بلخ: طالبانو د مدرسو د ۳۱۲ بستونو لپاره د ۵۰۰ ښځو په ګډون له ۹۳۳ نوماندانو ازموینه اخیستې
د بلخ ولایت د طالبانو د پوهنې ریاست د رسمي مدرسو د ۳۱۲ بستونو لپاره د ازادو سیالیو له لارې د ۵۰۰ ښځو په ګډون د ۹۳۳ نوماندانو ازموینه واخیسته.
د بلخ ولایت د طالبانو د پوهنې ریاست د رسمي مدرسو د ۳۱۲ بستونو لپاره د ازادو سیالیو له لارې د ۵۰۰ ښځو په ګډون د ۹۳۳ نوماندانو ازموینه واخیسته.
د بلخ ولایت د رسنیو مرکز د یوې خبرپاڼې په خپرولو سره ویلي، چې دغه ازموینې د دوشنبې په ورځ اخیستل شوي، چې پکې د ۵۰۰ مېرمنو سربېره ۴۳۳ هلکانو هم برخه اخیستې وه.په خبرپاڼه کې د اړونده چارواکو له قوله ویل شوي، چې د خالي بستونو لپاره د ازادو سیالیو له لارې د ګومارنې چارې روانې دي.په بلخ ولایت کې د طالبانو د اداري اصلاحاتو او ملکي خدمتونو رييس نيک محمد حنفي ویلي، چې د یاد شمېر رسمي مدرسو بستونه په دې وروستیو کې د پوهنې وزارت له خوا منظور شوي دي.د بلخ ولایت د رسنیو مرکز د ازموینې پر مهال د هلکانو انځورونه خپاره کړي؛ خو د مېرمنو د انځورونو له خپرولو یې ډډه کړې ده.سره له دې چې طالبانو له دوه نیمو کلونو راهیسې د نجونو پروړاندې په عصري زده کړو بندیزونه لګولي، خو په مدرسو کې د نجونو د جذبېدو لپاره بیا هڅې کوي.پر افغانستان د طالبانو له بیا واکمنېدو وروسته دغې ډلې د مدرسو جوړولو ته پاملرنه ډېره کړې ده او له تېرو دوه نیمو کلونو راهیسې یې ډېرې مدرسې جوړې کړې دي.د یو شمېر راپورونو له مخې، په افغانستان کې د دیني مدرسو شمېر نږدې شلو زرو ته رسیدلی دی.له دې سره، یو شمېر افغانان بیا وایي چې ښوونځي او مدرسې باید یو شي او د ملا او مکتبي او د مدرسې او مکتب جنګ باید پای ته ورسیږي.د دوی په خبره، افغانستان باید یو تعلیمي نظام ولري او بېل بېل نظامونه د خلکو ترمنځ اختلافونه زیږوي.طالبانو په تېرو دوه نیمو کلونو کې په تعلیمی نصاب کې هم لوی بدلونونه راوستي او ځیني مضمونونه یې له تعلیمي نصاب څخه اېستلي دي.
دغه سرچینه وايي، چې د افغانستان د بودیجوي واحدونو مالي چارو ته په کتو او د مالي قوانینو پر بنسټ باید د نوي کال بودیجه د جدي په میاشت کې ترتیب او توشیح شي؛ خو لا هم دغه بودیجه نه ده ترتیب شوې.
یاده سرچینه زیاتوي، چې د ملي بودیجې اندازه او د وزارتونو ونډه هم تر اوسه نه ده معلومه.
تازه افغانستان انټرنشنل - پښتو د طالبانو تر کنټرول لاندې د مالیې وزارت یو مکتوب تر لاسه کړی، چې د دغه وزارت له خوا د طالبانو د مشر ملا هبت الله دفتر ته استول شوی دی.
په دغه وړاندیز لیک کې ویل شوي، چې بودیجه لا نه ده توشیح شوې او د دوی غواړي چې د ځانګړي تخصیص په بڼه د روانې حمل میاشتې د مامورینو معاشات حواله کړي.
په دغه وړاندیز لیک کې د ملا هبت الله حکم او لاسلیک هم ښکاري.
د مالیې وزارت سرچینې وویل، چې که څه هم د ملي بودیجې احتمالي خاکه د ملا هبت الله دفتر ته لېږل شوې وه؛ خو په مالیې وزارت کې د عوایدو نوي رییس ته د ملا هبت الله له خوا دنده سپارل شوې ده، چې بودیجه له سره ترتیب او له نوموړي سره یې شریکه کړي.
سرچینې زیاته کړه: " پخوانۍ خاکه له منځه تللې او د عوایدو رییس پرې له سره کار شروع کړی، د بودیجې ترتیب ځانګړی وخت غواړي حداقل یوه میاشت پرې لګي او وروسته توشیح او بیا د بودیجې انتقال دا درې څلور میاشتې نیسي".
د طالبانو د مالیې وزارت دغه چارواکی وايي، چې له همدې امله د ملا هبت الله دفتر ته په لېږل شوي وړاندیز کې د ځانګړي تخصیص موده نه ده روښانه شوې.
د یادونې وړ ده، چې د افغانستان پخواني جمهوري نظام د مالي قوانینو پر بنسټ د مالیې وزارت اړ و، چې له وزارتونو سره په تفاهم د راتلونکي نوي کال ملي بودیجه د جدي له میاشتې مخکې ترتیب او د کابینې مجلس ته د بحث لپاره وړاندې کړي او وروسته بیا د تایید لپاره ملي جرګې ته استول کېده او بیا د ولسمشر له خوا توشیح کېده؛ خو طالبان بیا د بودیجې اندازه نه اعلانوي او یوازې د ملا هبت الله دفتر دا صلاحیت لري، چې بودیجه تایید او رد کړي.
