د دوشنبې په ورځ په انډونیزیا کې یو شمېر افغان کډوالو د ماکاسار په ښار کې د ملګرو ملتونو د دفتر مخې ته پرلت کړی. پناه غوښتونکي وايي، چې له کلونو راهیسې د دوی پناه غوښتنې نه دي څېړل شوي.
دغو اعتراض کوونکو خبرداری ورکړی، چې تر هغه به خپلو اعتراضونو ته دوام ورکړي؛ تر څو چې د دغه سازمان له لوري يې ځواب نه وي ترلاسه شوی.
دغه پنا غوښتونکي د انډونيزيا پوليس د لاریونکوونکو سره په ناسم چلند تورنوي.
پناه غوښتونکي وايي، د دوی له اعتراضونو وروسته د دغه هېواد پولیسو یوه افغانه ښځه نیولې ده.
دوی د کډوالۍ د قضیو د حل نورو هېوادونو ته د لېږدولو او بیا مېشتېدنې غوښتنه کړې ده.
د خپرو شویو شمېرو له مخې؛ په اندونیزیا کې شاوخوا ۱۲ زره کډوال ژوند کوي، چې ډېری یې افغانان دي.
په تېر کال کې هم په اندونیزیا کې افغان اعتراض کوونکو څو ځلې د ملګرو ملتونو د دفتر مخې ته لاریونونه کړي؛ خو د دوی دوسیې پر ځای پاتې دي.
د غزې په دغو سیمو کې د اسراییل د بریونو له امله بې ځایه شوي له یو میلیون څخه زیات خلک ژوند کوي.
په داسې حال کې چې په قاهره کې د اوربند خبرې اترې ځڼډېدلې دي، په رفح ښار د اسراییل د پراخ برید په اړه اندېښنې زیاتې شوې دي.
اسراییل له ډېر وخت راهیسې په رفح ښار د برید ګواښ کوي او وايي، چې هلته د حماس ډلې د پټنځایونو په وړاندې عملیات کوي.
په رفح ښار د برید په اړه د اسراییل له خوا سمدستي کومه تبصره نه ده شوې؛ خو د حماس پورې تړلې الاقصی ټلویزیون ویلي، چې د رفح ښار ختیځ سیمې یې بمبار کړي، چې وړاندې یې د تخلیې امر شوی و.
د اسراییل پوځ په عربي متن لیکل شویو پیغامونو او له الوتکو څخه د غورځول شویو لارښونو له لارې له خلکو غوښتي، چې له رفح ښار څخه ۲۰ کیلومتره وړاندې هغه سیمې ته پناه یوسې چې دوی یې بشري ساحه بولي.
ځینو فلسطیني کورنیو د تېز باران لاندې دغو سیمو ته تلل پیل کړي دي.
تر دې وړاندې د امریکا په ګډون ګڼو هیوادونو او مرستندویه ډلو اسراییل ته خبرداری ورکړی و چې په رفح ښار برید به د پراخې ملکي مرګ ژوبلې او غزه کې د روان بشري ناورین د لا ژور کېدو لامل شي.
