ښځینه لومړۍ یو ورځنۍ نړۍواله لوبه: ویسټ انډیز پاکستان ته په ۱۱۳ منډو ماتې ورکړه

د افغانستان د شل اوریز کرېکت ملي لوبډلې لوبډلمشر او د کرېکټ ستوري راشدخان ارمان له کرېک اېنفو سره په خپلې تازه مرکه کې اسټرالیا ته په خطاب کې ویلي، هیڅ شی ماته زما تر هېواده ارزښتناک نه دی.
نوموړی وايي:« ډېر شیان په ذهن کې راځي لکه؛ که ته نه غواړې، چې زما د لوبډلې پر وړاندې لوبه وکړې؛ نو بیا ولې غواړې چې زه ستاسو په هېواد کې لوبه وکړم؟ ځکه زه ستاسو په هېواد کې هم د کرېکټ د لوبې اجازه نه لرم.»
خان زیاتوي:« ته نه غواړې، چې زما له ملګرو سره لوبې وکړې او غواړې چې له ما سره لوبې وکړې؟ نو په دې کې څه توپیر دی؟ دا په دې مانا ده، چې زه خپل ملګري ټیټ راولم، زما هېواد ټیټ راولم. زه هیڅکله داسې څه نه غواړم.»
راشد خان اسټرالیا ته په خطاب کې وايي:« که دوی غواړي موږ هلته لوبې وکړو یوازینۍ لاره دا ده، چې اسټرالیا باید زموږ له ملي ډلې سره لوبې وکړي.»
نوموړی وايي چې، په ۲۰۲۵ بېګ باش غوره لیګ کې د ګډون په اړه له سره غور کوم.
خان کرېک اېنفو ته ویلي:« د یو لوبغاړي په توګه تاسو په دې اړه ډېر څه نه شئ کولای. دا مسله د حکومتونو ده، چې حل یې کړي. خو هغه څه چې ماته تر ټولو ډېر درد را کوي هغه دا دي، کله چې دا ډول شیان پېښېږي ولې په افغانستان کې کرېکټ ته زیان ورسېږي؟»
راشد خان ټینګار وکړ، کرېکټ د افغانستان لپاره د "خوښۍ سرچینه" ده او دا هغه څه دي چې اسټرالیا باید پرې وپوهېږي.

راشد خان تېرکال له ېګ باش څخه د وتلو ګواښ کړی و؛ خو نوموړی بیا هم په بېګ باش لیګ کې د اډلېډ سټراېکس لوبډلې له‌خوا ونیول شو؛ خو راشد خان د ملا د عملیاتو له امله په دغه لیګ که ونه شو لوبېدای.

اسټرالیا د ۲۰۲۱ کال راهیسې د افغان لوبډلې سره درې ځله لوبې لغوه کړې دي او د دغه هېواد کرېکټ بورډ د لوبو لغوه کېدو لامل په افغانستان کې د نجونو د زده‌کړو په وړاندې د خنډونو او د ښځو په وړاندې د بشري حقونو په برخه کې د پام وړ بندیزونه ګڼي.

د افغانستان د تکواندو ملي فدراسیون د سې شنبې په ورځ (د وري ۲۸مه) په خپلې فیسبوک پاڼې لیکلي، چې استاد محمد شفیع رستمي د پاریس د ۲۰۲۴ پارالمپیک سیالیو کې د هېواد یوازینی استازی ټاکل شوی دی.

د پاریس المپیک او پارا المپیک سیالی د ۲۰۲۴ اوړي کې په پاریس کې ترسره کیږي؛ د فرانسې پلازمېنه د درېیم ځل لپاره د دې سیالیو د کوربه په توګه غوره شوې ده.

د المپیک سیالي د اسد له څلورمې شروع کیږي او د اسد تر شلمې دوام کوي.

دې سیالیو کې به ۱۰ زره ۵۰۰ ورزشکاران، ۳۲ سپورټونو کې لوبیږي، چې په ۳۲۹ سیالیو کې به مډالونه وویشل شي.

د پارالمپیک لوبې به د سنبلې په ۶مه پیل او د سنبلې تر ۱۷مې نېتې پورې په ۲۲څانګو کې د ۴۴۰۰ ورزشکارانو په ګډون ترسره شي او ورزشکاران به په ۵۴۹ څانګو کې د مډالونو لپاره سیالي وکړي.

د فوټسال اسیا ملتونو جام په سيالیو کې افغانستان په ډي ګروپ کې له ایران، کوېټ او بحرين سره لوبي کوي او خپله لومړۍ سیالي یې د اپريل په ۱۸مه نېټه له ایران سره ده.

د افغانستان فوټبال فدراسیون نن پر خپله فېسبوک پاڼه د مجيد مرتضا ابرودي په روزنه د فوټسال ملي لوبډلې ۱۴ لوبغاړي اعلان کړه.

فدراسيون په دې لوبغاړو کې محمدجواد صفري، علي رضا جعفري، علي احمد محسني، مهدي نوروزی، علي جعفري، میثم فیضي، رضا محسن پور، مهران غلامي، امید قنبري، اکبر کاظمي، محمد مرادي، فرزاد محمودي، حسین محمدي او صیاد مجتبا غوره کړي دي.

په بغلان کې د طالبانو د ورزش ادارې د دوشنبې په ورځ په يوه خبرپاڼه کې ويلي، چې د دې ولایت د پلخمري په ولسوالۍ کې يې د ۵۰ پهلوانانو ترمنځ د وزلوبې (بزکشۍ) دوې ورځنۍ سيالۍ پای ته ورسولې.

د دوی د معلوماتو له مخې؛ په دې سياليو کې سمېع الله لومړی او اسدالله دویم مقامونه ګټلي دي.

د سياليو نندارې ته د بغلان او سمنګان د طالب مسوولانو ترڅنګ په زیات شمېر ننداره کوونکي هم ورغلي.

د بغلان او سمنګان د طالبانو د ورزش مسوولانو ويلي؛ هڅه کوي سيمه ييزو لوبو ته پراختيا ورکړي او د ولایتي لوبغاړو ترمنځ د یوالي فضا رامنځ ته کړي.

د پاکستان کرېکټ بورډ په اېکس پاڼه لیکلي، چې د نیوزلېنډ لوبډله د پاکستان له لوبډلې سره د شل اوریزې لوبلړۍ ترسره کولو لپاره د شنبې ماښام دغه هېواد ته رسېدلې.

د‌پاکستان کرېکټ بورډ وايي، د دغه هېواد او نیوزلېنډ د ملي لوبډلو تر منځ د پنځو شل اوریزو لوبو لړۍ د روانۍ اپرېل میاشتې په ۱۸ نېټه پیلیږي.

د پاکستان کرېکټ بورډ له لوري په خپرو شویو معلوماتو کې ویل شوي چې د یادې لوبلړۍ درې لومړۍ لوبې په راولپنډۍ کې او دوه لوبې یې په لاهور کې ترسره کیږي.

د پاکستان او نیوزلېنډ تر منځ د پنځو شل اوریزو لوبلړۍ وروستۍ لوبه به د روانې میاشتې په ۲۷مه نېټه د لاهور په قضافي لوبغالي کې ترسره شي.