د پاکستان ټاکنو کمېسون د پښتونخوا صوبايی پارلمان کې د اپوزیسیون په غوښتنه د مشرانو جرګې ټاکنې وځنډولې. د اپوزیسیون مشران وايي، د اسمبلۍ پر ځينو څوکيو د دوی ټاکل شويو غړو د لوړې مخه نیول شوې ده، ځکه باید دا ټاکنې وځنډول شي.
خو د پښتونخواه اعلی وزیر علي امین ګنډاپور ویلي چې د دوی څوکۍ اپوزیسیون ته ور کړل شوې، ځکه یې د لوړې اجازه نه ده ور کړې.
نوموړي په دې ټاکنو کې د درغلیو ادعا هم کړې ده.
د پاکستان د ټاکنو د خپلواک کمیسیون د دې ادعا په ردولو سره په یوه مکتوب کې ویلي چې د مشرانو جرګې ټاکنې به تر هغه ونه شي، چې ټاکل شویو کسانو ته د لوړې اجازه ور نه کړل شوې نه وي.
دا په داسې حال کې ده، چې په بلوچستان کې بیا ۱۱ نوماندان له ځنډ پرته وټاکل شول.
د پاکستاني رسنیو د راپورونو له مخې، ټاکل شوې وه چې په پیل کې د ۴۸ سناتورانو د ټاکلو لپاره رایه اچونه وشي، خو د پنجاب او بلوچستان د ۱۸ سناتورانو د لانجو له امله اوس یوازې د ۳۰ څوکیو لپاره ۵۹ نوماندان سیالي کوي.
په دغو ټاکنو کې واکمن سیاسي ګوندونه مسلم لیګ ن او پیپلز ګوند د اکثریت رایو د ترلاسه کولو هڅه کوي.
په خبرپاڼه کې راغلي، چې دوی دغه بریدونه د خیبر پښتونخوا په بنو، شمالي وزیرستان، لکي مروت، ټانک، سویلي وزیرستان، پېښور، مردان، صوابۍ، کرک او د بلوچستان په کوټه کې ترسره کړي او په لیکنه یې چې پوځ او امنیتي ځواکونو ته یې د مرګ ژوبلې تر څنګ نور مالي زیانونه هم اړولي دي.
خبرپاڼې دا ډول د عملیاتو په ډولونو هم رڼا اچولې او کاږلي یې دي، چې په دغو عملیاتو کې یې لېزر بریدونه، ځوابي بریدونه، د خرپ او ترپ، تعارضي، هدفي، توغندیز او د لاسي بمونو بریدونه کړي دي.
خبرپاڼې زیاته کړې، چې په ټولو دغو عملیاتونو کې یې د دښمن ۵۶ کسه وژلي او ۹۰ نور یې ټپیان کړي دي.
خبرپاڼې دا راز لیکلي، چې د دغې مرګ ژوبلې تر څنګ یې د پوځ او نورو امنیتي ځواکونو کمرې، پوځي موټر او یو شمېر وسلې ویجاړې کړې او یو شمېر نورې وسلې او مهمات یې تر ګوتو کړي هم دي.
د پاکستان تحریک طالبان چې تر ډېره د خیبر پښتونخوا او بلوچستان صوبو په ځینو سیمو کې فعاله غړي لري وخت نا وخته له دغو سیمو څخه د بریدونو او تاوتریخوالي د پېښو راپورونه خپرېږي؛ خو د دغې تازه خبرپاڼې په اړه یې خپلواکو سرچېنو تر اوسه څه نه دي ویلي.
