طالبان: له وروستیو ورښتونو وروسته د برېښنا تولید زیات شوی دی

AP ۱۴۰۳ وری ۲۷ ۰۸:۰۰ GMT+۱

د طالبانو تر واک لاندې برېښنا شرکت ویلي چې په افغانستان کې له وروستیو ورښتونو وروسته د نغلو، سروبي او ماهیپر په بندونو کې د برېښنا د تولید کچه لوړه شوې ده. د دغه شرکت د څرګندونو له مخې، په تېرو ٢٤ ساعتونو کې دغو درېيو بندونو ته ٣٦٠ مېګاواټه برېښنا زیاته شوې ده.

د طالبانو د هوا پېژندنې ادارې په تېرو څلورو ورځو کې په افغانستان کې د سختو واورو او بارانونو ورېدو وړاندوینه کړې وه.

دا په داسې حال کې ده چې له تېرو درېیو ورځو راهیسې د افغانستان په ډېرو ولایتونو کې په لوړه کچه ورښتونه وشول.

•

د طالبانو کډوالو وزارت: له سلو څخه ډیر افغان کډوال په جبري توګه له پاکستانه راستانه شول

AP ۱۴۰۳ وری ۲۷ ۰۵:۵۴ GMT+۱

د طالبانو کډوالو او راستنېدونکو چارو وزارت په اېکس پاڼه لیکلي چې، د وري میاشتې پر ۲۵مه او ۲۶مه نېټه ۱۰۳ تنه افغان کډوال په جبري ډول افغانستان ته راستانه شول. د یاد وزارت د معلوماتو له مخې دغه کسان په جبري ډول له پاکستانه ایستل شوي دي.

د طالبانو کډوالو او راستنېدونکو چارو وزارت وايي،‌ له پاکستانه په جبري ډول ستانه شوي افغان کډوال ۲۴ کورنۍ وي چې شمېر یې ۱۰۳ تنه و د تورخم دروازي له لارې هېواد ته راستانه شول.

یاد وزارت ویلي له پاکستان څخه په جبري توګه راستانه شوي تازه افغان کډوال یې د مرستو ترلاسه کولو په موخه د ملګرو ملتونو د کډوالو عالي کمیشنرۍ ته ورپيژندلي دي.

د طالبانو حکومت په سر کې ژمنې کړې وې چې له ګاونډیو هیوادونو ورتلوونکو کډوالو سره د مرستو تر څنګ به دوی ته د اوسېدو لپاره ځمکې ویشي خو اوس ډیری هغه کډوال چې افغانستان ته تللي وايي، چې لا یې برخلیک نه دی معلوم او ځمکې یې نه دي ترلاسه کړې.

د پاکستان حکومت په تازه اعلان کې ويلي چې له کوچني اختر وروسته د روانې اپریل میاشتې له ۱۵نیټې وروسته به یو ځل بیا د افغان کډوالو د ایستلو لړۍ چټکه کړي.

د مقاومت جبهه وايي، چې په کابل کې یې د طالبانو پر موټر برید کړی

AP ۱۴۰۳ وری ۲۶ ۲۰:۱۴ GMT+۱

د ملي مقاومت جبهې د یکشنبې په ورځ اعلان وکړ چې جنګیالیو یې د طالبانو پر یوه موټر برید کې دوه طالب وسله‌وال وژلي او دوه نور یې ټپیان کړي.

دغه جبهه وايي، چې یاد بريد د کابل ښار د څلورمې امنيتي حوزې په مربوطاتو کې د اريانا د تيلو ټانک سره نږدې شوى دى.

د مقاومت جبهې پر اېکس ټولنیزې شبکې لیکلي چې دا برید د یکشنبې په ماښام ۷:۳۰بجې شوی او ملکي وګړو ته پکې زیان نه دی اوښتی.

دا په تېره یوه اوونۍ کې د دغې جبهې دویم برید دی.

طالبانو تر اوسه د دې پېښې په اړه څه نه دي ویلي.

پر اسراییل د ایران بریدونه؛ طالبان او یو شمېر پخواني افغان سیاستوالو یې ستاینه کوي

AP ۱۴۰۳ وری ۲۶ ۱۷:۲۶ GMT+۱

طالبان، عبدالله عبدالله، عطا محمد نور، محمد محقق، عبدالطیف پدرام او ګلبدین حکمتیار پر اسراییل د ایران بریدونه ستایي او دا بریدونه دفاعي او مشروع اقدام بولي.

