په کونړ او پنجشیر کې د ترافیکي پېښو له امله ۳ کسان مړه او ۷ نور ټپيان دي
طالب چارواکي وايي، په کونړ کې د دوو ترافیک پېښو له امله دوه کسان مړه او شپږ ټپیان دي. دوی زیاتوي په پنجشنېر کې هم د ورته پېښې له امله ی کس مړ او بل ټپي شوی دی.
طالب چارواکي وايي، په کونړ کې د دوو ترافیک پېښو له امله دوه کسان مړه او شپږ ټپیان دي. دوی زیاتوي په پنجشنېر کې هم د ورته پېښې له امله ی کس مړ او بل ټپي شوی دی.
په کونړ کې د طالبانو د امنیې قومندانۍ مطبوعاتي دفتر رسنیو ته ویلي، د دغه ولایت په نرنګ ولسوالۍ کې د ترافیکي پېښه له امله دوه کسان مړه شوي او یو بل ټپي دی او په ماڼوګۍ ولسوالۍ د موټر چبه کېدو له امله پنځه کسان ټپیان شوي دي.
د پېښې ټپیان ولایتي روغتون ته لېږدول شوي او وضعیت یې د ډاډ وړ ښودل شوی دی.
د یو بل خبر له مخې، د پنجشیر ولایت د حصه اول ولسوالۍ په «خنج» سیمه کې د یوه موټر د چپه کېدو له امله یو کس ووژل شو او یو بل ټپي شوی دی.
د سړکونو خرابوالی، د موټر چلوونکو بې احتیاطي او د ترافیکي اصولو په پام کې نه نیول د ترافیکو پېښو د رامنځته کېدو لاملونه بلل کیږي.
څه موده وړاندې د طالبانو د ترافیکو عمومي ریاست ویلي و، چې هرات، غزني او پکتیکا هغه ولایتونه دې چې سږکال پکې ډيرې ټرافیکي پېښې رامنځته شوې دي.
