د افغانستان د ملي امنیت پخوانی سلاکار ډاکټر رنګین دادفر سپنتا د یکشنبې په ورځ په خواله رسنۍ اېکس خپور کړي پیغام کې ویلي، چې په افغانستان کې ازادي یوازې پر محلي ځواکونو د تکیې او د هغو د انسجام له لارې تر لاسه کېدلی شي.
نوموړي ویلي، چې د طالبانو مشر د نورو سیاسي رهبران په پرته دا امتیاز لري، چې خپلې عقیدې په واضح توګه بیانوي او د طالبانو مفکورې ته که هر څومره ارایش ورکړل شي، بیا هم هغه څه دي، چې د دهغه په وینا ملاهبت الله یې وايي.
ښاغلي سپنتا ویلي: “د طالب افغان لابيګران د لودیځو او ګاونډیو هېوادونو خاص استازي ریښتیا نه وايي.”
هغه ویلي؛ که د ټول شموله حکومت یا هر بل بدلون لپاره د نورو لاس ته وګورو؛ نو د نن په پرتله به له بدتر سرنوشت سره مخامخ شو.
هغه ټینګار کړی، چې د تېرو تېروتنو څخه باید درس واخیستل شي.
دا لومړی ځل دی، چې ښاغلی ډاکتر رنګین دادفر سپنتا د طالبانو پر وړاندې د ولسي ځواکونو د انسجام نسخه وړاندې کوي.
د دې معلوماتو له مخې؛ اسدبیک چې په ۱۹۹۹ کال کې زېږېدلی، له داعش سره تر یو ځای کېدو مخکې په روسیه کې زده کوونکی و.
مادیاروف اسدبیک په ټولنیزو شبکو کې د خپلو کاروونکو حسابونو کې د خپل شخصي ژوند په اړه معلومات خپاره کړي.
افغانستان انټرنشنل په فیسبوک او لینکین کې د دغه ځوان د کاروونکي اکاونټ کتلی، چې ښيي دغه ځوان په ۱۹۹۹ کال کې زېږېدلی او د ازبکستان د خوارزم ښار د اورنج سیمې له اصلي اوسېدونکو څخه و.
تر دې مخکې د طالبانو استخباراتو ته نږدې یوې ویب پاڼې المرصاد ویلي وو، چې د کندهار د وروستي برید عامل د منځنۍ اسیا د یوه هېواد تبعه و.
خو المرصاد څرګنده نه کړه، چې دغه ځانمرګی بریدګر د منځنۍ اسیا د کوم هېواد تبعه و.
په ټولنیزو شبکو کې د مادیاروف اسدبیک د کاروونکو حسابونه ښیي، چې هغه د داعش خراسان سره د یوځای کېدو دمخه د روسیې د سن پترزبورگ پولي تخنیک پوهنتون کې زده کړې کولې.
د دې معلوماتو له مخې؛ هغه د ۲۰۲۱ کال تر نومبر پورې په روسیه کې پاتې شوی.
پاکستاني امنیتي سرچینو افغانستان انټرنشنل ته ویلي، چې نوموړی په خراسان کې له داعش سره له یو ځای کېدو وروسته افغانستان ته تللی او له ۲۰۲۲ تر ۲۰۲۴ کال پورې په کندهار کې تر ځانمرګي برید پورې په افغانستان کې پاتې شوی دی.
د طالبانو استخباراتو ته نږدې یوې رسنۍ المرصاد مخکې لیکلي وو، چې د کندهار د برید عامل له پېښې څو ورځې وړاندې د پاکستان له بلوچستان ایالت څخه افغانستان ته راغلی و.
د پنجشنبې په ورځ (د وري د دویمه) په خونړي برید کې چې د کندهار ښار په لومړی امنیتي حوزه کې ترسره شو لږ تر لږه ۴۳ تنه ووژل شول او ۴۵ نور ټپیان شول. د داعش خراسان څانګې د دغه برید پړه پر غاړه اخیستې ده.
المرصاد د طالبانو د یوې امنیتي سرچینې له خولې ویلي، چې دغه ځانمرګی دوه میاشتې وړاندې د پاکستان په بلوچستان ایالت کې د داعش له خراسان څانګې سره یوځای شوی و او په دغه صوبه کې یې "نظریاتي او ایډیالوژیکه" روزنه تر لاسه کړې وه.
خو په ټولنيزو شبکو کې د مادیاروف اسدبیک خپاره شوي انځورنه ښيي، چې هغه تر دې وخته مخکې بنسټپالو افکارو ته لېوال و.
مادیاروف اسدبیک دوه کاله مخکې په لیکین کې یو انځور خپور کړی، چې هغه یې د خپل لاس ګوتې نیولې وې، لکه څنګه چې د داعش غړي معمولا په عکسونو کې کوي.
شاوخوا دوه کاله وړاندې یې په ټولنیزو شبکو کې یو بل عکس خپور کړی، چې پکې هغه په یوه کتابتون کې ناست دی او تر شا یې له دیني کتابونو ډکه المارۍ لیدل کیږي.
