د کندهار د ميرويس روغتون روغتیایي کارکوونکي وايي، چې ۳۰ سلنه تنخواوې یې کمې شوې دي

په دغه راپور کې ویل شوي، چې په افغانستان کې د امنیت د ښه والي له ادعا سره سره په دغه هېواد کې پر ښوونځیو او دیني تاسیساتو ترهګریز بریدونه دوام لري.

دغه راپور لیکي، چې د ترهګریزو بریدونو د قربانیانو کورنۍ له هیڅ ډول بې پرې څېړنو څخه ګټه نه اخلي.

د راپور پر بنسټ، طالبانو هم وخت ناوخته ادعا کړې، چې د هغو چاودنو په اړه پلټنې کوي، چې ملکي وګړي په نښه کوي.

خو د پېښې قربانیان د څېړنو له پایلو نه دي خبر شوي.

په جینوا کې د افغانستان د دایمي استازوالۍ له خوا د افغانستان د بشري حقونو په ملي راپور کې ویل شوي، چې د طالبانو ډیری مهم شخصیتونه او تصمیم نیوونکي د نړۍوالو بندیزونو په نوملړ کې شامل دي.

د دغه راپور له مخې، د دغو بندیزونو د لیرې کولو لپاره د طالبانو هڅې او لابینګ دوام لری.

په دغه راپور کې د طالبانو د عدلیې وزیر عبدالحکیم شرعی، د دغې ډلې د سترې محکمې رئیس عبدالحکیم حقانی او د طالبانو د معارف وزیر حبیب الله اغا د هغو کسانو په توګه یاد شوي دي، چې په دې نوملړ کې شامل دي.

دغه کسان په تېرو دوه نیمو کلونو کې په افغانستان کې د بشري حقونو په پراخه سرغړونو کې ښکیل دي.

د افغانستان د بشري حقونو ملي راپور کې یادونه شوې، چې طالبانو د بشري حقونو پر ضد شاوخوا ۲۰۰ فرمانونه صادر کړي دي.

دا فرمانونه په ځانګړې توګه د ښځو او نجونو، قومي او مذهبي لږکیو او نورو زیان منونکو ټولنو په حقونو برید دی.

د طالبانو تر واک لاندې باختر اژانس نن دوشنبه د (غوايي ۱۰مه) په ایکس پاڼه لیکلي چې د پکتیا له مرکز ګردیزه شپږو ولسوالیو ته غځېدلې لویه لاره د احمدخیلو په ولسوالۍ کې د غره راښوېدو په پېښه کې تړل شوې.

ډیورنډ کرښې ته نږدې د پرتو شپږو ولسوالیو ځاځي اریوب، ډنډې پټان، څمکنيو، جاني خیلو، لجې منګل او احمدخېلو ته غځېدلې دغه لاره له تېرې شپې راهیسې له مرکز ګردیز سره تړلې پاتې ده.

د پکتیا له مرکز ګردیز څخه تر ډیورنډ کرښې پورې غځیدلې دغه ۱۰۵ کیلومتره لاره له تورخم او غلام خان څخه وروسته د پاکستان او افغانستان تر منځ د ټرانزيټ لپاره کارول کیږي.

د سیمې اوسېدونکو له افغانستان انټرنشنل پښتو سره د خبرو پر مهال وويل، چې له تېرې شپې راهیسې خلک په موټرو کې د اړینو چارو لپاره په دغه لاره تګ راتګ نشي کولای او په ستونزو کې دي.

دوی وايي، حکومت له ساعتونو وروسته هم نه دی توانېدلی چې دغه لاره پرانیزي او خلک په اسانه تګ راتګ وکړي.

ها خوا د کابل ـ جلال اباد لویه لاره هم د کابل له دروازې د ماهیپر لوري ته په درې کیلومترۍ کې د غره ښوېدو له امله تړل شوې چې دا مهال خلک په فرعي لاره په ستونزو او له خطره ډک سفر کوي‏

ښاغلي قمي له طلوع نیوز سره په مرکه کې ویلي، هغه څه چې د افغانستان خلک یې غواړي د ایران له خوا منل کېږي.

