د حماس مرکچیان له اسراییل سره پر اوربند د خبرو لپاره قاهرې ته ورسېدل

روسیې د ۲۰۲۲ کال په فبرورۍ کې له اوکراین سره د جګړې له پیل راهیسې د یو شمېر اوکرایني او نورو اروپايي سیاستوالو د نیولو امر صادر کړی دی.

د روسیې پولیسو په فبرورۍ میاشت کې د استونیا لومړی وزیر کاجا کالاس، د لیتوانیا د کلتور وزیر او د لیتوانیا د پخواني پارلمان غړي د شوروي د دورې د اثارو د ویجاړولو له امله په تور لیست کې شامل کړي وو.

روسیې هم د جرمونو د نړیوالې محکمې «ICC» د څارنوال د نیولو امر هم وروسته له هغه صادر کړ چې تیر کال هغه د جنګي جرمونو په تور د ولسمشر ولادیمیر پوتین د نیولو امر ترتیب کړی و.

د پاکستان تحریک انصاف ګوند د شنبې په ورځ د غويي په ۱۵مه په خپل اېکس اکاونټ کې د عمران خان له قوله لیکلي: "د پوځ د مشر جنرال عاصم منیر په مشرۍ پوځي سازمانونو د پاکستان له سیاست څخه زما د ګوند د لرې کولو لپاره هر ډول تاکتیک وکاراوه."

د دغه ګوند اعلامیې د عمران خان له خولې ویلي، چې د پاکستاني پوځ لپاره یوازینۍ لار د عمران خان وژل دي، چې له مرګه نه وېرېږي.

د تحریک انصاف ګوند د عمران خان له خولې ویلي: "اوس دوی ټول کار کوي چې ما ووژني، خو زه له مرګه وېره نه لرم."

د تحریک انصاف ګوند دغه تورونه داسې مهال د پاکستان پر پوځ لګولي، چې تېره اونۍ عمران خان د خپل ګوند درې مشران د خیبر پښتونخوا ایالت سر وزیر علي امین ګنډاپور او د پاکستان په ملي اسمبلۍ کې د اپوزیسیون د مشر عمر ایوب په کډون د پوځ سره د خبرو لپاره غوره کړل.

تحریک انصاف ګوند وايي، له دریو ګوندونو مسلم لیګ نواز، عوامي نېشنل ګوند او متحده قومي موومنټ پرته له هر چا سره خبرو ته چمتو دي او په لویو مسایلو کې له پوځ سره خبرو ته چمتو دي، نه د شهباز شریف په مشرۍ له ایتلافي حکومت سره.

عمران خان چې د فساد او څو نورو قضیو په تور د راولپنډۍ په اډیاله زندان کې دی، خپل ګوند ته له هغه ځایه امر کوي او د زندان په خونه کې دننه سیاست کوي.

د روسیې د بهرنیو چارو وزارت نن د زاخارووا له قوله ليکلي: «موږ باید دا ومنو چې ناټو له موږ سره د احتمالي شخړې لپاره جدي تیاری نیسي.»

ناټو په ۱۴۰۲ کال د سلواغې په مياشت کې په اروپا او شمالي اتلانتیک کې له سړې جګړې را وروسته خپل تر ټولو لوی تمرين پيل کړ.

د شمالي اتلانتیک تړون سازمان په یوه بیان کې ویلي چې د « ۲۰۲۴کلک مدافع» په نوم پوځي تمرینات د سړې جګړې له پای ته رسیدو راهیسې د ناټو ترټولولوی نظامي تمرین دی.

په دې تمرین کې د ناټو د غړو هېوادونو څه باندې ۹۰ زره پوځي ځواکونه برخه اخلي او د ماریا زاخارووا په وینا دا تمرینونه د روسیې پولو ته څېرمه ترسره کېږي.

د امریکايي چارواکو په وینا، د امریکا د بهرنیو چارو وزیر انتوني بلینکن د اپریل په میاشت کې د قطر لومړي وزیر محمد بن عبدالرحمان ال ثاني ته ویلي وو، چې له حماس سره د «حساسو خبرو اترو» په اړه خبري وکړي.

له دې موضوع خبرو درې ډيپلوماټانو وویل، چې دوی له میاشتو راهیسي د دې غوښتنې اټکل کړی و، خو په وروستيو اونيو کې د اوربند په اړه اوږد مهاله کړکېچ له امله دا تمې زياتې شوې.

یوه ډیپلومات ویلي، قطري چارواکو د حماس د سیاسي مشر اسماعیل هنيه په ګډون د دې ډلې نورو مشرانو ته، چې د قطر په پلازمېنه دوحه کې ژوند کوي، سپارښتنه کړې، چې له قطر څخه د وتلو د اړتيا پر مهال باید د اوسېدولو لپاره نوی ځای پیدا کړي.

پر همدې مهال ځيني سيمه ييز چارواکي او شنونکي خبرداری ورکوي، چې په دوحه کې د حماس د سياسي دفتر تړل د دې ډلې له مشرانو سره د خبرو اترو او د يرغمل شويو د خلاصون لپاره د راتلونکو خبرو اترو د بيا پيلولو هڅې پېچلې کوي.

بلينکن، چې د شاوخوا ۱۳۰ پاتې یرغمل شویو خوشې کولو او د غزې په جنوبي ښار رفح کې د اسراییلو د پلان شوي برید د مخنیوي په هدف منځني ختیځ ته راستون شوی، له حماس سره په خبرو کې د منځګړیتوب او د قطر له رول څخه مننه وکړه او دغه ډله یې وهڅوله چې د اسراییلو د اوربند وړاندیز ومني.

بلینکن د چهارشنبه په ورځ په تل ابیب کې وویل: «موږ هوډ لرو، چې د یرغمل شویو کورونو ته د رسیدو لپاره اوربند وکړو او یوازینی دلیل چې دا به نه کیږي حماس دی.»

قاهرې ته د حماس د پلاوي راتګ

د حماس یوه چارواکي رویټرز خبري اژانس ته ویلي، چې د دې ډلې یو پلاوی د شنبې په ورځ قاهرې ته رسیدلی دی.

تمه ده، چې دغه پلاوی به په غزه کې د اوربند او د یرغمل شویو بندیانو د خلاصون په اړه د اسراییلو وړاندیز ته لیکلي ځواب ورکړي.

د سي آی اې مشر هم په غزه کې د اوربند په اړه د خبرو لپاره مصر ته تللی دی.

سبا نیوز د جمعې په ورځ (د مې درېیمه) راپور ورکړ، چې شویګو د روسیې د پوځ له قوماندانانو سره د ویډیويي ناستې په ترڅ کې ویلي، چې اوکرایني ځواکونو په ۲۰۲۴کال کې له ۱۱۱زره ډېر پوځیان او ۲۱زره وسلې او پوځي تجهیزات هم له لاسه ورکړي دي.

ښاغلي شویګو څرګنده کړه، چې د روسیې پوځ په تېرو دوو اونیو کې پر ۵۴۷ کیلو متر مربع خاورې ولکه ټینګه کړې او د «نووباخمتوفکا، سیمینوفکا او بردیچی» په ګډون یو شمېر ښارګوټی یې ازاد کړي دي.

روسیې د ۲۰۲۲ کال د فبرورۍ په ۲۴مه پر اوکراین بشپړ یرغل پیل کړ او د جګړې په لومړیو څو اونیو کې د سولې مستقیمې خبرې اترې وشوې؛ خو کومه پایله یې نه درلوده.