یو شمېر رسنیو د دوشنبې په شپه راپور ورکړی، چې د سعودي ولیعهد د موټرو پر کاروان برید شوی، چې محمد بن سلمان له دې چاودنې روغ رمټ وتلی. خو عربي رسنیو بیا ویلي، کومه ویډیو چې په رسنیو خپره شوې پخوانۍ ده.
د دغو راپورونو له مخې په چاودنه کې د محمد بن سلمان ۵ساتونکي وژل شوي او یو شمېر ټپیان دي.
خو مبسار عربي رسنۍ بیا راپور ورکړی، چې کومې ویډیو ګانې یا تصویرونه چې ځینو رسنیو خپاره کړي پخواني دي.
مبسار لیکلي، چې د دوی تحقیق ښیي چې دا ویډیو کلیپ او تصویرونه زاړه دي او په ریاض کې د یوې پخوانۍ ترافیکي پیښې دي.
د سعودي ولیعهد محمد بن سلمان د وژلو د هڅې په اړه هم کوم خبر نه شته.
د مبسار د راپور له مخې ویډیو کلیپ په لومړي ځل د مارچ په ۱۶مه پر ټیک ټاک خپور شوی دی.
ځینو افغاني او پاکستاني رسنیو هم د سعودي عرستان پر وليعهد د برید راپور خپور کړی دی.
د خلاصې سرچینې استخباراتي څارونکي، چې په ټوله نړۍ کې په اروپا او شخړو تمرکز کوي پر خپل اېکس پاڼه لیکلي: «د ریاض له څو تنو اوسیدونکو او یو فرد سره چې د سعودي شاهي ساتونکي قطعې سره تړاو لري له خبرو وروسته؛ دوی تایید کړه چې د سعودي ولیعهد محمد بن سلمان د وژنې د هڅې په اړه تېره شپه وړاندې شوي نا تایید شوي راپورونه په بشپړ ډول غلط دي او د دوشنبې په شپه د ښار دننه یا نږدې برید نه دی شوی.»
دوی زیاتوي چې د برید په اړه جوړ شوي لومړني پوسټونه داسې ښکاري، چې د منځني ختیځ د رسنیو سرچینې په نښه شوي دي په داسې حال کې چې په جنوبي غزه کې د اسراییل ځمکني عملیات پیل شوي.
محمد بن سلمان تر اوسه په دې اړه څه نه دي ویلي.
د چمن د پرلت ویاند صادق خان اڅکزي د سه شنبې په ورځ (د غويي ۱۸مه) افغانستان انټرنشنل ـ پښتو ته وویل، چې د خپلو اعتراضونو په دوام یې تازه نن سهار د پاکستان دولتي بانک، د پولیو ضد واکسین اداره او د چمن پرېس کلپ دروازې بندې کړې دي.
صادق خان اڅکزی وايي:« د پاکستان حکومت زموږ غوښتنې نه مني، پر دې سربېره یې زموږ پر ملګرو برید وکړ، پرلتوال یې شهیدان او زخمیان کړل. تر څو چې زموږ غوښتنې نه وي منل شوې په چمن کې به نشنل (ملي) بانک، د پولیو ضد واکسین اداره، د چمن پرېس کلپ، د پاسپورټ اداره او کوټې ـ چمن لاره به تړلې وي.»
یادو پرلتوالو تېره ورځ د پاسپورټ ادارې دروازه وتړله او د پاسپورټ ادارې مخې ته یې هم پرلت وواهه.
پرلتوالو درې ورځې وړاندې د کوټې ـ چمن عمومي لاره هم پر پرلت د پاکستاني ځواکونو د برید په غبرګون کې وتړله.
بل خوا د پښتونخوا عوامي ګوند مشر محمود خان اڅکزی وایي، د چمن پر ځايي امنیتي ځواکونو مسوولینو دې پر لاریون کوونکو د ډزو په جرم قضیې ثبتې شي.
محمود خان اڅکزي له پاکستاني رسنیو سره په خبرو کې ویلي چې، پاکستان د سپین بولدک ـ چمن دروازې په تړلو سره د دواړو غاړو قومونه نه شي بېلولای.
کابو اووه میاشتې وړاندې د چمن ځايي خلکو، سوداګرو او مدني فعالانو د پاکستان له لوري د سپین بولدک ـ چمن پر دروازه د پاسپورټ د جبري کېدو په غبرګون پرلت وواهه.
خو درې ورځې وړاندې پاکستاني ځواکونو پر پرلت کوونکو برید وکړ، تر دې مهاله د دوه پرلت وهونکو مړینه او د نږدې شل نورو ټپي کېدل تایید شوي دي.
د غزې په دغو سیمو کې د اسراییل د بریونو له امله بې ځایه شوي له یو میلیون څخه زیات خلک ژوند کوي.
په داسې حال کې چې په قاهره کې د اوربند خبرې اترې ځڼډېدلې دي، په رفح ښار د اسراییل د پراخ برید په اړه اندېښنې زیاتې شوې دي.
اسراییل له ډېر وخت راهیسې په رفح ښار د برید ګواښ کوي او وايي، چې هلته د حماس ډلې د پټنځایونو په وړاندې عملیات کوي.
په رفح ښار د برید په اړه د اسراییل له خوا سمدستي کومه تبصره نه ده شوې؛ خو د حماس پورې تړلې الاقصی ټلویزیون ویلي، چې د رفح ښار ختیځ سیمې یې بمبار کړي، چې وړاندې یې د تخلیې امر شوی و.
د اسراییل پوځ په عربي متن لیکل شویو پیغامونو او له الوتکو څخه د غورځول شویو لارښونو له لارې له خلکو غوښتي، چې له رفح ښار څخه ۲۰ کیلومتره وړاندې هغه سیمې ته پناه یوسې چې دوی یې بشري ساحه بولي.
ځینو فلسطیني کورنیو د تېز باران لاندې دغو سیمو ته تلل پیل کړي دي.
تر دې وړاندې د امریکا په ګډون ګڼو هیوادونو او مرستندویه ډلو اسراییل ته خبرداری ورکړی و چې په رفح ښار برید به د پراخې ملکي مرګ ژوبلې او غزه کې د روان بشري ناورین د لا ژور کېدو لامل شي.
