د طالبانو د سټنډرډ ملي ادارې د یوې خبرپاڼې په خپرولو سره پرته له دې چې د کوم هېواد نوم واخلي ويلي، چې د حیرتان بندر له لارې يې د ۲۱ ټنه او ۲۰۰ کیلو ګرامه ټولیز وزن په درلودلو سره یو ټانکر بې کیفیته اوبلن ګاز بېرته اړوند هېواد ته مسترد کړی.
خبرپاڼه زیاتوي، چې په تېرو وروستیو کې دغې ادارې په خورا جدیت د بې کیفیته نفتي توکو د واردولو د مخنیوي لپاره عملي ګامونه پورته کړي.
دغې ادارې له ټولو سوداګرو غوښتي، چې با کیفیته توکي وارد کړي او خبرداری یې ورکړی که چېرې بې کیفیته توکي وارد کړي؛ نو له قانوني چلند سره به مخ شي.که څه هم دغه اداره تل د بې کیفیته توکو واردوونکو سره د قانوني چلند ګواښ کوي؛ خو لاتراوسه یې داسې کوم معلومات نه دي خپاره کړي، چې افغانستان ته د بې کیفیته توکو واردوونکو څخه یې څوک نیولي وي.تر دې وړاندې ایراني چارواکو د افغانستان په سرحدي ادارو کې د تېلو د کیفیت د معلومولو معیارونه د پوښتنې وړ بللي وو.ایراني چارواکو ویلي وو، چې طالبان د کیفیت معلومولو ماشینونو پر بنسټ نه؛ بلکې په خپل زړه او خپله خوښه ورته معیارونه ټاکي.
