په بلوچستان کې د یوې لارۍ د چپه کېدو په پېښه کې ۱۷ تنه مړه شوي او ۳۸ نور ټپیان دي

یعقوب رضازاده چې د ایران پارلمان د ملي امنیت او بهرنۍ تګلارې د کمیسیون د دوهم سکرتر په توګه کار کوي، د ایران له حیات خبري اژانس سره په مرکه کې چې د پنجشنبې په ورځ د وري په ۲۳ مه خپره شوه، وویل: «ایران له افغانستان او پاکستان سره شاوخوا ۲۱۰۰ کیلومتره ګډه پوله لري، خو دواړه هېوادونه زموږ له هېواد سره د خپلو پولو د خوندي کولو لپاره اړین او کافي واک نه لري.»

ښاغلی رضازاده وايي چې له افغانستان او پاکستان سره د ایران د ختیځو پولو د امنیت مسوولیت یوازې د ایراني پوله ساتو ځواکونو پر غاړه دی.

د ایران د پارلمان د دغه استازي په وینا له جندالله سره د طالبانو او پاکستان د سرحدي ځواکونو همکاري د دې لامل کیږي چې دغه ډله ایران ته دننه شي.

د هغه په وينا، سره له دې چې ايران ته د جندالله ډلې د ننوتلو د مخنيوي هڅې روانې دي، خو په وروستيو بريدونو کې د ايران د وسله والو ځواکونو يو شمېر په دغه بریدونو کې وژل شوي دي.

د ایران د پارلمان د دغه غړي د څرګندونو په اړه تر اوسه پورې اسلام اباد او د طالب چارواکو کوم غبرګون نه دی راغلی.

سکای نیوز نن پنج شنبه د (وري ۲۳مه) د اسراییل پوځ له قوله راپور ورکړی چې تېره ورځ په غزه کې د اسماعیل هنیه درې زامن د اسراییلي پوځ له لوري په یوه هوايي هدفي برید کې وژل شوي دي.

د اسراييل پوځ سرچینو سکای نیوز ته ویلي، چې وژل شوي کسان یې تر څار لاندې او د دوی هدف وو.

د الجزیرې خبري شبکې د چهارشنبې په ورځ (د وري ۲۲مه) خبر ورکړی و، چې د حماس د سیاسي دفتر د مشر اسماعیل هنیه درې زامن او کورنۍ غړي په غزه کې د اسراییل په هوايي برید کې وژل شوي دي.

دغې شبکې د اسماعیل هنیه له قوله ویلي و، چې د کورنۍ غړي یې د غزې په شمال کې شاطي کمپ ته د اختر لپاره له خپلې کورنۍ او خپلوانو سره د لیدو لپاره روان وو، چې پرې برید وشو او د هغه درې زامن او څلور لمسیان پکې ووژل شول.

اسراييلي پوځ سکای نیوز ته ویلي چې د حماس سیاسي دفتر مشر اسماعیل هنيه دوه زامن محمد او حازم د حماس جګړه ییز قوماندان وو او د امير په نامه زوی یې هم سیمه ییز وسله وال قوماندان و.

ويل کیږي، داسې بریدونه به د حماس او اسراییل تر منځ په نړېواله کچه د اوربند شوې خبرې اترې له ګواښ سره کړي او ښايي په غزه کې روانه جګړه لا وغځوي.

اسماعیل هنیه الجزیرې ټلویزیون ته ويلي، چې اسراییل په داسې بریدونو سره غواړي چې خپلې غوښتنې په فلسطینیانو ومني او په دې ډول پر دوی فشار واچوي.

الجزیرې راپور ورکړی، چې د اسراییل په بریدونو کې د اسماعیل هنیه د کورنۍ ۶۰ تنه خپلوان وژل شوي دي.

لوفتانسا هوايي شرکت زیاته کړه چې تهران ته یې الوتنې شاید د پنج شنبې په ورځ د اپریل تر ۱۱مې نیټې پورې وځنډول شي.

د دغه شرکت یوه ویاند رویټرز خبري اژانس ته ویلي چې دوی وضعیت څاري او د مساپرو او عملې خوندیتوب یې لومړیتوب دی.

تر اوسه پورې نورو نړیوالو هوايي شرکتونو تهران ته د الوتنو د ځنډولو اعلان نه دی کړی.

