د پخواني افغان پوځ ضابط د طالبانو له وېرې عراق ته تللی او غواړي امریکايي اډې ته ځان ورسوي

په دغه اعلامیه کې چې د سفارت پر اېکس خپره شوې راغلي، چې د هند له خوا د پخواني جمهوریت د ډیپلوماټانو د ویزو د نه نوي کیدو او سختو محدودیتونو له امله، د پخواني جمهوریت ډيپلوماټیک حضور په دغه هیواد کې د تیر کال د نومبر میاشتې په ۲۳ مه پای ته رسیدلی دی.

اعلامیه کاږي:‌ “وروستي پاتې دوه ډیپلوماتان د ۲۰۲۳ کال د نومبر په ۲۳ مه له هند څخه ووتل.”

په دغه اعلامیه کې راغلي‌، چې د جمهوریت د استازیتوب په اړه د ‌ذکیه وردګ ادعا ردوي او وايي‌ چې په سفارت کې پاتې کسان د طالبانو په څارنه خپلې چارې په مخ بیابي.

هندۍ رسنۍ ټایمز اف اېنډیا راپور ورکړی، چې په هند کې د افغانستان جنرال کونسلې ذکیه وردګ سره د ممبيي په هوایي ډګر کې ۲۵کیلو ګرامه سره زر نیول شوي دي.
د دغه راپور له مخې، دغه سره زر چې ټولټال ۱۸.۶ کروړه روپۍ کېږي د دوبۍ څخه هند ته انتقال شوي.

د راپور په وینا، دغه پېښه د اپرېل په ۲۵مه شوې او د نوموړې خلاف د سرو زرو د قاچاق قضیه هم ثبت شوې ده.
د سرچینو په وینا، اغلې وردګ د ډیپلوماټیک خوندیتوب له امله نه ده نیول شوې.
د هند د قانون له مخې، که د سره زرو ارزښت څه باندې یو کروړ وي؛ نو قاچاق کوونکی باید ونیول شي او تر جنایي څار لاندې راشي.

په هند کې د افغانستان جنرال ګونسلې ذکیه وردګ د سره زرو قاچاق په اړه د ټایمز اف انډیا تر راپور وروسته استعفا وکړه.
اغلې وردګ په خپله اېکس پاڼه لیکلي، چې په وروستیو کې هغه او د کورنۍ غړي یې له پراخو ننګونو او ګواښونو سره مخامخ شوي دي.

ذکیه وردګ د ځان پر وړاندې وروستي تورونه یوه دسیسه ګڼي او په خپل خپور شوي بیان کې یې ویلي:« په هغو سختو شرایطو کې د یوازینۍ ډیپلوماټې په صفت باید زما ملاتړ او ستاینه شوې وی؛ خو بر عکس ما ته خورا زیاتې دسیسې جوړې شوې.»
هغې په دغه بیان کې د هند دولت له ملاتړه هم مننه کړې ده.

په همدې حال کې تیر کال، فغانستان انټرنشنل – پښتو ته په ممبۍ کې د افغانستان په قونسلګرۍ کې یو شمېر ډېپلوماتیکو سرچینو د ځینو ویډیوګانو په رالېږلو سره ویلي، چې په ممبۍ کې د افغانستان د قونسلګرۍ لومړی پوړ او انګړ هندیانو ته «د ودونو لپاره په کرایه ورکول کیږي.»

په ویډیوګانو کې ښودل کیږي، چې د قونسلګرۍ انګړ او د لومړي پوړ په تالار کې د یوې هندۍ جوړې واده روان دی او د ودانۍ ټولې خواوې په ګلانو پوښل شوې دي.

په دغه ویډیو کې د ډېپلوماټ نمبر پلیټ یو تور موټر هم ښکاري، چې په ممبيي کې د افغانستان د قونسلګرۍ اړوند دی، همدا راز د ممبيي د قونسلګرۍ ودانۍ مخې ته مشهوره د اوبو فواره هم پکې ښودل کیږي، چې د واده میلمانه ترې ګېرچاپېره ولاړ دي.

