د افغانستان کرېکټ بورډ وايي، چې په قوش تېپه جام کې نن امو زون لوبډلې بوست زون ته د ۶۸ منډو په توپیر ماتې ور کولو سره په روانو سیالیو کې لومړنۍ بریا خپله کړه.
امو لوبډلې د پچې ګټلو سره توپ وهلو ته مخه کړه او د ۵ لوبغاړو په سوځېدو سره یې په شلو اورونو کې ۱۸۵ منډې جوړې کړې.
په مقابل کې بوست لوبډلې د ټولو لوبغاړو په سوځېدو سره ۱۱۷ منډې جوړې کړې او لوبه یې وبایلله.
په کابل کې د قوش تېپې جام سیالیو کې هره ورځ دوه لوبې کېږي.
تر امو او بوست لوبډلو مخکې د بند امیر او مس عینک لوبه وه.
بند امیر سیالې لوبډلې ته په ماتې ور کولو سره پرلپسې څلورم بری خپل کړ.