په معارف کې تکرار نه شي.

په تېر حکومت کې د خیالي ښوونځیو او ښوونکو راپورونه خپاره شوي وو.

د نورو طالب چارواکو په څېر حنفي هم د نجونو د ښوونځیو د خلاصون په اړه څه ونه ویل.

د یادولو ده، چې طالبانو د نجونو پر زدکړو د بندیزونو له لرې کولو پرته د نوي تعلیمي کال د پیل زنګ وواهه.
پر افغانستان د طالبانو له بیا واکمنۍ وروسته دا دی ۹۱۵ ورځې کیږي، چې له شپږمو ټولګیو پورته د نجونو پر وړاندې د ښوونځيو دروازې بندې دي.

د طالبانو د بهرنیو چارو وزارت ویاند مرستیال حافظ ضیا احمد په اېکس لیکلي چې اغلې کوانتیوالا وویل: « د ایټالیا جمهوریت دافغانستان له خلکو سره د بشري مرستو ترڅنګ په اقتصادي برخو کې له نړۍوال بانک او خپلو شريکانوسره کار کوي؛ ترڅو دافغانستان اقتصادي ثبات لپاره ګټور ثابت شي.»

په دې ناسته کې متقي ویلي، چې دوی د نړۍ له ټولو هېوادونو سره متوازنې اړیکې غواړي او د تعامل دروازې يې د ټولو هېوادونو پر مخ خلاصې دي.

ښاغلي متقي زیاته کړه: « لوېديځ هېوادونه هم کولی شي، چې د نړۍ د نورو هېوادونو په څېر طالبانو سره تعامل ته را وړاندې شي او د افغانستان اړوند مسایل مخامخ مطرح کړي.»

متقي وایې: «موږ د هر هغه فعالیت هرکلی کوو، چې د افغانستان د خلکو لپاره د هوساينې سبب کيږي.»

طالبان هڅه کوي، چې د نړۍ له هېوادونو سره ښې اړیکې ولري.

‌د طالبانو ویاند ذبیح الله مجاهد وایي، په تېر ۱۴۰۲ کال کې یې د نورو پرمختګونو تر څنګ له هېوادونو سره ښې اړیکې لرلې دي.

خو د شنونکو په وینا؛ طالبانو په دغه کال کې له ګاونډیانو سره څو نښتې کړي او پاکستان د افغانستان په ځمکنۍ بشپړتیا څو ځله هوايي او ځمکني بریدونه کړي.