د پاکستان لومړی وزیر او ولسمشر وايي، په دغه هېواد کې د کارګرو د هوساینې او د وی د حقونو د خوندیتوب لپاره په حکومتي کچه نور ګامونه اخلي. شهباز شریف او اصف علي زرداري، دا خبره نن د کارګر نړیوالې ورځې په مناسب کړې چې هر کال د مۍ پر لومړۍ لمانځل کېږي.
اصف علي زرداري له کاروالو غوښتي چې کارګرو ته د تنخا په برخه کې له انصاف کار واخلي. او هم یې د خوندیتوب او روغتیا په برخه کې ګامونه پورته کړي.
د نوموړي په خبره، په خطرناک کاري چاپېریال کې باید کارګرو ته اړینه تربیه او د خوندیتوب وسایل برابر شي.
شهباز شریف هم د کارګرو په هکله په خپل پیغام کې د دوی هڅې ستایلې او ویلي یې دي چې د دوی د خوندیتوب او روغتیا په برخه کې د کارګر نړیوال کانفرانس ژر جوړ شي.
نوموړی دا هم وايي چې کارګرو ته د استوګني غوره سهولت، ښوونې روزېن او درمنلې په برخه کې به هم خپلې هڅې جاري ساتي.
ښاغلی فهیم چې په انګلستان کې د افغانانو لپاره یوه خېریه ټولنه هم پر مخ وړي، پر خپل فیسبوک لیکلي: "ډېر خوښ یم او ویاړم چې د انګلستان د شاه له خوا زما د ټولنیز خدمت په اړه د برېتانوي امپراتورۍ غړی (MBE) جایزه راکړه".
دغه مراسم چې د برېتانیا د شاهي وینزر په ماڼۍ کې جوړ شوي وو، ښاغلي فهیم پکې له وطني جامو او لونګۍ سره ګډون کړی و.
د برېتانیا د شاه د دفتر په حواله یو شمېر سیمه ییزو رسنیو خبر ورکړی، چې یاده جایزه د شهزادګۍ ان له لوري نوموړي ته ورکړل شوې ده.
ښاغلی فهیم د برېتانیا په والسال کې د افغانانو د یوې خیریه ټولنې بنسټګر او مشر دی، چې د خېر ښیګڼې په کارونو کې ونډه اخلي.
د "برېتانوي امپراتورۍ غړی" جایزه د انګلستان له معتبرو شاهي جایزو څخه ده، چې هر کال یې شاهي کورنۍ یو شمېر نوموتو اشخاصو ته ورکوي.
د سږني کال لومړۍ جایزه افغان ټولنیز فعال فهیم ځاځي ته ورکړل شوه.