د ممبۍ په قونسلګرۍ کې یوې معتبرې ډېپلوماټیکې سرچینې افغانستان انټرنشنل – پښتو ته ویلي و، چې له تېر یو نیم کال راهیسې په ممبۍ کې د افغانستان سر قونسله ذکیه وردګ په خپل سر د قونسلګرۍ ودانۍ په کرایه ورکوي او د کرایې پېسې د نوموړې شخصي جیب ته ځي.

د افغانستان فوټبال فدراسيون د معلوماتو له مخې، د نن لومړۍ لوبه فارياب سرسبز ياشلر لوبډلې ۲ د ۱ په مقابل کې له سرپل اف سي لوبډلې څخه وګټله.

د فدراسیون د خبر له مخي، د نن دوهمه لوبه کې کابل استقلال لوبډلې ۶ د صفر په مقابل کې له هرات سرخپوشان لوبډلې ماته وخوړه.

پرون د دې سياليو لومړۍ لوبه کندهار عينومېنې ۲ د ۱ په مقابل کې له فراه عدلت لوبډلې او د فاریاب خراسان لوبډلې بيا ۲ د یو په مقابل کې د پکتيا له واحدي لوبډلې ګټلې وې.

د فوټبال اتلانو لیګ دغه سيالۍ په کابل کې شروع شوې او هره ورځ پکې دوې لوبې کيږي.

احسان الله کامګار د دې ادعا په ردولو سره وايي، چې د جمعې په ورځ د دوی ځواکونو د درایم په قرلک کلي کې کوکنار له منځه وړل چې د ځینې محدودو کسانو نور وهڅول او د طالبانو په مقابل کې یې ودرول.

نوموړی وايي، سیمه اییزو خلکو پر طالبانو د ډبرو او لرګو بریدونه کړي او هڅه یې کوله چې هغه وسایل هم وسوځوي چې د تاریاکو د وهلو له پاره سیمې ته وړل شوي وو. ‌

نوموړي وايي، چې د لاریون کوونکو او طالبانو ترمنځ په رامنځ ته شوي اخ او ډب کې یو ملکي کس وژل شوی، خو دا لا معلومه نه ده چې دغه کس د لاریون کوونکو له خوا وژل شوی، که د طالبانو له لوري.

د غه طالب ویاند د خلکو شخصي حریم ته د دوی د ځواکونو ننوتل او د خلکو وهل او ډبول په اړه شوې ادعاوې ردوي.

نوموړي وايي،‌ چې د پیښې د څیړلو لپاره سیمې ته یو پلاوی هم استاول شوی دی، خو سمیه ییزو سرچینو ویلي، چې د سیمو خلکو دغه پلاوی نه دی منلی.

په تیرو دوو ورځو کې د درایم او نن د ارګو ولسوالۍ اوسیدونکې د هغه څه پر وړاندې چې د طالبانو له خوا پر خپل حریم یې تیری بولی، د دغې ډلې په وړاندې لاریونونو پیل کړي، چې په دواړو ولسوالیو کې په تاوتریخوالي اوښتي دي.

ګارډین ورځپاڼې د وکیلانو د یوه مکتوب پر اساس خبر ورکړی، چې د دې قضیې څارنوالان د دې قضیې په تړاو د اسنادو د نه وړاندې کولو له امله د بریتانیا له دفاع وزارت څخه په کلکه شکایت لري.

په لیک کې وکیل پیرز داګارت وویل: "اوسنی وضعیت د منلو نه دی او د دفاع وزارت ناکامي ده چې د خپلو مسؤلیتونو په ترسره کولو کې پاتې راځي."

د بریتانیا دفاع وزارت ویلي دي چې د دې قضیې په اړه د تحقیقاتو د ملاتړ لپاره یې ۲۱ میلیونه پونډه لګولي دي، خو ګارډین راپور ورکوي، چې د قضیې په اړه تحقیقات ممکن د ۲۰۲۵ کال تر مارچ پورې وځنډول شي.