په دمشق کې د ایران پر کونسلګرۍ اسراییل ته له منسوب برید وروسته، د سیمې هېوادونه او امریکا د تهران له خوا پر اسراییل د غچ اخیستونکي برید په اړه خبرداری ورکوي.

په دغه برید کې د ایران د سپاه پاسداران د درېیو جنرالانو په ګډون اوه تنه وژل شوي. د ایران حکومت مشر علي خامنه يي د چهارشنبې په ورځ د اختر لمانځه پرمهال په خپله وینا کې وویل چې اسراییل ته «باید سزا ورکول شي او سزا به ورکړل شي.»

د طالبانو ویاند ذبیح الله مجاهد نن پنج شنبه د (وري ۲۳مه) په ایکس پاڼه لیکلي چې د دغې ډلې د بهرنیو چارو وزیر امیرخان متقي د حماس غورځنګ د سیاسي دفتر له مشر اسمعیل هنیه سره د ټیلیفون له لارې د هغه د دریو زامنو او لمسایانو په مرګ خواخوږي وکړه او ورته ويلي یې دي چې د هغه د زامنو «وينه به رنګ راوړي.»

د الجزیرې خبري شبکې تېره ورځ (د وري ۲۲مه) خبر ورکړ، چې د حماس د سیاسي دفتر د مشر اسماعیل هنیه درې زامن په غزه کې د اسراییل په هوايي برید کې وژل شوي دي.

دغې شبکې د اسماعیل هنیه له قوله ویلي، چې زامنیې د غزې په شمال کې شاطي کمپ ته د اختر لپاره له خپلې کورنۍ او خپلوانو سره د لیدو لپاره روان وو، چې د اسراییل له لوري پرېبرید وشو.

د طالبانو وياند د اسمعیل هنیه له قوله لیکلي چې د حماس ډله به هم د طالبانو په پله پل ږدي او خپله جګړې ته به دوام ورکوي.

مجاهد د امیرخان متقي له قوله ویلي چې د حماس ډلې «مبارزه به په فلسطین کې د اسراییل د صهیونیستي رژیم د ماتېدو لامل شي.»

د طالبانو د بهرنیو چارو وزیر د حماس غورځنګ د سیاسي دفتر له مشر سره په ټیلیفوني خبرو کې داسې مهال د لوېدیځ له ملاتړه برخمن اسراییل په وړاندې تونده ژبه کاروي چې د امریکا د استازو جرګې د بهرنیو اړیکو کمېټې مشر مایکل مکال د چهارشنبې په ورځ ویلي چې په افغانستان کې د بشري ناورین لپاره روانې د امریکا مرستې د طالبانو لاسته لویږي.

په دې پروګرام کې له انټریو ایالت څخه د ښځو او ماشومانو په ګډون په زرګونه افغانانو ونډه اخیستې وه، چې د اختر له لمانځه وروسته یې یو بل سره غیږ کې ونیول او اختر مبارکیانې وکړې.

په دې پروګرام کې نجونو، زلمو او ماشومانو ښکلي افغاني جامې یې په تن کړې وې او د هګۍ جنګي سیالي یې هم ترسره کړه.

100%

د افغان ټولنیزو خدمتونو مرکز د اداري بورد غړې پلوشه صالحي وایي، چې دغه مرکز هر کال اخترونو او د خپلواکۍ په ورځو کې د افغانانو لپاره داسې پروګرامونه جوړوي.

دې پروګرام ته له کاناډا څخه بهر هم خلک راغلي وو.

د دې پروګرام یو ګډون کوونکی اسد الله صدیقي چې له امریکي څخه دې پروګرام کې یې ګډون کړی و؛ وویل: «زه له امریکا څخه له خپل ملګري سره راغلی یم چې په دې پروګرام کې ګډون وکړم ځکه چې دلته د افغانانو ګڼه ګوڼه ډېره ده او د افغانانو په لیدو خوشالیږم.»

د دې پروګرام بلې ګډونوالې ایلناز چې په اختریز پروګرام کې له ګډون څخه خوشاله وه؛ د افغانستان په شمول یې ټولو مسلمانانو ته د ښه اختر او سوکالۍ هیله وکړه.

اغلې صالحي وایي؛ د داسې پروګرامونو جوړولو موخه داده، چې افغانان په خپل فرهنګ او دستور کې پاتې شي، له هېواده بهر ځان یوازې احساس نه کړي او د ماشومانو لپاره مهمه ده، چې خپل کولتور زده کړي او خپل دود او دستور وپېژني.