طالبان وايي د تورخم لاره د تګ او راتګ لپاره بېرته پرانیستل شوه

په دې غږیز فایل کې «لویدیځوالو» ته په اشارې سره ویل شوي چې «موږ له تاسو سره شل کاله جګړه وکړه، موږ به نوره شل کاله جګړه وکړو.» چې «په ځمکه کې شرعي قانون پلي کړو.»

ملا هبت الله ته په منسوبه ​​وینا کې ټینګار شوی، چې دا خبره تر دې پورې نه ده خلاصه شوې چې «کابل مو ونیو او په ولایتونو کې په څوکیو کیناستو او شین او تور چای څکو.»

هغه په دغه غږ کې وايي، «موږ د الله حدود نافذوو، تاسې (لوېدیځوال) به واياست چې دا د ښځو حقوقو پایماله کېدل دي چې په ډبرو یې ولئ. سبا به موږ د زنا حد تطبیقوو په عام محضر کې به یې په ډبرو ولو او یا به ښځې په دورو وهو، دا ټول ستا د ډيموکراسي خلاف دي. په دې هر یوه به ستا سره مقابله کوو،»

د افغانستان د نورو ولايتونو تر څنګ د کابل ښاریان د برېښنا له کمي څخه شکایت کوي او وايي چې د برېښنا پرچاوي زیاته ده او بېلونه تر اندازې زیات ترې اخیستل کیږي.

د طالبانو ویاند ذبیح الله مجاهد نن یک شنبه د (وري پنځمه) په ایکس پاڼه لیکلي چې په کابل کې به له کورنیو او بهرنیو شرکتونو سره د څلورو میلیارډو افغانیو په ارزښت د څو مهمو پروژو قراردادونه لاسلیک شي.

هغه ویلي چې دغه پروژې به په کور دننه د خلکو د برېښنا او جوړونې په برخو کې شته ستونزې راکمې کړي.

طالبانو دا نه دي ويلي چې د دغو پروژو د پلي کولو لګښت له کومې بودجې ورکوي خو یوازې د لګښت لپاره یې د څلورو میلیارډو افغانیو یادونه کړې.

تر دې وړاندې د طالبانو د ریس الوزرا اقتصادي معاونیت ویلي و چې دغه پروژې د افغانستان له ملي پراختیایي پروژو څخه دي چې په پلي کولو سره به یې د افغانانو ستونزې کمې شي.

عیني شاهدان وايي، چې دا مهال د کرښې دواړه غاړې په سلګونو مساپر بند پاتې دي.

سرچینو افغانستان انټرنشنل پښتو ته ویلي چې ټپیان ورڅېرمه د لنډي کوتل روغتون وړل شوي او روغتیایي حالت یې ښه دی.

د تورخم دروازه نن یک شنبه سهار د (وري پنځمه) نیټه د پاکستان امنيتي ځواکونو او د دغه هیواد د کډوالود برخې کارکوونکو تر منځ د خپلمنځي شخړې له امله تړل شوې چې تمه ده بیرته خلاصه شي.

تورخم کې د پاکستان اړوند د کډوالۍ برخې کارکوونکو افغانستان انټرنشل پښتو ته ويلي چې د پاکستان پوله ساتو ځواکونو یا ایف سي يې په چارو کې لاسوهنې کړې وه چې له امله د دوی تر منځ شخړه شوې.

ویل کیږي دا مهال له افغانستانه د موټرو تګ راتګ بند شوی دی.

تورخم کې ځايي پاکستاني چارواکو ويلي چې د اخ و ډب له امله ژوبل شوي کسان نږدې روغتون ته لیږدول شوي.

د خوړو نړیوال پروګرام تېره ورځ شنبه د (کب څلورمه) په ایکس پاڼه لیکلي چې تېره میاشت یې په افغانستان کې له شپږ میلیونه بې وزله وګړو سره د خوړو او نقدو پیسو مرستې کړې دي.

دغې ادارې زیاته کړې چې دوی د ځینو خصوصي تمویلوونکو او د خپلو همکارو هېوادونو اسټرالیا، جاپان، روسیې او سویډن په مالي مرسته د دغو مرستو په برابرولو بریالي شوي.

د ملګرو ملتونو د بشري چارو د همغږۍ ادارې اوچا بیا ویلي، ګڼې مرستندویه ادارې د بودجې د کموالي له کبله نه شي کولی ټولو اړو کسانو ته بشري مرستې ورسوي.

د خوړو نړېوال پروګرام د تېرې کب میاشتې په وروستیو کې ويلي و، په افغانستان کې نږدې ۱۶ مېلیونه خلک کافي خواړه نه لري او په لوږه ژوند تېروي.

د خوړو د نړېوال پروګرام ویاند فېلیپ کروف د ترکیې اناتولي اژانس ته ویلي و، چې ۱۵.۸ مېلیونه افغانان چې ډېری یې ښځې او ماشومان دي د خوړو لپاره څه نه لري.

کروف ویلي، چې تېر کال هم نږدې یو مېلیون مېندواره مېرمنې او دوه مېلیونه ماشومان چې عمرونه یې له پنځو کلونو ټیټ و، په سختې خوارځواکۍ اخته شوي وو.

فلېپ کروف اندېښنه ښودلې وه چې: «د دغو ماشومانو له ډلې ډېر یې د لوړې کچې له خوارځواکۍ سره مخامخ دي، چې له دې امله د هغوی د ژوندي پاتې کېدو چانس ډېر کم دی.»

دا په داسې حال کې ده، چې تېره اوونۍ پاکستاني هوايي ځواکونو د پکتیکا ولایت د برمل ولسوالۍ او د خوست ولایت د سپېرې ولسوالۍ پر ځینو سیمو هوايي بریدونه کړي، چې په پایله کې یې د طالبانو د معلوماتو له مخې د څلورو ماشومانو په ګډون نهه تنه وژل شوي دي.

د طالبانو تر واک لاندې باختر اژانس تېره ورځ شنبه د (وري څلورمه) ناوخته په ایکس پاڼه لیکلي چې د دوی د سیاسي کمېسیون په غونډه کې له یو شمېر هېوادونو سره د افغانستان او سیمې پر سیاسي پرمختګونو، وروستیو تحولاتو او له نړۍ سره پر ښو اړيکو د بحث ترڅنګ، له یو شمېر هېوادونو سره د طالبانو اړېکې ارزول شوې دي.

په دغې ناسته کې په اسلام اباد کې د طالبانو سفارت استازي سردار احمد شکیب هم برخه لرله.

تر هغه وړاندې سردار احمد شکیب په اسلام اباد کې د افغانستان لپاره د پاکستان له ځانګړي استازي اصف دراني سره لیدلي و، او تر هغه وروسته کابل تللی دی.

سردار احمد شکیب کابل ته په رسېدو، لومړی د طالبانو د بهرنیو چارو له وزیر امیر متقي سره لیدلي، د دغې ډلې تر واک لاندې ملي ټلویزیون ویلي چې سردار احمد شکیب له پاکستاني چارواکو سره تر لیدو وروسته کابل کې د دغې ډلې د بهرنیو چارو وزیر امیرخان متقي ته له پاکستاني چارواکو سره د لیدنو راپور وړاندې کړی.

‏د طالبانو د سیاسي کمېسیون غړو په دغه ناسته کې ویلي چې له ګاونډيو هېوادنو سره رغنده اړیکې غواړي خو چاته پر خپله خاوره د تېري او پر ملي حاکمیت د تیري اجازه نه ورکوي.