د ترکیې پولیسو ۲۹ افغان کډوال او دوه قاچاقوړونکي نیولي دي
د ترکیې د بالکاسیر ښار پولیسو ۲۹ افغان کډوال چې غوښتل یې د یونان ټاپوګانو ته ځان ورسوي، نیولي او د کډوالو د راستنولو مرکز ته یې سپارلي دي.
د ترکیې د بالکاسیر ښار پولیسو ۲۹ افغان کډوال چې غوښتل یې د یونان ټاپوګانو ته ځان ورسوي، نیولي او د کډوالو د راستنولو مرکز ته یې سپارلي دي.
د تركيې د رسنيو د راپورونو له مخې د بالكسير پوليسو د دې قضيې په تړاو دوه افغان قاچاق وړونكي هم نيولي دي.
دغو رسنیو د پنجشنبې په ورځ (د وري۳۰مه) راپور ورکړی، چې ۲۹ افغان کډوال او دوه افغان قاچاق وړونکي د بالکسیر سیمې پولیسو د یو لړ عملیاتو په ترڅ کې نیولي دي.
دپوليسو په وينا دغه افغان قاچاق وړونکي تر نيولو او پلټنو وروسته محکمې ته وړاندې شوي دي.
د ترکیې پولیسو په تیرو ۲۴ساعتونو کې شاوخوا ۷۰ افغان کډوال د ترکیې په دوو ښارونو کې نیولي دي.
ترکي رسنیو د پنجشنبې په ورځ ویلي، چې د دغه هېواد ساحلي ساتونکو د ایواجیک په سواحلو کې ۴۳ افغان پناه غوښتونکي نیولي دي.
په ترکیه کې د اکثرو پناه کډوالو په ځانګړې توګه د افغانانو د پېژندلو لپاره د پوستو او ګرځنده ګزمو له زیاتېدو وروسته د دغو کسانو د نیولو بهیر هم ګړندی شوی دی.
په دې وروستیو کې په ترکیه کې د افغان کډوالو د اېستلو او ناوړه چلند په اړه ډېر راپورونه خپاره شوي دي.
د سه شنبې ورځ په دوبۍ کې په یوه ورځ کې دومره باران شوی وو، چې په عادي وخت کې په یو کال کې کیږي.
د دوبۍ نړیوال هوایی ډګر، چې د سفرونو لوی مرکز دی، د ټولو الوتنو د بیا پیل لپاره یې د پاکولو چارې روانې دي. د سه شنبې له سیلابونو وروسته، لاهم په سړکونو کې ډنډ اوبه لیدل کیږي.
دغه سخت بارانونه د متحده عربي اماراتو په وروستي ۷۵ کلن تاریخ تر ټولو ناوړه تجربه بلل کیږي. دغه سیلابونو د دوبۍ نږدې ټولې چارې په تپه ودرولې او د پام وړ زیانونه یې اړولي دي.
د سیلابونو له امله د دوبۍ ډیرۍ اوسیدونکي په لاره، دفترونو او کورونو کې بند پاتي شوي او ډیریو خلکو د سیلابونو له امله د خپلو کورونو د اغیزمنیدو خبر ورکړی دی. په ټولنیزو رسنیو کې خپاره شوي تصویرونه ښیې چې د پیر او پلور په لویو مرکزونو کې له چتونو اوبه راڅاڅي.
سره له دې چې په په دوبۍ کې، چې د متحده عربي اماراتو ترټولو ډیر نفوس لرونکی ښار دی، عامه تراسنپورټ بیرته په کار پیل کړی، خو لا هم د سیلابونو له امله ډیر لارې تړلې پاتې دي او په دغه ښار کې سخته ترافیکي ګڼه ګوڼه رامنځ ته شوې ده.
