د طالبانو د رییس الوزرا مرستیال عبدالسلام حنفي د روغتیا د نړۍوال سازمان له مشر سره په یوې ګډې ویډیویي ناسته کې ویلي، چې دغې ډلې په افغانستان کې د ګوزڼ ناروغۍ ټغر ورټول کړی دی.
د ارګ څخه په خبره شوې وینا پاڼه کې د اېکس له لارې ویل شوي، چې په دغه ناسته کې ښاغلی حنفي په افغانستان کې د امنیت د ټینګښت، د نشهیي توکو سره پر مبارزې او د پولیو ناروغۍ په لمنځه وړلو په کار کې د خپلو لاسته راوړنو یادونه کړې.
د ارګ په خبرپاڼه کې راغلي:« د ګوزڼ ضد واکسین د پر له پسې کمپاینونو په پایله کې د افغانستان ټولې سیمې د پولیو له ناروغۍ پاکې شوې دي.»
د روغتیا نړۍوال سازمان مشر تدروس ادهانوم ګبریسوس په دغه ناسته کې ویلي، چې دغه بنسټ په افغانستان کې د خپلو فعالیتونو په ترسره کولو کې د طالبانو لا زیاتې همکارۍ ته هیلهمن دی.
دغه راز د روغتیا نړۍوال سازمان د سیمهییزی برخې مشرې حنان بلخي د روغتیايي مرکزونو د پیاوړتیا، په تېره بیا د ګوزڼ ناروغۍ د معلومولو لپاره د لابراتوارونو د جوړولو خبر ورکړی دی.
د طالبانو د دغې ادعا سره، سره چې وايي د پولیو ناروغي یې په افغانستان کې له منځه وړې؛ خو په تېر زېږدېز کال کې د افغانستان په ختیځو سیمو کې د ګوزڼ اته مثبتې پېښې راپور شوې وې.
