سعودي عربستان د پاکستان د بانکي زېرمو اندازه له ۳ څخه ۵ میلیاردو ډالرو ته لوړوي
د سعودي عربستان د هولډنګ کمپنۍ مشر محمد القحطاني په یوه بیان کې ویلي، چې پاکستان او سعودي عربستان د ۵ میلیاردو ډالرو پانګونې پروژې د عملي کولو چارې ګړندۍ کړي.
د سعودي عربستان د هولډنګ کمپنۍ مشر محمد القحطاني په یوه بیان کې ویلي، چې پاکستان او سعودي عربستان د ۵ میلیاردو ډالرو پانګونې پروژې د عملي کولو چارې ګړندۍ کړي.
محمد القحطاني وویل، چې سعودي عربستان به د پاکستان په مرکزي بانک کې زېرمې له ۳ میلیاردو څخه ۵ میلیاردو ډالرو ته لوړې کړي، سعودي عربستان به د تېلو په تصفیه خانو او د مسو په کانونو کې پانګونه وکړي.
محمد القحطاني وويل، چې سعودي عربستان په پاکستان کې د ٢١ ميليارده ډالرو د پانګونې په اړه خبرې کوي، د دې پروژې له مخې به ٧ مليارده ډالره د مسو په کان او ١٤ ميليارده ډالره د تېلو په تصفیه خانو کې ولګول شي.
د هغه په وینا؛ د سعودي عربستان دا پانګونه پاكستان سره د اقتصادي اړيكو د زياتولو لپاره يو مثبت ګام دی.
محمد القحطاني وايي؛ لومړي وزیر شهباز شریف دغه تړونونه د پاکستان او سعودي د اړیکو لپاره یو تاریخي پړاو بللی دی.
