د افغانستان کرېکټ بورډ د ۲۰۲۴ راتلونکي شل اوریز نړۍوال جام لپاره لوبډله اعلان کړه

د نيوزيلنډ کرېکټ بورډ وياند ريچارډ بوک د سې شنبې په يوې خبري کنفرانس کې وويل، چې د «بورډ او لوبغاړو اتحاديې» له مشورو وروسته یې د افغانستان سره د لوبې پرېکړه کړې.

ريچارډ زياتوي: « زموږ ګډ نظر دا و، چې د افغان لوبډلې سره د لوبو پرېکون په افغانستان کې هېڅ بدلون نه راولي.»

نوموړي ويلي، چې د خبرو او تفاهم لارې باید خلاصي وساتل شي او د بدلون لپاره ملاتړ ته دوام ورکول شي.

د نيوزيلنډ کرېکټ بورډ د افغانستان سره د سپټمبر په مياشت کې د ټېسټ لوبې د مشخص ځای په اړه جزیيات ورنه کړل.

دا په داسي حال کې ده، چې د کرېکټ په نړۍوال شل اوريز جام کې افغان لوبډله په لومړۍ لوبه کې هم له نيوزيلنډ سره مخ ده.

نيوزيلنډ د افغان لوبډلې سره پر داسې مهال د لوبې کولو خبر ورکوي، چې له ۲۰۲۱ کال راهیسي کله چې طالبان په افغانستان کې واک ته ورسېدل اسټرليا درې ځله د افغان لوبډلې سره لوبې لغوه اعلان کړې.

نړۍوال کرېکټ څارونکو په خپلو تبصرو کې د افغانستان د کرېکټ حالت په وروستيو کلونو کې د شهرت د زياتوالي تر کچې بللی او اندېښنه یې ښودلې، چې طالبان په دغه هېواد کې ورزش ته د ښځو پر تګ بنديز لګولی.

د افغانستان او سريلانکا د کرېکټ الف لوبډلو ترمنځ د ۵ يو ورځنيو لوبو لړۍ د دوهمې سیالۍ پچه افغان لوبډلې وګټله او لومړۍ يې د توپوهنې پرېکړه وکړه.

افغان لوبډلې د خپلو ټولو لوبغاړو په سوځېدو په ۲۷.۲ اورنو کې سريلانکا لوبډلې ته ۱۲۱ منډې هدف وټاکه.

د افغان لوبډلې په توپوهونکو کې قيس احمد په ۴۹ توپونو ۴۶ او فرمان الله بیا په ۴۹ توپونو ۳۷ تر نورو ډېرې مندې جوړې کړې.

د سريلانکا کرېکټ الف لوبډلې دغه هدف په ۱۵.۲ اور کې د دوو لوبغاړو په سوځېدو پوره کړ او دغه لوبه یې د ۸ ويکټو په توپير وګټل.

په افغان توپ اچونکو کې محمد سليم او قيس احمد یو یو سرلانکايي لوبغاړي وسوځول.

د دې سیالیو دريمه لوبه به د راتلونکې جمعې په ورځ د سريلانکا په کوربتوب وشي.

د افغان لوبډلې لوبډلمشر اکرام علي خیل د لوبې پچه وګټله او سیالې لوبډلې ته یې د توپ وهني بلنه ورکړل.

د سریلانکا الف لوبډلې د ۵۰ اورونو په لوبولو سره افغان لوبډلې ته ۳۰۵ منډې هدف ورکړ.

په لوبه کې د توپ اچونې پر مهال بلال سمیع څلور، سلیم ساپي درې او قیس احمد یوه ویکیټه واخیسته.

د افغان لوبډلې له لوري د سریلانکا د ۳۰۵ منډو هدف پوره کېدو به موخه ریاض حسن ۱۰۰ منډې او دروېش رسولي ۷۵ او قیس احمد ۲۸ منډې جوړې کړې.

یاده لوبه د باران د ورېدو له امله دوه اوره کمه شوه خو افغان لوبډله ونه توانیدله چې د سیالې لوبډلې له لوري ورکړل شوی هدف پوره کړي او لوبه یې سریلانکا ته د اتو منډو په توپیر وبایلله.

د یادونې وړ ده چې د دواړو لوبډلو ترمنځ دویمه لوبه د راتلونکې سه شنبې په ورځ ترسره کیږي.

افغان ورزشکاران په تيرو يوه يا دوو لسيزو کې د المپيک لوبو د پرانستلو په مراسمو کې د الفبا د خطونو د ترتيب له امله د هغو ورزشکارانو په ډله کې وو چې د المپيک د پرانستلو په مراسمو کې به يې پرېډ کاوه، مګر سږکال شاید داسې نه وي.

د المپیک نړیوالې کمېټې د روان کال په مارچ میاشت کېد پاریس المپیک لوبو کې د افغانستان د ورزشکارانو د حضور په اړه لهغونډې وروسته په یوه اعلامیه کې ټینګار وکړ چې د دغو لوبو د ترسره کولو موخه دا ده چې د هېوادونو د نارینه او ښځینه ورزشکاران دواړه پکې ګډون وکړي.

د افغانستان د المپيک ملي کمېټې د بهرنيو اړيکو پخواني رييس نجيب الله فایض هم له سپکتیتر مجلې سره په مرکه کې د طالبانو د المپيک ملي کمېټې له لوري د المپيک له منشور سرغړونه ياده کړه.

د هغه په ​​وينا، دا سرغړونه د دې کمېټې د خبرداري، بنديزونو او ان د رسمیت نه پيژندلو لامل کيداى شي.

د هغه په وینا تر هغه پورې افغانستان د پاریس په المپیک کې استازولي نه شي کولی ترڅو یو شمېر افغان ورزشکاران «وایلډ کارټ» ترلاسه نه کړي.

په تیرو څو کلونو کې ای او سي یا د المپیک نړیوالې کمېټې په مکرر ډول طالبانو ته خبرداری ورکړی چې په نړیوالو سیالیو کې د دې هېواد د ورزشکارانو د ګډون لپاره شرط، پر افغان ښځینه ورزشکارانو د بندیز لرې کول دي.

د افغانستان فوټبال فدراسيون د معلوماتو له مخي، د هرات سرخپوشان لوبډلې ۶ د صفر په مقابل کې د هلمند له ميوند لوبډلې او د بلخ موج ساحل لوبډلې بيا ۲ د ۱ په مقابل کې د فارياب له سرسبز یاشلر لوبډلې سیالۍ وګټلې.

د دې سياليو د پرون جمعې د ورځی لومړۍ لوبه د هرات اټک انژي لوبډلي ۵ د صفر په مقابل کې د فاریاب له خراسان لوبډلې ګټلې وه او دوهمه لوبه کې بيا د کندهار عينومېنې لوبډلې ۲ د ۱ په مقابل کې د فراه له ابومسلیم لوبډلې ماته خوړلې وه.

د افغانستان فوټبال د اتلانو لیګ دریم پړاو په دغو سيالیو کې۱۲ لوبډلو برخه اخيستې او يوه میاشت به دوام وکړي.