په کابل کې د طالبانو د امربالمعروف وزارت کارکوونکو له ښاریانو سره په ليدنو کې ښځو ته د حجاب کولو او سړو ته يې په جماعت د لمانځه کولو سپارښتنه کړې. دغه وزارت په خپله خبرپاڼه کې ليکلي دا «الهي حکم دی» چې باید عملي شي.
د طالبانو امربالمعروف وزارت نن یکشنبه د (وري ۵مه) په يوې خبرپاڼه کې ويلي، چې د دې وزارت کارکوونکو د کابل ښار په سوداګريزو مارکيټونو او تفريح ځایونو کې خلکو ته د اصلاح په موخه لارښوونې کړي دي.
خبرپاڼه زياتوي، چې د طالبانو د امر بالمعروف وزارت محتسبینو د کابل ښاريانو غوښتي، چې ځانونه پر «شریعت» برابر کړی.
د خبرپانې په يوې برخه کې راغلي: « په دې لېدونو کې د کابل ښاريانو ته د اسلامي حجاب، په دوامداره توګه په جماعت لمونځ کول، نبوي سنتو صورت او سيرت برابرول، موسيقي نه اورېدل او خمار نه کولو لارښوونې وشوې.»
په خبرپاڼه کې له ښځو په ټينګه غوښتل شوي، چې بايد حجاب مراعت کړي؛ خو طالبانو د حجاب مراعتولو د ډول په اړه څه نه دي ويلي.
د طالبانو دغه وزارت وايي، چې «الهي حکم او شریعت» عملي کول پر ټولو لازمي دی.
په ډېرو ښارونو کې د ټولنيزو بنديزونو د پلي کولو لویه برخه د طالبانو امربالمعروف وزارت محتسبان پر غاړه لري.
دې ډلې ان د کابل ښار د ګڼې ګوڼې ساحې څخه په عام بازار کې ښځې د حجاب د نه مراعتولو په نوم خپلو موټرانو ته پورته کړي، چې د ډېرو کسانو له سختو انتقادونو سره مخ شوي.
دغې سرچینې زیاته کړې، چې دا مهال د محاصرې د علت په اړه د طالبانو له خوا څه نه دي ویل شوي؛ خو د طالبانو یو شمېر وسله وال د نوموړي له ګوره ګېرچاپېره راټول شوي دي.
سرچینه وايي، چې طالبان چا ته د نوموړي کور ته د ننوتلو او راوتلو اجازه نه ورکوي.
تر اوسه پورې طالبانو هم په رسمي ډول د نوموړي د کور د محاصرې په اړه رسنیو ته څه نه دي ویلي.
په دې وروستیو کې د اسلامي حزب رهبر ګلبدین حکمتیار په یوې انلاین غونډه کې د طالبانو د نظام پر ډول، د نجونو پر ښوونځیو او د واک پر انحصار نیوکې کړې وې.
تر اوسه پورې ښاغلي حکمتیار هم په رسمي ډول یاده محاصره نه ده تایید کړې.