هغه په ​​افغانستان کې پرمختګونه د ګاونډیو هېوادونو پر ملي امنیت اغېزمن وبلل او زیاته یې کړه: «په افغانستان کې د شته ستونزو او له ترهګرۍ څخه د اندېښنو د حل لپاره د سیمې هېوادونو ګډې اجماع او ګډې همکارۍ ته اړتیا ده.»

دغه ایرانی ډیپلوماټ وايي، ایران د افغانستان لپاره د ملګرو ملتونو د ځانګړي استازي د ټاکلو په ګډون د هر هغه ګام ملاتړ کوي چې په افغانستان کې ستونزې هوارې کړي.

خو هغه ټینګار وکړ چې د ځانګړي استازي واکونه باید روښانه وي.

ایران د نورو هېوادونو په څېر طالبان د یوه مشروع حکومت په توګه په رسمیت نه پېژني، خو له دغې ډلې سره ډیپلوماټیکې او اقتصادي اړیکې لري او په تهران کې یې د افغانستان سفارت طالبانو ته سپارلی دی.

د طالبانو د کډوالو او راستنېدونکو چارو وزارت په خپله اېکس پاڼه لیکلي چې د غوايي په اتمه او نهمه نېټه ۳۹۴۳ تنه افغان کډوال په خپله خوښه او جبري توګه له ایرانه راستانه کړل شول.

د کډوالو وزارت وايي، په راستانه شویو کډوالو کې کورنۍ او مجرد کسان شامل دي، چې له دې ډلې۶۶۷ تنه یې د مرستو وړ ګڼل شوي او د ملګرو ملتونو د کډوالۍ سازمان ته یې ورپيژندلي دي.

همدارنګه د طالبانو د کډوالو وزارت وايي، له ایرانه په راستانه کړل شویو کسانو کې ۴۸ تنه بې سرپرسته ماشومان هم شامل وو، چې د کورنیو موندلو په موخه یې په هرات ولایت کې د وارچایلډ موسسې ته سپارلي دي.

په ورته وخت کې طالبان وايي، ۴۵۱ تنه افغان کډوال د یک شنبې په ورځ د (غوايي نهمه) نېټه له پاکستانه په جبري توګه هېواد ته راستانه کړل شول.

د کډوالو وزارت د معلوماتو له مخې په جبري توګه دغه راستانه کړل شوي کډوال ۸۷ کورنۍ چې شمېر ۳۵۰ تنه دی د کندهار د سپین بولدک او ۱۸ کورنۍ چې د غړو شمېر یې ۱۰۱ تنه دي د تورخم له لارې راستانه کړل شوي دي.

که څه هم د پاکستان حکومت له لوري په جبري توګه د افغان کډوالو د اېستلو لړۍ دوام لري، خو څو ورخې وړاندې پاکستان د هغو افغان کډوالو د اوسېدو موده د دوه نورو میاشتو لپاره وغځوله چې د ملګرو ملتونو د کډوالۍ عالي کمیشنرۍ (یو‌این‌‌ایچ‌سي‌ار) له لوري ورته د پي او ار کارټونه ورکړل شوي.

د طالبانو د ټولګټو چارو وزارت ویاند محمد اشرف حق شناس نن دوشنبه (غوايي ۱۰مه) په ایکس پاڼه لیکلي چې د دغې لارې د تړل کېدو وروسته یې د دغې لارې څنګ ته یوه بله فرعي لاره د لنډ وخت لپاره تګ راتګ ته بېرته پرانیستې ده

هغه په خپله ایکس پاڼه یوه ويډیو خپره کړې چې د دغه وزارت اړوند وسایط پر سړک پراته لوی کمرونو له سړک پاکوي او په دغه لاره کې بند پاتې موټر په بله لاره روان دي.

نن له غرمې د ننګرهار لپاره د طالبانو د اطلاعاتو او کلتور ریاست له لوري پر دغه لاره موټر چلوونکو ته د یوه خبرداري په خپرولو سره ویل شوي و چې، په دغه لویه لاره تګ راتګ ونه کړي.