د افغانستان د کرېکټ ستوري راشد خان د شنبې په ورځ پر اېکس ټولنیزې شبکې خپور کړي پیغام کې ویلي، چې بغلان ولایت کې د سیلابونو له امله د خلکو لوې مرګژوبلې دردولی او دا چې مرستو ته به ځان رسوي.
راشد خان ویلي: “د بغلان د غمجنې پېښې په اړه خبر شوم. ډېر یې ودردولم. خدای دی شهیدانو ته جنتونه ورکړي او زخمیانو ته کامله شفا غواړم. زه تاسو سره په دې لوی غم کې شریک یم. ان شاءالله تر خپل وس به کوشش کوو چې مرستو ته ځانونه ورسو”
هغه پv ټولو هیوادوالو غړ کړی چې په دې سختو ورځې کې خپلو وطنوالو ته لاس ورکړي او له شتمن هېوادوال یې غوښتي چې باید ډېر څه وکړي.
هغه ویلي، چې ژمن دی چې سیلاب ځپلو سره هر هغه څه وکړي چې کولای یې شي.
د طالبانو کورنيو چارو وزارت وايي، د وروستيو سېلابونو له امله په دریو شمالي ولايتونو کې ۱۵۳ کسان مړه شوي دي.
خو د خوړو نړیوال پروګرام وايي، یوازې بغلان کې تر ۳۰۰ ډېر کسان مړه شوي دي.
