د ایران په اصفهان کې د چاودنې په اړه راپورونه ورکړل شوي
د ایران په اصفهان کې د چاودنې د غږ له اورېدو وروسته یو امریکايي چارواکي اېبيسي نیوز ته منلې، چې اسراییلي توغندیو د ایران پر یوې برخې برید کړی. دغې سرچینې پر سوریې او عراق بریدونه نه دي منلي.
د ایران په اصفهان کې د چاودنې د غږ له اورېدو وروسته یو امریکايي چارواکي اېبيسي نیوز ته منلې، چې اسراییلي توغندیو د ایران پر یوې برخې برید کړی. دغې سرچینې پر سوریې او عراق بریدونه نه دي منلي.
تر دې وړاندې په رسنیزو لومړنیو راپورونو کې د ټولنیزو شبکو څو تنو کاروونکو په اصفهان کې د څو چادونو خبر ورکړی و، د دغو راپورونو له مخې د سوریې په سویل کې د سویدا او د بغداد په بابل ولایت کې هم د چاودنو غږونه اورېدل شوي دي.د خواله رسنیو کاروونکو هم په اصفهان کې د چاودنو غږونه اورېدلی او راپورونه یې پرې ورکړي دي.
د سه شنبې ورځ په دوبۍ کې په یوه ورځ کې دومره باران شوی وو، چې په عادي وخت کې په یو کال کې کیږي.
د دوبۍ نړیوال هوایی ډګر، چې د سفرونو لوی مرکز دی، د ټولو الوتنو د بیا پیل لپاره یې د پاکولو چارې روانې دي. د سه شنبې له سیلابونو وروسته، لاهم په سړکونو کې ډنډ اوبه لیدل کیږي.
دغه سخت بارانونه د متحده عربي اماراتو په وروستي ۷۵ کلن تاریخ تر ټولو ناوړه تجربه بلل کیږي. دغه سیلابونو د دوبۍ نږدې ټولې چارې په تپه ودرولې او د پام وړ زیانونه یې اړولي دي.
د سیلابونو له امله د دوبۍ ډیرۍ اوسیدونکي په لاره، دفترونو او کورونو کې بند پاتي شوي او ډیریو خلکو د سیلابونو له امله د خپلو کورونو د اغیزمنیدو خبر ورکړی دی. په ټولنیزو رسنیو کې خپاره شوي تصویرونه ښیې چې د پیر او پلور په لویو مرکزونو کې له چتونو اوبه راڅاڅي.
سره له دې چې په په دوبۍ کې، چې د متحده عربي اماراتو ترټولو ډیر نفوس لرونکی ښار دی، عامه تراسنپورټ بیرته په کار پیل کړی، خو لا هم د سیلابونو له امله ډیر لارې تړلې پاتې دي او په دغه ښار کې سخته ترافیکي ګڼه ګوڼه رامنځ ته شوې ده.