ګارډین لیکي: "لیکونه ښیي چې ان که د دفاع وزارت اضافي حقوقي معاونین وګماري او متخصص سافټویر واخلي، د اسنادو چمتو کول به د اکتوبر یا نومبر پورې وخت ونیسي، پدې معنی چې د ۸۰ افغانانو د شکمنو وژنو اوریدل به د ۲۰۲۵ کال تر مارچ پورې وځنډول شي. "دا به وځنډول شي."

د برتیانوي ځانګړو ځواکونو له خوا د افغانانو د وژلو قضیه په افغانستان کې د جنګي جرمونو یوه مهمه قضیه ده.

په دې قضيه کې د بریتانوي پوځ دغه سرتېري په هلمند ولايت کې د شاوخوا ٨٠ افغانانو په وژلو تورن شوي دي.

ویل کیږي چې دغو عسکرو د ۲۰۱۰ او ۲۰۱۳ کلونو ترمنځ دغه ټول افغانان یا په خوب کې وژلي او یا یې تر نیول کېدو وروسته وژلي دي.

د قضیې یو وکیل وویل چې په هلمند کې د بریتانوي ځانګړو ځواکونو پالیسي درلوده چې "د جګړې د عمر ټول وړ سړي" ووژني.

ټاکل شوې وه، چې سږ کال د دغه لوی تور یو شمېر دوسیې د قضیې له مخې وڅېړل شي، خو د بریتانیا د دفاع وزارت تورن دی چې د دې قضیې څارنوالانو ته یې کافي اسناد نه دي ورکړي.

حکومت ویلي چې په دې دوسیه کې شاوخوا ۸۰ کسان کار کوي او په دې وروستیو کې یې د دې قضیې د څېړلو د چټکتیا لپاره ۱۰ وکیلان نور هم شامل کړي دي.

په افغانستان کې د نړیوالو ځواکونو د حضور د شلو کلونو په موده کې نه یوازې بریتانوي پوځیان په جنګي جرمونو تورن شوي، بلکې د استرالیا په ګډون د نورو هېوادونو پوځیان هم په جنګي جرمونو تورن شوي دي.

د پاکستان حکومت د چمن پرلت دا غوښتنه نه مني او په تېر کې یې هم بیا بیا د دوې د پرلت ختمولو هڅه کړې وه.

د چمن پرلت مشر غوث الله افغانستان انټرنشنل ـ پښتو ته وویل چې نن لومړی د پاکستان اف سي سرحدي ځواکونو پرلتوالو ډزې وکړې او وروسته یې د دوی خېمو ته اور اچولی دی.

غوث الله د پاکستاني ځواکونو دا کار وغنده او زیاته کړه، چې دوی به خپل پرلت ته ادامه ورکوي.

دی زیاتوي شاوخوا اته میاشتې کېږي چې په سولیزه توکه یې پرلت ته ادامه ورکړې ده او د خپلو غوښتنو تر منل کېدو به یې دا اعتراض روان وي.

هغه ویډیوګانې چې په ټولنیزو رسنیو کې لاس په لاس کیږي، په کې لیدل کیږي پاکستاني ځواکونه پر پرلت والو ډزونه کوي او خلک د سیمې پرېښودو په حال کې دي.

په وروستیو ویډیوو کې لیدل کېږي چې خلک خېمو ته اچول شوی اور مړ کوي او له خلکو غواړي چې ځانونه پرلت ته ورسوي.

پاکستان غواړي د تورخم په څېر د چمن- سپین بولدک له لارې هم له افغانستان سره د تګ راتګ لپاره پاسپورټ او وېزه جبري کړي، چې دا کار د ځايي خلکو له غبرګون سره مخ شوی او د ۲۰۲۳ کال له اکتوبر راهیسیې پرلت روان دی.