د طالبانو د بهرنيو چارو وزارت د يوې خبرپاڼې په خپرولو سره پر اسراييلو د ایران هوايي بریدونه «دفاعي او مشروع اقدامات» بللي دي.
طالبانو په خبرپاڼه کې د نړۍ پر هېوادونو غږ کړی، چې د «اسراييل د حکومت د جنايتونو درولو» په موخه خپلي هڅې ګړندۍ کړي.
له دې سره، د اسلامي ګوند مشر ګلبدین حکمتیار وایي، چې د ایران پر کونسلګرۍ د اسراییل د برید ځواب ورکول د اسلامي جمهوریت حق و.
د نوموړي په خبره، د دې برید مسوول اسراییلي چارواکي او ملاتړي یې دي.
حکمتیار وایي: (( دا یو مثبت پرمختګ دی چې په اسلامي نړۍ کې داسې یو هېواد هم شته چې د امریکا پروړاندې ځوابیه عمل ترسره کوي او غچ اخلي، نه دا چې د ننګ چوپتیا غوره کړي.))
دا په داسې حال کې ده، چې د اسلامي وحدت ګوند مشر محمد محقق هم وایي، چې په اسراییلو د ایران د بې پیلوټه الوتکو او توغندیو بریدونه د دفاع په موخه شوي او دا د ایران د دولت او ملت طبیعي حق و.
محقق دا بریدونه په غزه کې د مېشتو فلسطینیانو په زخمونو مرهم بولي.
د اسلامي جمعیت مشر عطا محمد نور هم وایي، چې پر اسراییلو د ایران برید د ستاینې وړ دی.
د ملي مصالحې د عالي شورا پخوانی رییس عبدالله عبدالله وایي، چې اسراییلو ته د ایران ځواب د دغه هیواد د حاکمیت د نقضولو په وړاندې یو "دفاعي" اقدام و.
د نوموړي په خبره، د اسراییلو لخوا په غزه کې د بې ګناه فلسطینیانو د وژلو دوام او د ماشومانو، ښځو، د نړۍوالو موسسو د کارکوونکو، ډاکټرانو او مرستندویه کارکوونکو په نښه کول په سیمه ایزه او نړیواله کچه د ناورین او ترینګلتیاوو اصلي لامل دی.
د ویلو ده، چې د افغانستان د ملي کنګرې مشر عبدالطیف پدرام هم پر اسراییلو د ایران برید مشروع او قانوني ګڼي.
نوموړی وایي، چې د ایران دا بریدونه دقیق او مسوولانه و.
دا لومړی ځل دی، چې طالبان او ددغې ډلې مخالفین سره یو نظر دي.
ایران تېره شپه پر اسراییلو د څه باندې درې سوه بې پیلوټه الوتکو او توغندیو بریدونه وکړل.
د اسراییل د پوځ ویاند ویلي، چې د ایران د ۹۹ سلنه بریدونو مخه یې نیولې ده.

طالبانو د افغانستان په ۲۹ ولایتونو کې د سختو واورو او بارانونو د احتمال خبرداری ورکړی

AP ۱۴۰۳ وری ۲۶ ۱۷:۱۴ GMT+۱

د طالبانو د ترانسپورت او هوايي چلند وزارت اړوند د هوا پېژندنې ادارې په افغانستان کې د سختو بارانونو او واورو د وریدو د احتمال خبرداری ورکړی دی.

د هوا پېژندنې ادارې په یوه خبرپاڼه کې لیکلي، چې د دوشنبې په ورځ د (وري ۲۷مه) د هېواد په ۲۹ ولایتونو او سالنګونو کې د سختو بارانونو او واورو د اورېدو امکان شته دی.

نوموړې ادارې د افغانستان په بېلابېلو سیمو کې د اورښت اندازه له ۱۵ تر ۵۰ ملي مترو او د واورې اندازه له ۱۵ تر ۴۰ سانتي مترو پورې اټکل کړې ده.

