امریکا او تاجکستان د «ترهګرو» په څارلو کې همکاري سره کوي

دغې ادارې زیاته کړه، دوی چې هرچیرې ځي د اسراییل د بریدونو له دوامدار ګواښ سره مخامخیږي.
دغې ادارې په اېکس پاڼه لیکلي:« د غزې په تړانګه کې هیڅ ځای خوندي نه دی او د ژوند شرایط خورا ناوړه دي.»
دغې ادارې یو ځل بیا په غزه کې د "سمدستي اوربند" غوښتنه کړې ده.

له بل پلوه د امریکا ولسمشر جو بایډن ګواښ کړی، چې پر رفح د برید په صورت کې به اسراییل ته د امریکا د وسلو لېږد بند کړي.

د اسراییل لومړي وزیر بنیامین نتنیاهو یې هم په ځواب کې ویلي، چې هېڅ ډول فشار به دوی له خپل هېواده له دفاع را ونه ګرځوي.

هغه زیاته کړه: "موږ به یوازې ودرېږو."

اسراییل د هوايي بریدونو سربېره خپل ځواکونه د فلسطین په رفح بندر کې ځای پر ځای کړي او دغې سیمې ته د بشري مرستو لاره یې هم تړلې ده.

د پوتین په خبره، چې که څه هم دوی د بلې نړۍوالې جګړې د مخنيوي لپاره هر ډول لازم اقداماتو ته تیار دي؛ مګر هیچا ته به اجازه ورنه کړي چې روسیه ویجاړه کړي.

پوتین د پنجشنبې په ورځ (د می په ۲۰مه) د مسکو په سره میدان کې یوه لنډه وینا وکړه او ویې ویل، چې د روسیې اټومي وسلې او ځواکونه د تیارسئ په حالت کې دي.

رویټرز خبري اژانس لیکلي، چې د اوکراین د اشغال لپاره د روسي ځواکونو د اکمالاتو له امله سږکال د مسکو په سره مېدان کې د حاضرو سرتېرو شمېر یو ځل بیا کم شوی دی.

د روسیې ولسمشر څرګنده کړه، چې د هېواد راتلونکی د روسیې د پوځیانو په لاس کې دی او ویې ویل: "روسیه له یوه ستونزمن حالت څخه تېرېږي."

پر اوکراین د روسیې د یرغل له پیل راهیسې ناټو او متحدین یې د اوکراین ملاتړ کوي او دغې چارې پر اوکراین د روسیې جګړه اوږده کړې ده؛ خو په وروستیو میاشتو کې د مرستو د کمي له امله په جګړه کې د روسیې د برلاسۍ راپورونه ورکړل شوي وو.

د روانې میاشتې د غويي په اوومه د ناټو عمومي منشي ویلي وو، چې دغه سازمان په وروستیو میاشتو کې له اوکراین سره د مرستې لپاره خپلې ژمنې نه دي پوره کړي. ینس سټولټنبرګ د امریکا د ۶۱ میلیارده ډالرو مرستې تصویب ته په اشارې سره وویل، چې لا زیاتې مرستې په لاره دي او د اوکراین لپاره ډېر ناوخته نه دی چې له روسیې جګړه وګټي.

امریکايي ولسمشر خبرداری ورکړی، چې که اسراییل پر رفح برید وکړي؛ نو دغه هېواد ته به د امریکا د وسلو د استولو مخه ونیسي.

جوبایډن له سي این این سره په مرکه کې ومنله چې اسراییل په غزه کې د ملکي وګړو د وژلو لپاره امریکايي بمونه کاروي.

دا لومړی ځل دی، چې د امریکا ولسمشر پر غزې د اسراییل د بریدونو په اړه داسې خبرې کوي، چې غواړي پر تل ابیب فشار راوړي چې پر رفح د برید مخه ونیسي.

خو تر دې مخکې هم د دغه هېواد لومړي وزیر بنیامین نتنیاهو ویلي وو، چې په رفح کې به پوځي عملیات دوام ولري.

اسراییل پر هوايي بریدونو سربیره خپل ځواکونه د فلسطین په رفح بندر کې ځای پر ځای کړي او دغې سیمې ته د بشري مرستو لاره یې تړلې ده.

