طالبانو په غور ولایت کې درې تنه په درو وهلي دي

تر دې مخکې ځایي سرچینو د کابل په لوېدیځ کې د دوو چاودنو د غږونو د اورېدلو خبر ورکړی وو.

د مقاومت جبهې د جمعې په ورځ (د وري لسمه) په یوه اعلامیه کې لیکلي، چې د دې ډلې ځواکونو ماښام شاوخوا ۷بجې د کابل ښار د پنځمې امنیتي حوزې اړوند د کوټې سنګي پله ته څېرمه د طالبانو پر یوه پوسته برید کړی. د دغې جبهې د معلوماتو له مخې، په دې بريد کې دوه طالبان وژل شوي او دوه نور ټپيان دي.

دغه جبهه وايي، چې دويم بريد هم د جمعې په ورځ ماښام ۷:۳۰بجې د دغې جبهې ځواکونو د کابل ښار د اوومې حوزې اړوند د حبيبيې لېسې ته څېرمه د طالبانو پر پوسته کړی، چې په پايله کې يې يو طالب وژل شوی او بل ټپي دی.

د ملي مقاومت جبهې د بریدونو د څرنګوالي په اړه څه نه دي ویلي.

دغې جبهې له دغو دوو بریدونو څخه یوه ویدیو خپره کړې، چې د دغې جبهې غړي د طالبانو پر یوې پوستې د ډزو کولو پرمهال لیدل کیږي. په دغه ویډیو کې یوه لویه چاودنه هم لیدل کیږي.

تر دې مخکې د کابل اوسېدونکي د دغه ښار په دریمه او شپږمه ناحیه کې د دوو چاودنو د غږونو د اوریدلو خبر ورکړی و.

ځینو سرچینو افغانستان انټرنېشنل ته وویل، چې یوه چاودنه تر یوه بریده زوروره وه او په میرویس میدان یا کوټې سنګي کې شوې ده.

طالبانو په دې اړه تراوسه څه نه دي ویلي.

په وروستیو ورځو کې د غور په ګډون په کابل او ځینو نورو سیمو کې د طالبانو پر وړاندې د مقاومت د جبهې د ځواکونو بریدونو زور اخیستی خو طالبانو یې په اړه له کومې تبصرې ډډه کړې ده.

تر دې وړاندې د افغانستان د ښځو غورځنګ د جنسیتي توپیر د پېژندلو غوښتنه کړې وه.

د بشري حقونو نړیوال فدراسیون د پنجشنبې په ورځ د - وري د میاشتې په نهمه نېټه - اعلان وکړ چې د نړۍ په ګوټ ګوټ کې د فیمینستانو، څیړونکو او کارپوهانو له خوا په تیرو کلونو کې د نه ستړي کیدونکو هلوځلو ته د درناوي په موخه، دغه فدراسیون پوره باور لري چې د دې وخت رارسیدلی چې د «توکمپالنې» تعریف ته پراختیا ورکړل شي.

دغه فدراسېون په یوه اعلامیه کې لیکلي، چې د "توکمپالنې" په تعریف کې باید ظلم او ستم هم شامل شي چې د یو ځانګړې جنسیتي ډلې په وړاندې ترسره کیږي. په اعلامیه کې د افغان نجونو او ښځو وضعیت د جنسیتي توپیر د بېلګې په توګه یاد شوی دی.

دغه فدراسیون په خپله اعلامیه کې لیکلي چې چیرې چې تبعیض بنسټیز او سیستماتیک وي هلته د "جنسیتي توپیر" اصطلاح کارول ، غوره انتخاب دی.

دغې اعلامیې زیاته کړې، چې په ۲۰۲۱ کال کې واک ته د طالبانو له ناقانونه راستنیدو راهیسي په افغانستان کې د ښځو او نجونو پر وړاندې پراخ ظلم او تبعیض روان دی چې دغه فدراسیون پام یې دې حقیقت ته راړولې چې د افغانستان حالت ته د رسیدنې لپاره کافي نړیوال قوانین شتون نه لري.

د بشری حقونو د نړیوال فدراسیون مرستیال، ګیسو جهانګیری ویلي، چې د یوه جرم په توګه د توکم پالنې په رسمیت پیژندل به د نړیوالو قوانینو تشه ډکه کړي او له عاملینو سره به د حساب کولو برخه کې مرسته وکړي.

