د طالبانو د کډوالو چارو وزیر خلیل الرحمان حقاني وایي، چې د مدرسې او پوهنتون واټن باید له منځه ولاړ شي. حقاني د یکشنبې په ورځ (د وري ۵مه) د ۱۴۰۳ ښوونیز کال د یوې غونډې په ترڅ کې وویل، چې نړۍوالو افغانان په یوه دین کې په دوو طبقو ویشلي دي او نفاق رامنځته کوي.
نوموړی وایي: (( مونږ باید هڅه وکړو چې خپل اولادونه په عصري او دیني علومو سمبال کړو.))
د طالبانو د کډوالو چارو وزیر په دې غونډه کې دغه راز زیاته کړه، چې افغانستان ډېر کادرونه لري او د افغانستان هر ډاکټر، انجنیر او پروفیسور باید شیخ، مفتي او د قران حافظ وي.
دا په داسې حال کې ده، چې څو موده مخکې د اسلامي ګوند مشر ګلبدین حکمتیار هم له طالبانو غوښتي وو، چې د ملا او مکتبي او د مدرسې او مکتب جنګ باید پای ته ورسیږي.
د نوموړي په خبره؛ په هېواد کې سیاسي، اقتصادي او تعلیمي نظام باید په بشپړه توګه اسلامي شي.
د طالبانو د لوړو زده کړو وزیر ندا محمد ندیم بیا د ۱۴۰۲ کال د تلې په ۵مه ویلي وو، چې د پوهنتونونو او مدرسو ترمنځ واټن له منځه وړل شوی دی.
له دې سره؛ د ملګرو ملتونو په وروستي راپور کې راغلي، چې طالبانو په افغانستان کې د دیني مدرسو شمېر د پام وړ زیات کړی دی.
د راپور له مخې؛ په افغانستان کې دمګړۍ څه باندې ۷۰۰۰ مدرسې ثبت دي چې یوازې ۳۸۰ مدرسې د نجونو لپاره دي.
طالبانو د ۱۴۰۳ ښوونیز کال د نجونو له حضور پرته پیل کړ او له نږدې درېیو کلونو راهیسې له شپږم ټولګي پورته د نجونو پروړاندې د ښوونیزو مرکزونو دروازې بندې دي.
دغې سرچینې زیاته کړې، چې دا مهال د محاصرې د علت په اړه د طالبانو له خوا څه نه دي ویل شوي؛ خو د طالبانو یو شمېر وسله وال د نوموړي له ګوره ګېرچاپېره راټول شوي دي.
سرچینه وايي، چې طالبان چا ته د نوموړي کور ته د ننوتلو او راوتلو اجازه نه ورکوي.
تر اوسه پورې طالبانو هم په رسمي ډول د نوموړي د کور د محاصرې په اړه رسنیو ته څه نه دي ویلي.
په دې وروستیو کې د اسلامي حزب رهبر ګلبدین حکمتیار په یوې انلاین غونډه کې د طالبانو د نظام پر ډول، د نجونو پر ښوونځیو او د واک پر انحصار نیوکې کړې وې.
تر اوسه پورې ښاغلي حکمتیار هم په رسمي ډول یاده محاصره نه ده تایید کړې.