محسن علي وايي، وژل شوي او ټپيان د ګوادر روغتون ته لېږدول شوي دي.
د نوموړي په وینا، وژل شوي او ژوبل شوی کس د پنجاب د خانیوال ولسوالۍ اوسېدونکي وو.

د محسن علي په خبره، دغه پېښه د شپې ناوخته درې بجې شوې ده.
څه موده وړاندې هم وسله‌والو د ګوادر په هوايي ډګر د بريد هڅه کړې وه، چې د پاکستان امنيتي ځواکونو له‌خوا ناکامه شوې وه.
د پولیسو یوه سیمه‌ییز چارواکي ویلي، چې په دې اړه یې پلټنې پیل کړې دي.

ورته مهال د كورنيو چارو وفاقي وزير محسن نقوي دغه پېښه په کلکه غندلې ده.
محسن نقوي ويلي، چې د قربانيانو له کورنيو سره د زړه له کومې خواخوږي څرګندوي.
له بل پلوه د بلوچستان د کورنیو چارو وزیر میر ضیا لانګو هم دغه پېښه غندلې ده.
هغه ويلي، چې د بې ګناه مزدورانو وژنه ښکاره ترهګري ده او له ترهګرو سره به سخت چلند وشي.
د صوبايي حکومت وياند وايي د پېښې د پلټنې امر يې کړی او ويلي يې دي، چې دوی د ولسوالۍ له ادارې سره په تماس کې دي.

د دغه شکایت پایله، چې د ملي امنیت او د بیان ازادۍ پر سر لانجه بلل کیږي، د متحده ایالاتو په محکمه کې به معلومه شي.

د ټېکټاک شرکت وکیلانو په خپلو شکایتونو کې ټینګار کړی، چې د امریکا د حکومت دا لایحه د بیان د ازادۍ په حقونو کې زیاته لاسوهنه او د اساسي قانون له لومړي تعدیل څخه ښکاره سرغړونه ده.

د دوی په وینا؛ د دې قانون پلي کول به دې اپلیکیشن ته د میلیونونو امریکایي کاروونکو لاسرسی، چې دوی د نظرونو شریکولو او اړیکو لپاره کاروی قطع شي.

د ټېکټاک د استدلال له مخې؛ د شرکت د چینایي ملکیت بدلول، چې امریکا یې په لټه کې ده، «په ساده ډول ممکنه نه ده» په ځانګړې توګه د دې پروسې لپاره د ۹ میاشتو موده ټاکل شوې ده.

په ورته وخت کې ټېکټاک به په راتلونکو مياشتو کې په امريکا کې د خپلي بقا لپاره مبارزه وکړي، هغه څه، چې په تېرو کلنو کې د دغه هېواد د سياستوالو له خوا پرې نيوکې شوي دي.

د بېلا بېلو ګوندونو فعالانو لا د مخه د دې چينايي ټولنيزي رسنۍ د فعالیت اړوند د امنيتي ګواښونو په اړه اندېښنه څرګنده کړې ده.

د ټېکټاک اداره وايي، چې دوی په امريکا کې ۱۷۰ ميليونه کاروونکي لري، چې د نڅا او سياسي تبصرو د شریکولو ترڅنګ د مختلو موخو لپاره کارول کيږي.

د ټېکټاک قضيه یوه ورځ له هغه وروسته د کاليفورنیا په سيمه کې د امريکا په استیناف محکمه کې ثبت شوه، چې د دې شرکت اجراييوي مشر زو زیچو له خپلې مېرمنې سره په نيويارک کې د ميټ ګالا په کلنۍ غونډه کې برخه واخيستل.

څه کم دوې اونۍ د مخه د متحده ایالاتو ولسمشر جو بایډن د «بایټډنس» لایحې په لاسلیک کولو سره د چينایي ټېکټاک شرکت مشر مکلف کړ، چې د ۹ مياشتو په جريان کې خپله ونډه وپلوري.

د دې لايحې په ځواب کې د بایټډنس مدیرانو ټینګار وکړ، چې دوی د دې شرکت د پلورلو اراده نه لري.