د پاکستان د پوځ ویاند: له طالبانو سره مو په هره کچه مرسته کړې خو دوی خپلې وعدې پوره نه کړې

د سرچينې په خبره، چې طالبانو لاريون کوونکو ته د زورزیاتي او زنداني کولو ګواښونه کړي دي.

د بدخشان په درېیو ولسوالیو کې د پراخو لاریونونو په دوام او په درایم او ارګو ولسوالیو کې د دوو ملکي کسانو له وژل کېدو سره د طالبانو د لوی درستیز قاري فصیح الدین فطرت په مشرۍ د طالبانو پلاوی هڅه کوي؛ څو د لاریون کوونکو له استازو سره د تاوتریخوالو د پای ته رسولو په برخه کې هوکړې ته ورسېږي.

د سې شنبې په ورځ سیمه ییزو سرچینو افغانستان انټرنشنل ته وویل: « پهلوان شمس الدین چې د طالبانو د پلاوي غړی او د ملاهبت الله د فرمان تعقیب او عملي کوونکی دی، د خلکو د وهلو او وژلو ګواښ کړی دی.»

همدا راز طالبانو یوشمېر اعتراض کوونکو ته مستقیم پیغام استولی او ګواښ یې کړی، چې که په لاريونونو کې ګډون وکړي بندیان به شي.

د ځايي خلکو يوه اساسي غوښتنه له بدخشانه د نورو سېمو څخه د راغلو طالبانو وتل دي.

د سرچينې په وينا؛ طالبانو ويلي، چې د خپلو ځواکونو د ځای پر ځای کولو په تغيراتو بوخت دي.

دا لا معلومه نه ده، چې د دغو ځواکونو ځای به څوک ډکوي.

سرچينې زياته کړې، چې د خلکو استازو سيمې ته د سيمه ييزو طالبانو پر لېږد موافقه کړې ده.

د هغو دوو کسانو په اړه، چې څو ورځې مخکې د درایم او ارګو په ولسواليو کې ووژل شول، طالبانو وویل، چې عاملين لا نه دې نيول شوي او د هويت په اړه يې هم معلومات نه دي شریک کړي.

د دې ډلې پلاوي له خلکو وغوښتل، چې د شکایتونو په صورت کې به د دوی غوښتنو ته پر وخت ځواب وايي.

سرچینو د دغه ولایت په مرکز فیض اباد ښار کې د طالبانو د زیات شمېر ځواکونو د ځای پرځای کېدو خبر ورکړی دی.

سيمه ييزو سرچينو افغانستان انټرنشنل ته ويلي، چې طالبانو له درایم او ارګو ولسواليو څخه ۳۵ لاریون کوونکي او اعتراض کوونکي د طالبانو د پوځ له مشر فصیح الدین فطرت سره د خبرو لپاره فيض اباد ته بيولي دي.

د ځايي سرچينو په وينا؛ دغه کسان نن سهار فيض اباد ته لېږدول شوي دي.

د طالبانو د پوځ مشر دوې ورځې وړاندې له اعتراض کوونکو سره د خبرو لپاره بدخشان ته تللی و.

عبدالمتين قانع رسنيو ته ويلي، لاريون کوونکي غواړي پر خلکو د ډزو عاملين محاکمه کړي.

له تېرې جمعې راهیسې د درایم او ارګو ولسوالیو خلکو د وسله والو طالبانو د ناوړه چلند پر ضد لاریون وکړ.

د لاریون کوونکو په وینا؛ د طالبانو ډلې غړو د دوی د ځپلو لپاره ډزې وکړې.

د کورنیو چارو وزارت ویاند له بي بي سي سره په مرکه کې ویلي: "موږ به هغه کسان محاکمو ته معرفي کړو، چې پر مظاهره کوونکو یې ډزې کړې وې."

تر دې وړاندې هم طالبانو د درایم ولسوالۍ پنځه قومي مشران له طالبانو سره د خبرو لپاره فیض اباد ته لېږدولي وو؛ خو تر اوسه یې د برخلیک په اړه څه نه دي ویل شوي.

خو ځايي خلک بیا وايي، چې ستونزه د کوکنارو پر سر نه بلکې د طالبانو له خوا د خلکو «شخصي حریم» ته د نه درناوي له امله یې رامنځته شوې.

د طالبانو ویاند ذبیح الله مجاهد د سې شنبې په ورځ پر خپله اېکس پاڼه ليکلي، چې د دوی يوه پلاوي د بدخشان په مرکز فيض اباد کې د درایم او ارګو ولسوالیو د خلکو او ځايي طالبانو ترمنځ د کوکنارو پر سر شخړه حل کړې.

مجاهد وايي، چې ځايي خلکو د کوکنارو د نه کرلو ژمنې کړي دی.

نوموړی زياتوي: « هغه ستونزه چې په بدخشان ولایت کې د کوکنارو د کښت د له منځه وړلو په برخه کې رامنځته شوې وه حل شوه. د همدې ولسواليو استازو ژمنه وکړه، چې د بدخشان خلک به د کوکنارو د اړولو له پروسې ملاتړ کوي او په هېڅ صورت به دغه بهیر ګډوډ نه کړي.»