دغه فدراسیون په خپلې اعلامیه کې ویلي، چې جنسیتي توپیر باید د جرم په توګه وپیژندل شي ترڅو قربانیانو ته د عدالت د ترلاسه کولو لپاره فرصت ورکړل شي او عاملین یې مجازات شي.

طالبانو په دې اړه تراوسه څه نه دي ویلي.

د چاودنو د نوعیت په اړه لا معلومات نشته.

له طالبانو څخه د وېرې له امله ځیني کابل ښاریان د امنیتي پېښو په اړه له معلومات ورکولو ډډه کوي.

رحمت الله یارمل په اېکس د افغانستان انټرنشنل پښتو ځانګړي څړنیز راپور په بیاځلي خپرولو سره لیکلي: « دپېښي وروسته چي کله دبریدګر دکورنۍ دغربت او وضعیت په اړه پوه سولو د خپلو شهیدانو او زخمیانو د کورنۍ ترڅنګ دبریدګر کورنۍ سره مو هم مرسته وکړه.»

افغانستان انټرنشنل پښتو څانګې د پنجشنبې په ورځ یو ځانګړی څړنیز راپور «د افغانستان ځانمرګي بریدګر او تر شا یې پرتې کیسې» خپور کړ.

راپور په افغانستان کې د ځانمرګي بریدګرو او تر شایې پرتې کیسو په اړه دی.

راپور کې راغلي چې د ۲۰ کلن قاري اسحاق سنګري «مستعار نوم» د ۱۳۹۹ کال د تلې په ۱۴مه نېټه د لغمان ولایت سلطان غازي بابا ښارګوټي کې د دې وخت پر والي رحمت الله یارمل برید وکړ، چې په پایله کې یې د ملکي وګړو په ګډون ۸ تنه ووژل شول او د لغمان د والي په ګډون ۳۶ تنه ټپیان شول.

د افغانستان انټرنشنل- پښتو راپور کې په افغانسان کې د ځانمرګو بریدونو د پیلېدو، د ځانمرګو د روزنځیو او د دوی له کورنیو سره خبرې شوې دي.

د طالبانو حج او وقافو وزارت یوه اوونۍ وړاندې د کندهار حج او وفافو ریاست ته مکتوب کې ویلي، هغه کسان چې جهادي فورمه او یا هم جهادي سابقه ونه لري نشي کولی، چې په دغه پروسه کې شامل شي.

همداراز؛ په دغه مکتوب کې لیکل شوي، د حجیانو د لارښوونې لپاره بریالي شويو ښوونکو ظاهر بڼې ته دې وکتل شي او د جهادي سابقې له پلوه دې لازمې او کیدونکي کړنې ترسره کړي.

دوی زیاتوی د ولایتون رییسان داسې کسان د دې ورازت پلاوي ته معرفي کړي.

د معلوماتو له مخې تېر کال د روژې میاشت کې له شاوخوا ۱۱ سوه دیني عالمانو د حجیانو لپاره د ښوونکو ټاکلو ازموینه واخیستل شوه.

تېر کال ټولو بریالیو کډونوالو کولی شول، چې د طالبانو د تصفیې کمېسون او د جهادي سابقې له فرمو پرته په دغه پروسه او د حج په مراسمو کې د ښوونکو په توکه کډون وکړي.

یو شمیر دیني عالمان چې تېر کال په دغه پروسه کې بریالي شوي، وايي سږکال طالبانو واسطه لرونکي او نیمچه ملایان د حج د ښوونکو په نامه اعلان کړي، چې دغږ کسانو خپله حج نه دی زده؛ نو نورو ته به څنګه لارښونه وکړي.

دغه دیني عالمان زیاتوي چې په دې اړه یې په کندهار کې د حج او وقافو وزارت له چارواکو سره ناستې وکړې، خو د هغوی ځواب دا و، چې وزارت ورته ویلي، چې څوک تېر شل کلنه جګړه کې د جهاد سابقه او تصفیې کمېسون فورمه ونه لري؛ نو هغه د حج د ښوونکي په صفت مه معرفي کوئ.

طالبانو د بیا ځلي واک ته رسېدو سره په دولتي ادارو یوازې هغه کسان په ندو وګمارل، چې ددې ډلې غړیتوب ولري.