په هند کې سرتاسري ټاکنې پیل شوې
په هند کې سرتاسري ټاکنې د جمعې په سهار د (وري ۳۱مه) د کلکو امنیتي ګامونو په اخیستلو سره پیل شوې. دغه ټاکنې د نړۍ په کچه تر ټولو سترې ټاکنې دي، چې ۹۶۹ په شرایطو برابر وګړي به به کې خپلې رایې وکاروي.
په هند کې سرتاسري ټاکنې د جمعې په سهار د (وري ۳۱مه) د کلکو امنیتي ګامونو په اخیستلو سره پیل شوې. دغه ټاکنې د نړۍ په کچه تر ټولو سترې ټاکنې دي، چې ۹۶۹ په شرایطو برابر وګړي به به کې خپلې رایې وکاروي.
نظر پوښتنې ښيي، چې ښايي د نریندرا مودي په مشرۍ د بهاراتا جاناتا ګوند به په دغو ټاکنو کې بریالی شي.
د هند په سرتاسري ټاکنو کې د رای ورکوونکو په ډله کې ۴۳۱ مېلیونه په شرایطو برابرې مېرمنې هم خپلې رایې کاروي.
د هند د خلکو استازې جرګه ۵۴۵ څوکۍ لري. ۵۴۳ استازی یې د خلکو لهخوا ټاکل کېږي او دوه تنه نور غړي یې د هند د ولسمشر لهخوا انتصابېږي.
د هند دغه ټاکنې به د جون تر لومړیو پورې په اوو پړاوونو کې ترسره شي او د راپورونو له مخې، پایلې به یې د ۲۰۲۴ کال د جون په څلورمه نېټه ډاګیزې شي.
د سه شنبې ورځ په دوبۍ کې په یوه ورځ کې دومره باران شوی وو، چې په عادي وخت کې په یو کال کې کیږي.
د دوبۍ نړیوال هوایی ډګر، چې د سفرونو لوی مرکز دی، د ټولو الوتنو د بیا پیل لپاره یې د پاکولو چارې روانې دي. د سه شنبې له سیلابونو وروسته، لاهم په سړکونو کې ډنډ اوبه لیدل کیږي.
دغه سخت بارانونه د متحده عربي اماراتو په وروستي ۷۵ کلن تاریخ تر ټولو ناوړه تجربه بلل کیږي. دغه سیلابونو د دوبۍ نږدې ټولې چارې په تپه ودرولې او د پام وړ زیانونه یې اړولي دي.
د سیلابونو له امله د دوبۍ ډیرۍ اوسیدونکي په لاره، دفترونو او کورونو کې بند پاتي شوي او ډیریو خلکو د سیلابونو له امله د خپلو کورونو د اغیزمنیدو خبر ورکړی دی. په ټولنیزو رسنیو کې خپاره شوي تصویرونه ښیې چې د پیر او پلور په لویو مرکزونو کې له چتونو اوبه راڅاڅي.
سره له دې چې په په دوبۍ کې، چې د متحده عربي اماراتو ترټولو ډیر نفوس لرونکی ښار دی، عامه تراسنپورټ بیرته په کار پیل کړی، خو لا هم د سیلابونو له امله ډیر لارې تړلې پاتې دي او په دغه ښار کې سخته ترافیکي ګڼه ګوڼه رامنځ ته شوې ده.