مجاهد وايي، هغه کسان، چې د بدخشان په همدې لاریونو کې زيانمن شوي ستونزو ته به يې پاملرنه کيږي.

سیمه ییزو سرچینو افغانستان انټرنشنل ته ویلي، چې د طالبانو د پوځ مشر فصیح الدین فطرت دوې ورځې وړاندې له اعتراض کوونکو سره د خبرو لپاره بدخشان ته تللی.

د تېرې جمعې په ورځ د بدخشان د درایم ولسوالۍ کې اعتراض کوونکي وویل، طالبان د دې ولسوالۍ خلک کوڅه په کوڅه او کور په کور ځوروي.

د لاریونوالو له ډلې یوه یې مظاهرې ته په وینا کې وویل، حتا د ښځو حرمت تر پښو لاندې شوی او طالبان د خلکو «عزت، دین او محرمیت» تر پښو لاندې کوي.

دغه لاريون کوونکي طالبان تورنوي، چې د خلکو د کورونو ديوالونه يې نړولي او پر خلکو ظلم کوي.

خو طالبانو دغه ادعاوي رد کړي او په خپلو څرګندونو کې يې ويلي، چې د همدې سېمې له خلګو سره يې د کوکنارو د کر په اړه جنجال رامنځ ته شوی.

د افغانستان او سرېلانکا الف لوبډلو ترمنځ نن د پنځمې وروستۍ یو ورځنۍ لوبې پچه افغانستان وګټله او لومړی یې توپ اچونه غوره کړه.

سريلانکا الف کرېکټ لوبډلې د خپلو ټولو لوبغاړو په سوځېدو افغان ابداليانو ته ۱۹۷ مندې هدف وټاکه.

سريلانکايي توپوهونکي پسيندو سوريا بندارا په ۹۲ توپونو تر نورو لوبغاړو ډېري ۷۰ مندې جوړې کړې.

د افغان ابداليانو کرېکټ لوبډلې په توپ اچونه کې نويد ځدران ۴ او ننګيال خروټي ۳ سريلانکايي لوبغاړي وسوځول.

افغان لوبغاړو دغه هدف د خپلو پنځو لوبغاړو په سوځېدو په ۴۵ اور کې پوره کړ.

د افغان ابداليانو په لوبډله کې رياض حسن په ۱۱۷ توپونو ناسوځېدلی ۷۴ او شاهدالله کمال په ۶۸ توپونو ۴۷ منډې جوړئ کړې.

د افغان ابداليانو او سرېلانکا الف کرېکټ لوبډلو ترمنځ د پنځو يو ورځنيو لوبو لومړۍ درې پرله پسې لوبې سريلانکا او وروستۍ دوې لوبې افغان الف لوبډلې وګټلې.

په دې سره کوربه لوبډلې سرېلانکا دا لوبلړۍ ۳ د ۲ په مقابل کې په خپل نوم کړه.

ملا هیت الله پرون په دې غونډه کې شاوخوا یو نیم ساعت خبرې کړې، چې اففانستان انټرنشنل ـ پښتو یې جزیات ترلاسه کړي دي.

د طالبانو مشر ملا هبت الله په خپله دغه وینا کې ویلی: « علماء کرام باید خلک د اسلامي نظام په فوایدو پوه کړي، د اختلافاتو او انحرافاتو مخنیوي او د مشرانو له بي اطاعتۍ څخه یې را وګرځوي.علماء باید د امارت فرامین خلکو ته واضح کړي، ټول د فرامینو تطبیق او اطاعت ته وهڅوي، که چېرې تاسو زما فرمان د شریعت خلاف ولید په دېوال یې وولئ.»

د دې اوږدې وینا په یو بله برخه کې ملا هبت الله د دې ډلې د حکومت له چارواکو مننه کوي او زیاتوي: « زما وزیران ښه خلک دي، همېشه زما اطاعت کوي، زه ترې ډېر زیات خوشال یم، اطاعت، قدر او عزت یې وکړئ، ځکه چې اکرام او اطاعت تر مشر امیر پورې خاص نه دی، ټول امرا پکې شامل دي.»

ملا هبت الله بیا ویلي‌چې د دې ډلې ټولو افغانانو ته یې عفوه کړې:« دا زموږ خلک دي، پخوا مو هم د افغانانو وژل هدف نه وو اوس یې هم د تکلیفولو اراده نه لرو، پخوا چې کوم افغانان زموږ په لاس وژل شوي هغه د تستر له کبله وه، چې دوی د کافرانو مخته روان وو.»

که څه هم د طالبانو واکمنېدو په درشل کې ملا هبت الله خپلو مخالفانو ته ټولبښنه وکړه، خو بیا هم وخت نا وخت د پخواني نظام کارمنان په تېره نظامیان په مرموز ډول وژل کېږي او یا هم د دې ډلې په زندانونو کې شکنجه او ځینې وخت وژل کېږي.

په دې هکله د ملګرو ملتونو په ګډون د بشري حقونو مختلفو ادارو رپوټونه خپاره کړي، خو طالبان یې ردوي.