د طالبانو د ترانسپورت او هوايي چلند وزارت د هوا پېژندنې ادارې د شنبې په ورځ د (وري ۲۵مه) هم وړاندوینه کړې وه، چې د شنبې او یکشنبې په ورځو کې به د افغانستان په بېلابېلو سیمو کې بارانونه وشي.

دغې ادارې په داسې حال کې په افغانستان کې د باران او واورو د احتمال خبر ور کړی، چې په تېرو دوو ورځو کې په دغه هیواد کې د سېلابونو له امله ۳۳ کسان مړه شوي او ۲۷نور ټپیان دي.

د افغانستان د ملي دفاع وزارت پخوانی مرستیال محمد همایون فوزي ومړ

AP ۱۴۰۳ وری ۲۶ ۱۶:۵۸ GMT+۱

د افغانستان د ملي دفاع وزارت پخوانی مرستیال او د افغانستان د اسلامي غورځنګ ګوند مرستیال جنرال محمد همایون فوزي د ۶۶ کلونو په عمر په ایټالیا کې ومړ. د ښاغلي فوزي کورنۍ ویلي، چې نوموړی د یکشنبې په ورځ د (وري ۲۶مه) د زړه د حملې له امله مړ شوی دی.

همایون فوزي یو له مشهورو نظامي کسانو او د افغانستان د ملي غورځنګ له بنسټ ایښودونکو څخه و، چې په تېر حکومت کې یې د فاریاب د والي او د دفاع وزارت د مرستیال په توګه دنده ترسره کړې وه.

جنرال محمد همایون فوزي په ۱۳۳۶ کال کې د فاریاب ولایت په شیرین تګاب ولسوالۍ کې زېږېدلی وو.

نوموړي په نظامي برخه کې زده کړې درلودې او په ١٣٥٧ کال کې له پوهنتونه تر فارغیدو وروسته يې په غزني ولايت کې د اردو د پوځي قطعې د قوماندان په توګه دنده پيل کړه او وروستۍ پوځي دنده يې د افغانستان د ملي دفاع وزارت مرستيالي وه.

•

د طالبانو کډوالو وزارت: له سلو څخه ډیر افغان کډوال په جبري توګه له پاکستانه راستانه شول

AP ۱۴۰۳ وری ۲۷ ۰۵:۵۴ GMT+۱

د مقاومت جبهه وايي، چې په کابل کې یې د طالبانو پر موټر برید کړی

AP ۱۴۰۳ وری ۲۶ ۲۰:۱۴ GMT+۱

دغه جبهه وايي، چې یاد بريد د کابل ښار د څلورمې امنيتي حوزې په مربوطاتو کې د اريانا د تيلو ټانک سره نږدې شوى دى.

دا په تېره یوه اوونۍ کې د دغې جبهې دویم برید دی.

طالبانو تر اوسه د دې پېښې په اړه څه نه دي ویلي.

طالبان: له وروستیو ورښتونو وروسته د برېښنا تولید زیات شوی دی

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

د طالبانو کډوالو وزارت: له سلو څخه ډیر افغان کډوال په جبري توګه له پاکستانه راستانه شول

د مقاومت جبهه وايي، چې په کابل کې یې د طالبانو پر موټر برید کړی

پر اسراییل د ایران بریدونه؛ طالبان او یو شمېر پخواني افغان سیاستوالو یې ستاینه کوي

طالبانو د افغانستان په ۲۹ ولایتونو کې د سختو واورو او بارانونو د احتمال خبرداری ورکړی

د افغانستان د ملي دفاع وزارت پخوانی مرستیال محمد همایون فوزي ومړ

ترویج لرونکی

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

د طالبانو کډوالو وزارت: له سلو څخه ډیر افغان کډوال په جبري توګه له پاکستانه راستانه شول

د مقاومت جبهه وايي، چې په کابل کې یې د طالبانو پر موټر برید کړی

پر اسراییل د ایران بریدونه؛ طالبان او یو شمېر پخواني افغان سیاستوالو یې ستاینه کوي

طالبانو د افغانستان په ۲۹ ولایتونو کې د سختو واورو او بارانونو د احتمال خبرداری ورکړی

د افغانستان د ملي دفاع وزارت پخوانی مرستیال محمد همایون فوزي ومړ